اكتئاب العنوســــــــة هل مريتي فيه ؟؟؟

اعيش مرحلة احباط يمكن عاشتها بنات كثير من اللي ماحالفهم الحظ

احباط - وحده - تحسين انتي لوحدك عايشه بهالعالم خاصة لو مافيه صديقات ولا جماعه ولا اهل

افكار ماتنتهي مثل لو كبرت وحيدة من بيقوم فيني

لو مرضت من يسأل عني

حبيت ارفه عن نفسي من يطلع معاي


دوامة لا تنتهي للوحيدات ( العانسات :( )

بحثت في النت هل هذا يدخل في الاكتئاب ويحتاج الى علاج لكن ماوجدت ان هالمرض تم تعريفه حتى الان


شكلي انا اخترعته :)


اكتئاب العنوسة


وتبدأ الوحده تحسب عمرها والسنوات تمر طيارة بسرعه البرق

هذا هو شعوري احس السنه كأنها يوم احس على عكس المتزوجة مايهمها مرت سنه من عمرها او لا المهم تشوف عيالها جنبها وتحقق طموحاتها فيهم

اكثر شعور قاتل هو الوحــــــــــدة خاصة خلاص كل اللي بعمرك متزوجات والمتزوجة عادة تحب تماشي اللي مثلها وسوالفهم كلها عن اهتمامات وحده حمل وولادة ورضاعه وتربية الاطفال

لما يبدأ العمر بالاقتراب من الثلاثين وتحسين ان معدل الخصوبة خلاص قرب يوقف ( لان خصوبة المرأة الى 35) يبدأ القلب بالخفقان ماباقي الا 5 سنوات يا ألحق انجب او ما الحق لا واذا فيه مشاكل بالدورة من قبل الزواج هنا النفسية تدمر اكثر واكثر


اللي مرت بمرحلة اكتئاب العنوسة كيف تخطتها وتجاوزتها وتقبلت حياتها ووحدتها

واللي فشلت في تكوين صداقات مع بنات نفس وضعها كيف بدات تتقرب من الناس وتبدأ صداقات جديدة


اكيد مانبي نستسلم للوحده ونبي نبحث عن حلول العنوسة مو هي نهاية الكون ونقضي اللي باقي من العمر في انتظار زوج يطرق الباب

نبي نكون ايجابيين ونشغل اوقاتنا بما يفيد