اكتئاب بعد العملية القيصرية.. كاااااارهه نفسي!

حبيبتي أنا مثلك ولادتي الاولى كانت مبكرة بالشهر السادس و فتح الرحم ١٠ سانتي و تعبت و توقعت أموت من التعب و حولوني قيصري و الله ما كنت اقدر ارفع ايدي من كثر الألم والتعب و توفي البيبي بعد يومين
و انقهرت من العمليه شوهت بطني و انو مقدر اشد بطني و بعدها بكم شهر حملت و زاد وزني وكرهت جسمي و شكلي بس الحمد الله بفضل الله ولد الثاني طبيعي و بعد النفاس نقصت ٣٣ كيلو و الله العظيم بطني سار بظهير من كثر النجف و من دون ترهلات و العمليه صغرت مرة و ما تبان تحط خط الكلوت

و اذا جسمك انعدم تحمدي ربك انك حيه والبيبي بخير هذا الشيطان بيستغل كل لحظة و يعيشك في حزن عشان ما تحمدي ربك على نعمة السلامه

و اذا على الأندية يمديك بعد كم شهر تدخلي و تشدي جسمك
اهم شي الحين تعوذي من الشيطان و كثير شكر و حمد و استغفار و كل ما جتك هذه الأفكار استغفرت و استغفري و ما سار الا كل خير يا قلبي شق بسيط و بيشفى و ترجع الاميرة اللي قبل الولادة


اعرف طولت حكي بس حاولت أساعد بكل اللي اقدر عليه

احمدي ربك ع العافيه ياختي الله يهديك وكل شي وله حل دامك انت والبيبي بخير وتعوذي من بليس هذا الشيطان اعوذ بالله منه

احمدي ربك عالعافيه والسلامه

دام انتي وولدك بخير كل شي يهووون

ترا اللي تولد قيصري عادي تحط مشد لايهمك كلام الناس بعد ١٠ ايام شدي بطنك على خفيف والرياضة سويها آخر النفاس بس مشي والحمدلله وشوله تنهارين وما ادري ايش وسعي صدرك وترا سبحان الله بالنفاس لابد من الاكتئاب ماله دخل طبيعي او قيصري انا ولدت طبيعي وجتني كآبة كرهت الدنيا كلها ..

لاتشيلين هم لجسمك مهما كان راح يرجع لطبيعته قبل ان شاءالله فاللي جسمها رشيق قبل ترجع ان شاءالله ..

وحاولي كل يوم توفوحين موية وتجيبين ترمس وتعبينه ملعقة قشر قهوة وقرفة وزنجبيل وصبي عليها موية مغلية وخليها ربع ساعة واشربي منها لين تخلص طول اليوم ان شاءالله مايجي آخر النفاس الا وجسمك وش زينه تشد الجسم والبطن ومعروف قشر القهوة يدر الحليب على كلام جابر القحطاني ..

والله ييسر امرك وامري ويسهل علي ولادتي تكفين ادعيلي دخلت التاسع ��

الحمدلله على سلامتك وسلامه البيبي ماقصروا الاخوات الله يعطيهم العافيه تعوذي من ابليس وهذا كله ان شاء الله بيصير ذكريات