اكتئاب عروسة

اولا السلام عليكم ورحمة الله وبركاته

بصراحة عندي مشكلة ومادري كيف احلها وبالأول والأخير مالي إلا الدعاء
مشكلتي اني مقبلة على زواج وعرسي بعد اسبوعين وانا عندي ( اكتئااااااب )
كنت متحمسة في البداية واشتري اللي نفسي فيه
لكن بعد فترة بسيطة حسيت اني مو قادرة اكمل شي
ومابي اكمل اصلا
حتى الصور كنسلتها ولغيت حجزي مع المصورة
ماسويت لي مسكة وكل ماحد سألني قلت مابي مسكة ولا ابي زفة ولا أبي عرس من أصله
بغيت اشد حيلي في البداية بخلطات وكريمات وتركتها كلها
كل يوم يستمر العد التنازلي لكن مو عارفة شسوي وكيف اخلص من هالحالة
حتى جوالي كسرته عشان ماحد يكلمني ويسألني عن استعداداتي
مابي حد يذكرني بهالعرس
ودي افرح نفسي بس مو قادرة
مادري هالحالة عادي تجي العرايس ؟؟!!!
والا انا مكتوب علي الشقى ؟؟؟!!!!!