اكتئاب نفاس حاد .. ساعدوني ارجوكم

السلامعليكم
ارجوكم ساعدوني

انا صارلي من ولدت بنتي شهرين بضبط
و طول فترة حملي كانت متعبه جدآ
و الولادة كانت بطلق صناعي وموية المشيمة كانت زايده و ابرة الظهر ماشتغلت معاي للاسف وعشت شي فضيييع 💔 و بيوم المخاض تبعي توفت خالتي 💔 و في المخاض مافي الا زوجي معاي فقط اهلي كانوا كلهم بالعزا

لما ولدت بنتي كانوا يقولون لي حسافه ليتك سميتها على خالتك المرحومة و كلام وجلد اكثر و اكثر حتى لما جاوا يسلمون علي و يتحمدون لي بالسلامه كان يقولون انتي اذا ولدتي لازم تجبين المرض معاك يقصدون بكلامهم انتشار الفيروسات التنفسية لان يوم ولدت ولدي الكبير كان بداية كورونا و الحين بنتي كان فيه فايروس تنفسي منتشر و خافوا منه

ماكانوا يراعون الله في كلامهم و يزيد علي اكتئاب يوم وراء يوم لدرجة ان الحين مش قادرة احب بنتي من كثر الكلام و التعب اللي انا فيه و اللي يقولي هي صياحه هي ماتسكت هي كذا وكذا

جن جنوني والله العظيم وصل معاي الحال ان جاتني افكار انتحاريه و يوم من الايام كانت وحدا من هالافكار بتصير واقعية كنت بدورة المياه و معاي شي حاد و جلست اجرح بيدي خلاص لان تعبت من حالتي ومن الناس ورب الكعبة

يوميا ابكي و اضرب بنفسي مش عارفه شسوي وماقدر اتحمل صوت بنتي ومابي الشيء يزيد اكثر من اللي هو فيه و اوصل مرحلة فعليه من ايذاء نفسي او ايذاء بنتي لا سمح لله

رحت لطبيب نفسي قالي هذا اكتئاب حاد و وصفلي دواء اسمه ازوملاين يرفع مستوى هرمون السيروتونين و الدوبامين علشان يحد من المزاج السيء و يساعد على النوم

التحسن معاي جدا بسيط لا يتعدى ١٪؜.. لسى احس ان بفتره جنون غير طبيعي و ماني عارفه كيف اشرح لامي او ام زوجي هذا الشيء علشان ياخذون بنتي هالفتره علشان لا يصير شيء فيني وفيها

.. ساعدوني الله يخليكم ويكتب اجركم اتمنى منكم اللطف معاي