السلام
مكيف غرفة ابن زوجي اخترب ماصار يبرد
قلنا له خير نجيب واحد جديد بس كله مسكر واليوم على اساس ابوه يشتري واحد جديد
المهم الولد احتار وين ينام
قلت له روح نام عند اخوانك رفض قلت تعال افرش لك عندنا عصب يقول انا مو صغير انام عندكم
راح شال عفشه ونام بالصالة وماتهنى مسكين المكيف من الرطوبة نقط موية عليه وماعرف ينام يتقلب طول الليل مانام للصبح الا كم ساعةوفوقها قرصته نملة بغت تموته وحاولت فيه مارضا
واليوم يحك بجسمه طول الوقت وهو ينام بشورت قصير يعني جسمه مكشوف وابوه يقولي شوفي حالته المسكين ماتسر العدو ارق وحك وحالته حالة من يوم مادخل بيتنا وشاف وجهك صار منحوس وين ماراح جات مصيبة فوق راسه ولدي وعارف مصيره طول ما زوجة ابوه فوق راسه يتم منحوس
جيت بكلمه لانه عصبني صار يضحك يقولي امزح شفيكي ماتتحملي مزحي
راح نام شوي بغرفة بنتي وقلت الحمدلله غفى بنتي صحته بصوتها العالي وهي بالغرفة وانا منبهة ياملقوفة خليه نايم ورجع صحى واكتئب يقول جسمي مكسر َصار يعصب
ابوه كان مشغول ومافضى يجيب مكيف جديد له او يصلح مكيفه
صار يتهاوش مع بنتي وابوه بدال مايهدي الوضع يضحك عليهم كآنه يشوف فلم كوميدي
ومثل كل مرة طلع فلمه المفضل يشيل شنطه ويترك البيت وابوه يصدقه يقوم زعلان ويهديه
اطالعه الاقيه منسدح تحت المكيف ويخز فيني ويناظر بوجهي وهو مكتئب وعيونه تغمض وتفتح
والله مالي دخل فيه جاب لي اكتئاب لانه مكتئب احس انعديت منه وجاني اكتئاب معاه لهذي اللحظة وهو بالحالة هذي
وربي زهقني وابوه بسابع نومة
bdoor_5 @bdoor_5
عضوة جديدة
يلزم عليك تسجيل الدخول أولًا لكتابة تعليق.
اطلعي من الموضوع كله خلي الولد وأبوه يتصرفوا إذا استشارك زوجك قولي استعجل اشتري له مكيف
و عليكم السلام
بسيطة طالما عندكم قدرة مادية تصلحوا المكيف له أو تشتروا غيره فهذه نعمة .. و ضيقه و انزعاجه بسبب قل النوم
مجرد ينام إن شاء الله يرتاح و يصير تمام
ما يحتاج تبالغين بردة فعلك يا بدور و توصفين إنه مكتئب و وصل الاكتئاب لك .. الموضوع بسيط إن شاء الله
و اتوقع إنه مراهق ، فإن كان فعلًا بعمر المراهقة teenagers يعني من عمر ١١ إلى ١٩ فالأفضل طالما عرضتي عليه إنه ينام عند أخوانه و رفض و اختار النوم بالصالة فعادي يتحمل نتيجة اختياره .. يعني لا تشعرين بتأنيب ضمير مبالغ فيه إذا حصل له ازعاج أو غيره ، لأن المراهقين يحبوا يثبتوا رأيهم و يخالفوا الكبار أوقات و الأفضل بهذه الحالة توضحين له إنه عندك مجال تختار تنام ..... أو ...... اللي ترتاح فإذا غيرت رأيك كلمني !
و اتركيه ع راحته لا تزيدوا الدلع و المفاوضات معه ..
اقصد من ناحيتك و من ناحية والده هو و اللي يناسبه يتصرف فيه مع ابنه ..
لكن حاولي ما تسمحي بتكرار العبارة اللي قالها زوجك حتى ما تصدقوها ، لأن سبق و قرأت لك موضوع من فترة طويلة إنت بنفسك استعملتي قريب لهذه العبارة إنه المشاكل ع طول تحصل لك طالما ابن زوجك موجود !
يعني كثرة المزح بالشيء وصل لعقلكم الباطن إنه حقيقة بحياتكم و هي إن وجود الابن يتسبب لك بمشاكل ، و وجودك يتسبب له بمشاكل
و الواقع هو إن المشاكل و الاختلافات و الأخطاء تحصل بحياة الجميع لأنها حياة دنيا فيها من النقص و الكدر الكثير
الله يطمن قلبك و يفرج هم كل مهموم
تقبلي مروري ،
توت 🌹
بسيطة طالما عندكم قدرة مادية تصلحوا المكيف له أو تشتروا غيره فهذه نعمة .. و ضيقه و انزعاجه بسبب قل النوم
مجرد ينام إن شاء الله يرتاح و يصير تمام
ما يحتاج تبالغين بردة فعلك يا بدور و توصفين إنه مكتئب و وصل الاكتئاب لك .. الموضوع بسيط إن شاء الله
و اتوقع إنه مراهق ، فإن كان فعلًا بعمر المراهقة teenagers يعني من عمر ١١ إلى ١٩ فالأفضل طالما عرضتي عليه إنه ينام عند أخوانه و رفض و اختار النوم بالصالة فعادي يتحمل نتيجة اختياره .. يعني لا تشعرين بتأنيب ضمير مبالغ فيه إذا حصل له ازعاج أو غيره ، لأن المراهقين يحبوا يثبتوا رأيهم و يخالفوا الكبار أوقات و الأفضل بهذه الحالة توضحين له إنه عندك مجال تختار تنام ..... أو ...... اللي ترتاح فإذا غيرت رأيك كلمني !
و اتركيه ع راحته لا تزيدوا الدلع و المفاوضات معه ..
اقصد من ناحيتك و من ناحية والده هو و اللي يناسبه يتصرف فيه مع ابنه ..
لكن حاولي ما تسمحي بتكرار العبارة اللي قالها زوجك حتى ما تصدقوها ، لأن سبق و قرأت لك موضوع من فترة طويلة إنت بنفسك استعملتي قريب لهذه العبارة إنه المشاكل ع طول تحصل لك طالما ابن زوجك موجود !
يعني كثرة المزح بالشيء وصل لعقلكم الباطن إنه حقيقة بحياتكم و هي إن وجود الابن يتسبب لك بمشاكل ، و وجودك يتسبب له بمشاكل
و الواقع هو إن المشاكل و الاختلافات و الأخطاء تحصل بحياة الجميع لأنها حياة دنيا فيها من النقص و الكدر الكثير
الله يطمن قلبك و يفرج هم كل مهموم
تقبلي مروري ،
توت 🌹
الصفحة الأخيرة
ويسخركم لبعض