هلا شوق ترى اول كنت مثلك وبعد ترى بعض الاحيان تضيقني بعض الحركات بس اول سنه زواج كنت هبلا اي كلمه معناتهم يقصدوني بس الحين صار عندي مناعه هههههههههههه وان شاء الله ربي يرزقك عاجلا غير اجل

حبيبتي شوق انا لي 6 سنوات وشوي وعملت انابيب وفشلت العملية تأثرت كثير والنفسية مو صفر لااااا رايحة للسالب بعد لاني عملتها برة وكنت افكر بأمي شلون كانت تحاتيني وشلون بتتلقى الخبر وكانت تصيح وماتبين وانا كلش ولا امي بالذات اني البكر عندها واحبها مووووت
يعني باختصار غربة وكربة ...... والله عانيت بشكل صعب اني اوصفلك وياه خصوصا اني عشت بوضع وحسست نفسي تبع الحوامل لا وتعرفين المسافر يشتري هدايا انا قاعدة اقول لزوجي هذي حلوة لغرفة النونو شرايك فيها واذا شفت ثوب حمل اتخبل عليه مسكين زوجي حتى قال لي بعدين اذا كبر بطنك خذي الللي نفسك فيه الحين خلنا نشتري هدايا اهلي واهلك...... وبيوم حلمت حلم شين وصحيت وحسيت بألم وعلى طول نزلت اللي هدمت بأمر الله احلى حلم بحياتي .... تتوقعين شلون كنت؟
حسيت نفسي منهااااارة بالمرة .


وبعد فترة حسيت نفسي قريبة من ربي مادري ليه حسيت انو مالي غيرة بيزول همي وماكو شي يجبر كسري غيره وبيوم قلت لزوجي: تصدق حبيبي احمد ربي انو العملية فشلت!
استغرب من كلامي وسألني عن السبب جاوبته وبكل صراحة:
احس نفسيتي الان احسن من اول بكثير وثقتي بربي زادت بشكل انت ماتتصورة ويمكن التجربه هذي علمتني انو لو تجمع كل المخلوقات ماراح يفيدوني اذا ربي مو كاتب لي شي وعلمتني اني اطلب وادعي لغيري قبل نفسي وبعدين يمكن الفتره هذي مو زينة اني احمل فيها او يمكن لو حملت الجنين معاق او عاق أو .... لاسمح الله أو يمكن تكون فترة اختبار لنا أو يمكن الله يحب اني الح عليه بالدعاء أكثر ويمكن الله ضم لي الاحسن .... وفي كل الاحوال الله عالم بالحال وغني عن السؤال

تغيرت كثيرررررررررررر
كنت اخجل لما ازور والد تزوجت بعدي واشيل طفلها بحضني مو اني احسدها ومو علشاني بس كنت اخاف على مشاعر امي واتمنى اشوف الفرحة بعيونها مثل ماشوفا بعيون امهات رفيجاتي
كنت استحي احمل طفل واداعبه حتى مايقولون عني مسكينة
كنت ماشتكي لاحد لاقريب ولا بعيد حتى امي حتى ماتتاثر ولا زوجي اخاف يتحسس من الموضوع لان الضعف من عنده
تدرين اني الحين كل الاطفال لا من اهلي ولا من اهل زوجي مايشوفوني الا يلتمون علي ويسلمون علي بحرارة وشوق وصرت اداعب هذا والعب مع هذي واعطيهم الحلويات اللي بشنطتي واسولف معاهم كأنهم كبار او كأني صغيرة مثلهم
وحتى الامور اللي تخص الحمل والاطفال كنت اتحاشاها صرت اتقبلها لا وامزح على نفسي يعني ببعض المواقف مع اهلي عادي اقول في ولادتي او بنتي بسوي احلى .....بس ماقول كذا الا لخالاتي واخواني وامي يعني مو للناس كلهم طبعا.

حتى مرة قالت لي خالتي احس انك تغيرتي كنت اقول فلانه ماتحب الاطفال ومالها خلق عليهم
قلت لها بالعكس انا احب الاطفال ومن قبل الزواج لكن مااحب يكون عددهم كثير لكن اموت فيهم

تتوقعون كل هذا التغير شلون صار
والله ماكو احسن من الثقة بالله والثقة ان الله ارحم وأحن وأرق علي من اقرب الناس لي
وفعلا كلام الاخوات الاستغفار ماكو احسن منه في التقرب من الله وانا الحين مداومه عليه وكلي ثقة انو اذا لي مصلحة من الانجاب الله مستحيل يحرمني او يحرمكم
وبصراحة الاستغفار مو بس للانجاب لقضاء الحوائج كلها اتذكر مرة كان موضوع مأزمني وتمنيت من ربي يعطيني حاجتي قالت لي خالتي استغفري الله 30000 مرة رهيبه لقضاء الحوائج
والله كان الموضوع صعب المنال بل مامنت اتوقع انه بيتحقق لانه شبه مستحيل لم ماكو شي مستحيل على الله والله العظيم الله عطاني الحاجه قبل لا اكمل العدد وبشكل مرتب والاحداث سارت بشكل يصعب اني اوصف لكم رتابته .
اتمنى اني اكون قدمت لك حافز حبيبتي والله يرزقك ويرزق كل محرومه بحق بسم الله الرحمن الرحيم

الله يرزقك الذريه الصالحه يارب جربي أنابيب وشوفي ،، ترا مو إنت لوحدك تعانين كثييييييييييييير بس الحمد لله على كل حال.

أختي وحبيبتي تطمني تري سنة ماهي مقياس أنا جلست سنة والحمدلله بعدها حملت وراح اقلك عن وضعي اللي كنت فية والمأساه اللي عشتها ولكن لله الحمد والشكرله وحده هو القادر على كل شي حبيبتي أنا مثلك كان عتدي ضعف في المبايض وأرتفاع في هرمون الحليب وزوجي طبعا طاق الخمسين وزيادةلأني أناالزوجة الثانيةوتعبت نفسيتي مره لأني ماكنت أحس منه ألإهتمام لأن عنده عيال ولكن قالت لي وحدة أستمر على الحبة السوداْ والعسل كل صباح بعدالفجر وقبل ماأكل أي شي وقٌرأة سورة البقرة ليليا والحمد للة ماكملت شهر إلا وأنا حامل وراح أكملك حكايتي واقلك على أشياء تفيدك بإذن الله لكن الأن أنا مشغولة ولكن بإذن الله راح أرجع لك

:)