يابنات ترى انا نزلت قصه مرررررررررره روعه في الفتاة المسلمه عنوان القصه حب للابد قصه حقيقه واقعيه قلت خلني اعلمكم حتى تفرحوني بردودكم وارجوكم انكم ماتخيبون ظني بليييييييييز:27:

مشكوووووره كثير اختي ( احبكم كلكم ) موقف مررررره محرج بس حلوه كمان:26:
......................................
يالله كمان فينكم_ (آلاء الدنيا ):27:

السلام عليكم
حبيت اشارككم الفشلهوالمواقف المضحكهانا راح اقول موقف يضحك صارلي
مره كنت سهرانه انا وخواتي وطلبنا وجبات من هارديز وكان اليوم دوري اني انزل تحت واستلم الطلب لأن احنا بالدور كل مره وحده تستلم الطلب عاد انا قاعده احسب جم يردلي فلوس يعني الباقي _____<خايفه على فلوسها
المهم انا حسبت غلط وقاعده انطر وبعدين وصل وعطاني الفاتوره وعطاني الطلب وعطيته الفلوس(انا لما اخذ الطلب الرجال مايشوفني بس اطلع طرف ايدي وهو يدخل الطلبات بدون مايشوفني ولا أشوفه) عاد انا حاسبه غلط قلت الحين فوق اللي رجعهم باقي 150 فلس وتخيلو شكلي مطلعه ايدي كلها وقاعده اقول لوسمحت الباقي_____<يعني ذربه
وقعدت ساعه ماده ايدي واقول لوسمحت الباقي(( الرجال راح بيتهم وبلع ونام وانا قاعده على الباب اقول لوسمحت وين الباقي ههههههههههههههههههه))
عاد قلت بشوف من الفتحه لقيت الشارع فاضي عاد يليتني ناطره على جم دينار كلها 150فلس فضحني الله ثاني يوم قلت لخواتي وافطسوا علي من الضحك وكل يوم يذكروني يقولون(لوسمحت الباقي)

موقف ثاني
مره كنا بالمخيم متجمعين مع خوالي وخالاتي وكنا مأجرين بقي جايبي 2 واحد للبنات وواحد للصبيان
هذي السنه سميناها سنة الطيحات
اخوي طاح من البقي واختي وبنت خالتي وانا ماسكه نفسي من الضحك عليهم
ولما جادوري اخوي قال ركبي وراي عشان ماتطيحين مثلهم قلت لا أبي بروحي___<عنيده
وركبت ومن اللقافه قاعده استعرض واقحص ـــــــ<صبي مو بنت
عاد شوفوا المتفرجين منو يليت خواني وبنات خالتي بس اخوي راح نادى عيال خالتي كلهم عاد اشصار لفيت البقي جان اطيح طيحه بس الله ستر ماطاح علي طحت على الجنب كلهم انا من الصدمه قاعده اطالعهم بعدين نمت على الارض(تعرفون شكل الضب وهو قاعد يطالع من جحره ويدخل هذا شكلي) بطلع عبايتي وراحوا نادوا امي وابوي وخالاتي والشعب كله واختي حامل بشهرها الخير وتركض معاهم وانا ماتعورت ومافيني شي بس من الفشله قاعده اضحك وبرقع السالفه قلت لاانا حسيت البقي بينقلب جان اقط نفسي منه ــــــــ<خرطي طل بعيني قطيت نفسي بس تفشلت فشله كبرى ومن الفشله سويت نفسي متعوره ورحت عند اختي وبنت خالتي وقاعدات يضحكون علي يقلون تستاهلين
وعندي مواقف كثيره بس انشالله بعدين اكتبها اذا شفت مواقفي اعجبتكم
والى اللقاء مع فشله اخرى

:26: :26: :26:

موضوعك مررره روعة يسلموووو

مره لما كنت بأول أبتدائي أول يوم كنت أصيح مابي أدخل

المدرسة المهم لما رن جرس الفسحة طلعت على البيت أول الناس ولا


في الفسحة بس ماصادوني الحمد لله:21::21: