هذي سوايا الحريم بنا بآخر المطاف.. يالله انك تاجرنا


اكتب اسمك في جدار الصف عند الباب في كل الزوايا
فوق سطح الطاولة في دفتر التاريخ وحروفي سجينه
ضعف مدري جهل مدري ذنب مدري هي رزايا
غلطتي ليه اسقي البستان من عيني وهو يبخل بتينـه
ماسالت امي عن الخاتم واصابعها نحيلات عرايا
ليه راحت ترهنه لاجل اشتري فستانك اللي تلبسينـه

وهالأبيات بمناسبة ارتفاع الاسعار وقرب رمضان وبعده العيد
ومانقول الا الله يخاااااارجنا

مـن عقـب مـا جانـا قــرار الـزيـاده
من مجلس اهل الجود وافين الاشبار
كــلٍ مــن الفـرحـه بـيـقـدح زنـــاده
جبنا القروض بداخل السوق وانهار
وجينـا نبـي بـس الـرجـا والـهـواده
والله وكيلـك شبّـت اسعارنـا نـاااار
والـراتـب المـاخـوذ جـتـه الـقــراده
ماينـزل الا صافـقـه مـثـل الاعـصـار
فـاتـورة الهـاتـف وعـاجـل ســـداده
والقرض والكهرب وتسديد الايجـار
والتـاجـر الملـيـان حـــط الـوســاده
يـبـي يـوصـل راس مـالــه لمـلـيـار
يـامــن يـوصّــل كـلـمـتـي لـلـقـيـاده
للحـاكـم المحـبـوب والـوالـد الـبــار
ماعـاد نبغـى بالـرواتـب زيــاده
اللـي نبيـه الـيـوم تخفـيـض الاسـعـار

انا بصراحه ودي اضيق صدوركم شوي بهالابيات بس تحملوني

قصيده ما ادري لمن بالظبط بس كل ما اقراها والله تخنقني العبره ولا ادري الا وعيوني مليانه

الأم مالها جزاء الا عند رب العالمين الله يسمح خاطرها ويجزاها عنا كل خير


غاب ابوه اللي يضمه ولا بقي له غير امه

امه الام الرحوم وكل طيب تحتويه

كلها عطف وامومه شالت الوقت بهمومه

ودها تسعد ولدها بأي شي وتحتميه

امنت له كل شي وحبه ابها نبض حي

ولو طلبها ما طلبها ساع يطلب تشتريه

كافحت في هالحياة وسوت اله المعجزات

وان تأخر ما تنام الليل كله تحتريه

تبكي والدمع يغشاها وتمسحه لامن جاها

ما تبيه يشوف دمعة حزن المّها .. يكتسيه

ومن بعد ما شب عوده واستوى وكبرت عضوده

وصار متزوج بعذرا ( لا ) معاها تصير ( ايه )

نسته ام وفت له يوم الاجواء ماصفت له

لا وقالت له انا ابغا بيت امك ما تجيه

كيف اصير ببيتي حره وانا اشوف الأم ضره

وخططت له ودبرت له وسوى كل اللي تبيه

ولان شخصيته ضعيفه وامه اشبه بالكفيفه

ما توانا لو دقايق يطرد ام .. ترتجيه

وقام سوا له جريمه وشالها شيلة غريمه

وعقب وصلها الرعايه صوتت له هيييه هييييه

يا وليدي وين انت رايح قالته والدمع سايح

والتفت فيها ورد برد متنكر سفيه

قال انا رجال تاجر منشغل بين المتاجر

وان بغيتيني بحاجه هذا رقمي واطلبيه

ولجل ما تجرح شعوره طاعته بأمره وشوره

وابتعد عنها وقفا وكل ماسوت نسيه

وهمل امه يا حسافه وصد واعلن انحرافه

وصار ما يسأل عليها ولا تلاقوا بالوجيه

والا هي يوم ادخلوها بالرعايه وانشدوها

قالت بنبره حزينه هو ولدي والله يهديه

عنده اشغال كثيره وكم محل هو يديره

وعاذرته بما فعل بي دام مامره في يديه

ومن ولعها في ظناها كل هم اكتساها

واصبحت في وضع مؤسف وضع ما تحسد عليه

وضع كلٍّ به تأثر عاشت ابه اسبوع واكثر

لين روح الطهر فاضت من جسد طاهر نزيه

حلمها اللي في ولدها لاكبر يكبر سعدها

مات لحظة كفنوها ولا بقا يا كود ليه

ليه هملها وجفاها وليه ما قدر وفاها

وليه يقتل حلمها اللي من زمان تعيش فيه

ليه وكم ليه مرت في خيالي واستقرت

شرقت بي وغربت بي وصرت في حيره وتيه

والله يا عالم مصيبه واقعه فعلا غريبه

منها تبكي كل عين وينجرح قلبٍ نبيه

لكن الكلمه الاخيره رددوها بكل ديره

وقولوا (( من يبغا رضا الله يطلب رضا والديه ))


تكفووون الا الام حطوها فوق روسكم

البارحـه يـوم الخـلايـق نيـامـا
بيحت من كثـر البكـا كـل مكنـون
,,,,,,,,,,,,,,,,,,,,,,,,,,,,,,,,,,,,,,,,
لا تحسب كل صمتي لك جفا
بعض الحكي مايشرحه غير
السكووووووووووووووووووووت


وهذا لزوجي دائم اردده
يكفي من حياتي اني عرفتك
ويكفي طيب قلبك يووم شفتك

آه لا صار الغلاء بالجرح سـاكن ::: والخناجر كلها .. ربع وقـرابه