ليه الحظوظ العامره للردييـن !؟؟
وحظوظ من يوفون دايم رديـه ؟!
أضحك وأجامل وأكثر الناس دارين
في حالتن ماهـي عليهـم خفيـه
من شاف له مجنون بيقول مسكين
وانا اقول بهمس : < لا واهنيه>ـ

ان شاء الله تعجبكم المشاركه :)

ويسلمو ع الموضووووع;)

....


هذي في بداية الموضوع..

لكن رح اعيدها عشان خاطرك...وياليت اسمع رايك فيه لان من جد مؤثرة وتضيق الصدر...

...
هذه قصيدة كتبها زوج أُصيب بمرض السرطان وفي اشتداد المرض عليه كتبها موصيا صديقه بالزواج من زوجته...

هي بجد مؤثرة واتمنى تقولون لي رايكم فيها..بعد ماتنشفون الدموع...



وصاتي لك من بعدي .. تموت فيها علشاني

ابيها تعيش و تحيا بك .. واظل بالذاكره مفقود

وصاتي لك تنسيها ... ملامح وجهي و تنساني

وتعزفها قصيدة حب.. على عكس اللي عزفته بعود

وصاتي لك تبعدها .. عن اشعاري وقيفاني

تراها مغرمة بالحيل .. ويشهد لي عدد الردود

وصاتي لك تسايرها ... ترى فيها من احزاني

طلبتك لايضيق بالك ........ طلبتك والطلب مردود

وصاتي لك تناديها ........ حياتي..عمري..ازماني

انا عودتها دايم ........ ادلعها وانا موجود

وصاتي لك تعاملها ........ بطيبه قلب و احساني

تراها تذرف الدمعه ........ ودمعتها بليٌا حدود

وصاتي لك تحفظها ........ سور وآيات قرآني

وتخبرها عن الميت ........ رحل لايمكنه بيعود

وصاتي لك ترسمها ........ على قبري وأكفاني

ابيها لوحة تبقى ........ على طول الزمن محدود

وصاتي لك تمازحها ........ وتشوف الضحكة بأسناني

سعيتك ياضحك هالكون ........ طلبتك لاتصير جلمود

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود

وصاتي لك تركبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفرها ........ بلاد الشام و لبناني

ترى يحلالها تقطف ورده ........ وردة من بلد الورود

وصاتي لك تراقصها ........ على الحان رحباني

ترى فيها عرق خالة ........ وفيها من جنون السود

وصاتي لك تحببها ........ فأبونورة بعد هاني

وتنسيها ندم غلطة ........ انا فيها ترى المقصود

وصاتي لك تكرهها ........ في تاريخي و عنواني

أبيها تلعن اللحظة ........ وتلعن كل فرح موعود

وصاتي لك تكلمها ........ عن المجني وعن الجاني

وتخليني انا الظالم ........ وانا من حرق الاخدود

وصاتي لك تشبهني ........ بدم أحمر قاني

وانا هالقاتل السفاح ........ مجرم من عصر نمرود

وصاتي لك تحلفها ........ تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا اخبرك رجل موقف ........ وانت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........ ترى خالد....رحل مايعود

..........................

:(:(:(:(

....
اعجبتني وحلوة...

تسلمين يالغلا..

ياحوبي لتس الحمامه

ايه تذكرتها

قويه وحزينه بالمره بس مااتوقع احد بيوصي صديقه يسوي تسذا مع مرته ..

تراي جايزن لي الموضوع بقوووووووووووه
اروح وارجع عليه
لا تحرمينا جديدتس

^

^

مشكورة ياعمري على اهتمامك..

وبالنسبة للقصيدة هذي فعلا واقعية .. واسم الشاعر خالد ولم اعرف الى الان اسمه كاملا يمكن هو او من وجد القصيدة لايرغب في ذكر اسمه كاملا... لكنها فعلا واقعية..

يمكن المحبة زود لزوجته خلته يكتب هالاحاسيس والمشاعر...

ويمكن الشاعر نفسه جرفته مشاعره لكتابة ماهو اعظم محبة لزوجته...

ترى يمكن الحب يسوي اعظم يمكن:) لكن انا متأكدة انها واقعية..

عموما بغض النظر عن ذلك...فالقصيدة في مجملها حزينة ومؤثرة وانذكرت فيها امور بجد تبكّي...