اشد موقف بكاني والله ياكثر مابكي وياكثر الهم بحياتي لكن الحمدلله على كل حال اعتقد وفاة جدي لاني متعلقه فيه مره وكمان الظلم الي شفته يوم تعدى علي اخوي بالضرب وامي اتركت البيت عشان ياخذ راحته

احلى موقف نجاحاتي في دراستي كنت استانس لاني مضغوطه نفسيا وانجح بنسب زين الحمدلله وكمان يوم اكتشفت ان الي بصدري مو ورم خبيث كنت بموت من السعاده لاني كنت حامل واكتشفت كتله بصدري وبغيت اموت فجعه توقعت بموت وكمان كنت عروس وتخيلوا انصدمت يوم قالوا انه احتمال يكون خبيث وبعد الفحوصات طلع حميد والله استانست وفرحت وشكرت الله

أحلى موقف يوم قبولي في الماجستير
أشد موقف يوم طلاقي مازال محفور في قلبي وصدري

وأنا كنت احسب مواقفي صعبه وكل شوي بكا وحاله ..الحمد الله والشكر على نعمه ..والله يعوضكم خير
وان شاء الله بتشوفون كل اللي فقدوهم في الجنه قولوا آميييييين

دمعة الحزن كانت دموع مودمعة ماانام إلا وانا مبلله المخده
انا اصعب موقف على وأنا بأولى متوسط كانت امي في الحج وانا اكبر اخواني أول مره تغيب عنا وزيادة جدي والد امي توفى ليله عيد الأضحى وماعلمنها لين رجعت تعذبت عذاب كل ليله ابكي حتى ما أقدر اكلمها بالتلفون وأول ماجات من الحج كنا في بيت جدي انا ماقدرت اشوفها لين كلموها وهدوها بعدين نادوني ..ما اتحمل اشوف دموع امي ..هذا الكلام قبل 10 سنين

وقبل 3 سنين بكيت يوم زواج ابوي <<اللحين والله ندمانه على هاذي الدموع والزعل اللي زعلته صار الموضوع عادي ولا فقدت احد الحمد لله بس زعلت عمري على شي ما يسوى

دمعة الفرح الغريب انها في نفس هذاك اليوم اللي رجعت فيه امي من الحج رجعنا انا واخواني لبيتنا لما شفت ابوي اااااااااااه فرحت في قمة حزني وحسيت براحة أخيرا تطمنت على امي وابوي .. الحمد لله وانشال حمل المسؤليه عني >>يالله اشكثر قدرت امي وابوي بالذات امي الله يحفظها ويطول بعمرها

ويوم امي ولدت وجابت لنا اخونا الثاني وآخر العنقود نوااااف الله يخليه لنا

وكمان لما شفت نسبتي في الثانوي وابوي يقولي مبروووووك انا وقتها طرت

يمكن الكثير منا يا أخوات بكينا على نفس ما بكيتن عليه ،ومررنا بنفس الظروف ويمكن للبعض أقسى وأعظم من أن تذكر ،ودائما نبكي على الصغيرة والكبيرة ، ولكن أشد ما تهتز عيوني له ويحترق قلبي هو صور أطفال ونساء فلسطين ومعاتاتهم اليومية التي تتكررمع أولا د العراق وكافة الدول المستعمرة والغير مستعمرة .
وكل شيء يهون بعد عذابهم اليومي............أعانهم الله وفرج عنا وعنهم وعن جميع المسلمين .
أما دموع الفرح فالحمد لله إن عددناها فهي قليلة ولكنها جميلة رائعة ولا تنسى ونتمنى أن نفرح حقا بالنصر والعزة والكرامة والتحرير ونحن بصحة وعافية إن شاء الله .

من دموع الفرح ... يوم ولادتي لولدي الله يحفظه ويخليه وشفت الدموع في عيون زوجي ... بكيت من قلبي ..
ويوم ملكة أخو زوجي لما شفته بالبشت وأمه تسلم عليه وتبارك له دمعت عيوني وشايله الباقي ليوم فرحه .. أدري راح أقلبها مناحة بذات أنه راح يسافر بعدها بكم شهر كمل دراسته (الله يوفقه)قولوا آمين ..

ويوم أمي قامت بالسلامة بعد ولادتها وكانت قيصرية ... وكنت توي عروسة وبالجامعة يدق علي الوالد الله يحفظه ويقول انها راح تدخل غرفة العامليات وكانت بالشهر الـ7 والحمد لله عدت على خير.

من دموع الحزن .. وفاة عمة زوجي كانت مرة طيبة الله يرحمها وكنت في بيت أهل زوجي وماكان في غير أبو زوجي وأخوات زوجي وكلهم أصغر مني ..
وكانت هي بالمستشفى وكنا عارفين انها خلاص راح تموت لكن البنات ما كانوا يعرفوا ، ولما زوجي دق علي وقال انها توفت وجاء أبوه قدامي وقلت له عظم الله أجرك والبنات يطالعوا مو فاهمين شي ..
ولما شفتها وسلمت عليها في الثلاجة جاني انهيار وجلست على الأرض أبكي لدرجة في رجال من العائلة صاروا يهدون علي ..
الله يرحمها ويرحم جميع موتى المسلمين ..