موضوع حلو وانا معاكم باذن الله

هلا بنوتااااات ..

اليوم السادس لي ..

والله يابنات من قريت سورة البقره مع الإستغفار حياتي بدت تتغير للأفضل :)


بس مع القراءة أتعب تعب شديد وأكون عصبيه مره وحساسه وكل شي أبكي عليه وأحس بضيقه وكتمه وملل :09:

يعني بديت أتشافى بإذن الله .. لأن الشخص اذا بدى يتعافي او يستجاب له دعاء الشيطان يخليه يمل ويطفش ويترك القراءه والدعاء :(

أعوذ بالله منه :(

بس تصدقون مع القراءة ماشاء الله صرت أتحمس للصلاة وماأحس بكسل أبد :42:

لاحظت أشياء كثيييره مع الإستغفار وقراءة سورة البقره والمعوذات ( طبعا انفث على نفسي وانفث على كأس مويه ) وإذا خلصت أشربها .. ومع الصدقه ..

والله ثم والله يابنات يجيني رزق ماادري من وين ..

والدعاء لو دعيت واستغفرت استجاب لي ربي بلحظتها :26:

وعندي فلوس ضايعه ويأست ولقيتها أمس :)

الحمد لله .. أحمد ربي وأشكره :26:

والله على ماأقوله شهيد :)

ماشاء الله :26:

فعلا مع الاسغفار وقراية سورة البقرة تحسين انك اقوى وحده وربي يرزقك من حيث ماتحتسبين سبحان الله بس زي ما قالت الاخت بتكونين بصراع قوي مع الشيطان يبي يمللك ويطفشك عشان ربي مايزقك وويوفقك صدق قولة تعالى:((الشيطان يعدكم الفقر)).

جزاج الله خير

بسم الله الرحمن الرحيم

السلام عليكم ورحمة الله وبركاته


بقولكم سالفتي وسبحان اللي ميسر وسبحان اللي يسهل الامور

باول يوم من رمضان جتني رساله من البنك اني لازم احدث بيانات البريد عندي يا اكلمهم والا ازور اقرب فرع لان بطاقتي بتنتهي بهالشهر ولازم تتجدد المهم كلمتهم قال البريد اللي عندنا رجع كل اللي نرسله ولازم يكون فيه بريد باسمك قلت ياعالم ياناس اهلي مايرضون اني احط بريد باسمي وصعبه قال والله هذا اللي صاير البريد تطور ولازم اي واحد يكون البريد باسمه علشان يرسلون له الخطابات قلت طيب وش السوات قال يا تحطين بريد باسمك او تخلونه عائلي
المهم جلست احاول منا ومنا ويعلم الله اني ماتركت الاستغفار لحظه وادعي ان الله يسهلها كلمت البريد كلمتني وحده وكانت محترمه بصراحه وشرحت لي قالت ياتخلين صاحب البريد يحول بريده من فردي لعائلي ويضيف اسمك معه او تحطين بريد باسمك قلت اهلي مايرضون قالت حطي واصل ويحطونه عند بيتكم قلت هللي كسروه العيال بالشارع قالت نركب لكم جديد قلت عز الله فلحنا المهم سكرت منها وادق على البنك مره ثانية قلت ممكن ترسلونها على الفرع بروح استلمها من هناك قال روحي لهم بس هنا بيطلعون لك جديده وبتدفعين 75 ريال قلت ليه ادفع وهي المفروض تنصرف لي مجاناً قال تبين مجاناً على البريد غيره بتدفعين والله اني امتريت وطلعو لي قرون بس قلت ربي بيسهلها ان شاء الله
بالليل قلت لعمي الله يجزاه بالجنه حوله عائلي علشان بطاقتي قال اكتبي الاسامي وعطيني اياها وكتبتها والله يابنات ان عمي راح للبريد ولقى البطاقه حقتي هناك وكلمني قال استانسي جت بطاقتك قلت الله يبشرك بالجنه ويجزاك خير ويفرجها عليك دنيا واخره وحمدت الله وشكرتها على منه وفضله وانا شايله هم بريد وخرابيط ومتى بيجبونها وتخبرون رمضان ومصاريف وش بسوي
والحمد لله ربي مايضيع احد وفرجها علي من اوسع ابوابه والله يسخر لي باقي اموري ويسخر لبنات المسلمين اجمعين ويجزاء عمي ومرته بالجنه ويسخر لهم ملائكه السماء وجنود الارض ويصلح لهم عيالهم يارب العالمين
يمكن غيري يحس انها بسيطه بس انا احسه شيء كبير والحمد لله رب العالمين