بنتي مدارس غراس الاخلاق تحفيظ وعام
رسومها7500 مدرساتها محترمات وتاسيسهم حلو
والله يوفق الجميع

يعطيكم العافية فعلا موضوع مهم ومفيد

اتمنى الكل يشارك

موضوعك اختي جا بوقته ابحث لولدي عمره اربع سنين عن مدرسه انترناشونال ممتازه بس الى الان ماتوصلت لشي مدحوا اكثرشي الرواد العالمية بس هي بام الحمام وانا بالحمرا يعني بعيدة علي مرة افيدونا تكفون

الله يجزا كل وحدة ردت كل خييير على تفاعلها مع الموضوع ورفعه والله اني استحيت من كثر ما ارفعه
ام غدوري وش بتسوين رح تكملين معهم او بتغيرينهم؟ لا تنسين تفيدنا اكتبي لنا ملاحظاتك اذا غيرتي المدرسة..

مالي حظ (الله يكبر حظك دنيا واخرا )ما قلتي وين المدرسة وكم الرسوم؟

بنتي نور دنيتي : انا قريبة من الحمراء وابي اطلع من بيتي بس ابي اشوف موقع المدرسة وادور قريب منها ايجار بيتي بينتهي ... نفس الشي لا تحرمينا من ملاحظاتك والله يخلي لك بنوتك

مشكوووورة النجوم السبعة على المرور

كلكم عطرتم الموضوع بتواجدكم الرائع ..

كل الشكر لصاحبة الموضوع

اتمنى الي عندها تجربه عن تمهيدي عالمي بشرق الرياض تكتبها ..


شوفي هذي لقيتها بالنت

مرحبا حبيبتي أهم شي موقع سكنك يعني لو انتي شمال الرياض لازم تلاقين مدرسة في الشمال
بالنسبة لي وعن تجربة أعرف مدرسة في جنوب الرياض حي الخالدية
مدارس شبه الجزيرة الأهلية

خبرة 20 سنة ومدرسات سعوديات
معلمة الانجليزي ممتازة مصرية
والاهتمام شامل بالتعليم المطور والتقليدي
(التعليم المطور اللي هو نظام الأركان والأسابيع ..... الخ )

وأسعارهم مرة مناسبة

بالنسبة لعمر ابنك الله يخليه 3 سنوات المستوى الأول يعني روضة

4 سنوات تمهيدي مستوى ثاني
5 سنوات تمهيدي مستوى ثالث

وبالنسبة للمعلمات كلهم تخصص رياض أطفال الحين الوزارة متشددين مافي شي اسمه هاوية

رقمهم 4955270 تحويلة 13

طبعاً هالمعلومات الوافية نتيجة ان بنات أخوي كلهم فيها وتدرجوا يعني تمهيدي ابتدائي متوسط ثانوي

وكل قسم منفصل عن الآخر
مميزات قسم رياض الأطفال بنظري انها تهتم جداً بالتعليم التقليدي
القراءة والكتابة والرياضيات والأذكار والانجليزي والقرآن
وبجانب هالشي انها مدينة ألعاب بمعنى الكلمة
ألعابهم مرة حلوة بالنسبة للأطفال
ورحلاتهم حلوة كمان الحكير لاند البرجون حديقة الحيوانات وكل تحت اشراف مدرساتهم

بصراحة قمة هالمدرسة للي ساكنين جنوب الرياض




اتمنى التفاعل يا امهات