اخواتيالغاليات :اني احبكن في الله

Ph_elham : ويعافيش يا رب.

الابتسام الحزين :صدقتي والله لا شيء يضاهي ان تعيشي في ظله سبحانه واساله الذي رزقني ان يرزقك بس توعديني ان رزقش الله ان تغيري لقبك حتى نعلم ان الله رضي .

عاشقة الطفولة : اساله ان يرزقكي عشقك امين يا رب العالمين والحمد لله انش ماشية في الطريق الصحيح ولله الحمد بس فكري دائما هناك ذنب لم ننتبه له حاولي تجلسي اليوم وفكري فيه شيء اسويه غلط مهما كان بسيط لا تستبعديه يمكن يكون هو القشة التي قصمت ظهر البعير والله يهدينا اجمعين .

اسبرانسا: وبارك لكي دنيا واخره.

هلا 2008 : جزاكي الله خير واقول لش نفس كلامي لاختي عاشقة الطفولة .

الفقيرة الى الله د : تسلمين غاليتي واختيار كلمات توقيعك جدا اعجبتني .

Etoile brillante: ويعافيش ***** الله يا رب ويرزقكم يا رب ونفس كلامي لعاشقة الطفولة .

مصممة مواقع :الله يعطيش افضل مما تمنيتي دنيا واخره ,

اصبحت متفائلة : لقبك حلو اختي يذكرني بانشوده احبها جدا جدا الي هي (كم تشتكي) ما ادري اذا سمعتيها.

الملكة : انما هي قصص تحدث لنا لتذكيرنا بعظمة الخالق جل في علاة .

طالبة الود: نعم اختي الحمد لله الذي له الفضل والمنه والثناء الحسن ويا رب ارزقنا الذرية الصالحة انك سميع مجيب الدعاء .

انوسي : جزاكي الله خير وعقبال ما تخبرينا في القريب العاجل قصة طفلك الثالث يا رب اما قصتي بس اخلص اوصيكم وبخبركم .

رولا الشرقية : جزاكي الله خير .

ابتسامة ملائكية : الله يرزقك عبود قريبا او يرزقش مها (اسم احبه ).

:Noralasil2005: الله يسمع منش يا رب وعقبال ما افرح لش ااااااااامين.

وحدة طفشانه : اللهم امييين واياكم يا رب.

شروق الشمس :كلنا مقصرين اختي في الله ولكن فذكر ان الذكرى تنفع المؤمنين اللهم اجعلنا منهم.

الاميرة جولي :امين يا رب ويرزقك كل ما تتمنية .

شوكلاته جالسكي : نعم والله فضلة علينا من قبل ومن بعد ،بس ضنتي :unsure: الجالكسي دينماركي ويمكن نقاطعش
ميس : لا شكر على واجب ،واعلمي ان "من يدعو الله منقطعا اليه كفاة".

رها : الله يثبتنا على الطاعة ويرزقنا من حيث لا نحتسب.

نونو توتو : جزاكي الله كل خير .

دانة الدرر : تسلمين على المرور يا غاليتي .

مدلعة نفسي : عسى دوم تبكين من الفرحة يا رب .

طير الحزن والالم : الله يسمع منش يا رب .

اميرة حياته : والله يشرفني ان الله ميزني بهالنعمة علشان نعرف انه دوم معنا ويرحمنا .

بنت النعمة : تسلمين على المرور واعلمي انه ما يكتب لنا الا خير وان اصابنا شر فمن انفسنا وذنوبنا والشيطان .

ام راحيل :عساة ربي يعطيش بنت وولد احلى من الصورة يا رب واحنا لازم نكون دافع حق بعض ولله الحمد كان دافعي امممممممممممي الحبيبة .

دوحة القران : تسلمين على المرور ،جزاكي الله كل خير .

اماسي وونص : الله يرزقش يا رب واعيد عليكي كلامي لعاشقة الطفولة .

عنود الخليج : الله يرزقش بدرزن اولاد صالحين يا رب وهم اعيد كلامي لعاشقة الطفولة .


اللي كنت متوقعة منكم انكم تسالوني كيف اربع سنوات وتاخرة كم سنه والحين 3 حمل ؟؟؟؟!!!
بس ما حبيت اكتبه علشان البعض سبحان الله بيتحطم ولا يضعف ايمانه بس قلت كل شيء لحكمة الحكيم ودروس وعبر .

والسر اللي قلت لكم بخبركم اياه الحين .

اول يوم دريت اني حامل كان 25 رمضان بعده بكم يوم سويت فحص سونار وطلعت حامل 40 يوم وجاء العيد وكنت اسعد انسانه وفرحانه لاني طول رمضان طلبت من ربي انه يخلي لي العيد عيدين ولله الحمد استجاب بعده بنهاية شوال سويت فحص ثاني بمستشفى خاص على اساس مخلصة الثالث بس ولله الحمد طلع الجنين ميت من تقريبا شهر ولما سالت الدكتور طلع انه تقريبا مات بعد فحصي بكم يوم يعني بالضبط 2 او 3 العيد بس للامانه نزلت من عيني كم دمعه ورحت مستشفى عام حددت موعد التنظيف ورديت بيت عمي ولا كان شيء صار ما حبيت احطمهم معي ولا حتى امي خبرتها ما دروا الا لما اتصل لهم زوجي اني في المستشفى مرقده على شان التنظيف تقريبا 3 يوم بعد ما سويت الفحص بس تدرون ليش كنت قوية وما انهرت اول ما دريت لفت فيني الدنيا صراحة
بس قلت انا بشو غلط يمكن دعائي كان سوء ادب مع الله بس والله ما وصلت المستشفى العام الا وانا متاكده من الي خطر في بالي يعني سويت فحوصات وماكان فيه حمل تميت ادعي وترجيت رب وعطاني بنفس اليوم وعيدة العيد عيدين وفرحة وكل همومي راحت ولله الحمد والله فديييييييييييييييييييييييييييييييييييت رببببببببببببببي
والله احسه يحبني واجد رغم تقصير وجحودي والله ،يعني والله اني متاكده انه ما كان الوقت اللي يبغيني احمل فيه وما كان يناسبني بس والله ما حب يرد ايدين فاضيه ذاك اليوم ويبيني افرح بالعيد مع الناس وما عاد احد يتشمت ولا يشفق علي ولا يخبون حملهم ولا يعلقون او يقولون عيني ،راح كل الهم والله بمجرد حملت اختفت كل هالاشياء
فديت ربي حب يفرج علي همومي ويعطين في الوقت اللي هو يناسبني انا بس، علشان كذا صار هالموضوع والله مقتنعه بكل كلمة كتبتها لكم ،بعدين بشهرين حملت بالثاني وعدى كل الحمل على خير ولله الحمد وكانت ولادتي في عيد الفطر اللي راح بس دخلت اول يوم في الاواخر من رمضان فجاة في بيت اهلي كبس علي الم الولاده رحت المستشفى مااهتموا لكثرة الولادات ذاك اليوم ما شاء الله ثاني ما عندي اي عرض ولاده لا موعدي ولا الرحم انفتح نهائيا ولا ماي نزل ولا دم فحصت علي الدكتورة فحص سريري وقالت ما فيش الا العافيه طلق كاذب او تدلعين (طبعا متعودين الدكاتره على ان الوحده تجي تبكي وتصارخ الحقوني وصج ما فيه الا شيء بسيط بس علشان الزحمة او تبي اجازة ) فتلاغيت معاها فتقريبا صار تحدي فقالت نطرشك على التخطيط نشوف هالالم الي ذبحك وطبعا اختكم المراة الحديديه لا ابكي ولا انوح ولا دموع قاعده على كرسي لمدة 40 دقيقه على ما فضت غرفت التخطيط والله من شدة الالم عمري ما انسى ذيك 40 دقيقه العمر كلة وحطوني على التخطيط دورو النبض من كل صوب وقسم بالله ان الممرضه حطت الجهاز حق النبض على ضهري وخصري كله تدور نبض عدل وكنت اشوف النبض بالمره وخايفه على الجنين بس ضانه ان كل هذا طبيعي طبعا بعدين دريت انهم كانوا يدورون نبضي انا مش الجنين لانه كان يحتضر نتيجة نزيف داخلي من انفصال المشيمة الكلي وانا احتضر ولا انا داريه وهذا صار كله على تقدير الاستشاري اخر ربع ساعة وانا جالسة ناطرة غرفة التخطيط تفضى وقبل ما اقعد كان فيني ولاده وكل شيء طبيعي سبحان الله ثاني يوم قبل المغرب مات انتوا في غنى عن تفاصيل المشاعر ولا تشكوا لي ابكي لكم، وكان ولد فديته سميناه محمد بس يوم دريت تذكرت زوجي وهو مسعفني يكلمني انا والوالده (وكان يوم قلت له يسعفني توه جاي من العمره سبحان الله والله ما صار له في بيت اهله 5 دقايق ) يقول لنا :كل مرة لما اسافر (وسفراته كثيره ) تقولي بنتش لا تشتري شيء سبحان الله يصير شيء وما خلتني اشتري اي هديه من برى بس تجهيزاته بس هالمره جبت شنطة سفر كلها ملابس ولحافات بتعجبكم ***** الله لم تردين مع البيبي بالسلامة امانه ما تفتحينها انا بوريش ويش جبت ، ايوه بس خلاص انتي في التاسع ليش بعد ما اشتري خلاص ،وكان فررررررررررررررررررحان وتوني حتى ما ولدت ) سبحان الله بس والله ارد اقول ابتلى بذنوبنا وتكفير خطايانا ،و ما فيه بعد احسن من عصفور في الجنه عموما ولله الحمد كنت ولادتي بقيصريه والحين بعد اربع شهور من العملية حامل حملي الثالث وتوني في البدايه ومتفائلة جدا
طبعا وفرحانه جدا رغم اني بقول لكم بصراحة لما قالوا لي انه مات بكيت بدموع بدون صوت فترة بسيطة بعدها بساعتين تقريبا تميت اضحك مع اهلي لين ما نزفت العملية والكل مستغرب اكيد افرح لانه قالت الدكتورة لو عاش بعد نقص الاكسجين كان جسد بلا روح يعني مشلول شلل كامل يعني بدل موته واحده اموت العمر كله فكرت فيها سبحانك ربي ابتلتني بس خففت وقلت لعمري يعني بعد فترة الله كريم يرزقني ثاني وثالث وذاك في الجنة يعني السالفه مجرد انتظار بس والحمد لله وولادتي بتكون الحين في اخر يوم من رمضان تدرون دوم افكر واقول سبحان الله اواخر رمضان رزقني وكنت فرحانه وسعيده ولله الحمد واحس الله قال :هذي لش وثاني رمضان في الاواخر كنت صابره ومحتسبه وحسيت الله قال : نختبرش قبل ما نكرمش واسال الله ان يكتب لنا الاجر وهالمرة عندي احساس والله انه بيقول هالمره : لش وبنبارك لش فيه ذرية طيبه تقر عينك بها ، والله الكريم، وارد واقول اذا الله تمم حملي وولادتي ورزقني ذرية طيبة مباركة بعرف اني يوم رفعت ايدي ادعي كان كاتب لي بعد سنتين بس لانه يعرف انه خلق الانسان عجولا ما حب انطر بكل ذاك الضيق اللي عشته فخلاني احمل واسقط واحمل ويموت بس مثل التصبيرة والتطهير لين يعطيني عبد صالح من عباده وفي كل هذا وذاك لي الاجر والعبر وكل مرة كان درس رغم ان الكل زارني واستغربوا من ضحكي والله ماكان شيء صار في حياتي لدرجة ان كثيرون ولا حول ولا قوة الا بالله ضنوا اني كنت حامل بجنين مشوه وتلك السعادة انه مات وافتكيت منه ولا اقول الا حسبي الله ونعم الوكيل ،اعرف حقي بيجيني لين عند ارجولي والله بس لا زادوني الا قوة ولا زادوا انفسهم الا سواد قلب بس هذا قصتي الطويلة العريضة و***** الله تكونوا استفدتوا منها وعرفتوا انه رحمت ربكي وسعت كل شيء
والسلام عليكم ورحمة الله وبركاته
:27::27::27::39::39::27::D

استغفر الله واتوب اليه

اخيه بارك الله فيك واسعدك ورزققك بالذريه الصالحه والله يخلي لك اللي عندك لك اللهم امين
اقرأ موضوعك وانا متفائله وقد اغرقت عيناي بالدموع صح لسانك الاستغفار وما ادراك ما الاستغفار

يا الله .. ما تتصوري كيف قصتك اثرت فيني

سبحانك يااااااااااااااااارب ... قصة اكثر من رائعة

استغفر الله العظيم واتوب اليه .. عدد خلقة وزنة عرشة ومداد كلماااته

جزاك الله خير اختي صمت الهوي ربي يرزقني ويرزق كل الاخوات يارب العالمين