ndoo000098 :

حبيبتي الله يحفظهم هذا الجو الطبيعي للاطفال كلنا كنا كذا لما كنا صغار بس الان توفرت طرق كثيره نقدر نشغل اطفالنا فيها شوفي ايش يحبو وايش مواهبهم ونميها لهم مثلا اللي يحب الرسم وفري له مرسم من جرير والوان وكل شئ يحتااااجه والبوتات مثلا اشتري لهم مطبخ كبير مثل مطبخ ايكيا حق الاطفال حتى تلاقي حسابات بالانستقرام يبيعوها وهيك شئ ..يعني فرغي الطاقه اللي فيهم من دون ماتضربيهم وشجعيهم لما يجو يخبروكي بإنجاراتهم ولما يجي ابوهم غللللط تمنعيهم يجلسو معه او يتكلمو ..خليهم يسولفوا عليه ويتكلموا معه ..ولاتقولي يزعجونه طيب هم ازعجوكي كمان !!هم اولاده مثل ماهم اولادك اجل ليش يجيبو اولاد اذا مو مهتمين فيهم!!!بس ممكن تحددي وقت معين يتكلمو فيه مع ابوهم وبعدين خلاص يروحوا يلعبوا

حبيبتي الله يحفظهم هذا الجو الطبيعي للاطفال كلنا كنا كذا لما كنا صغار بس الان توفرت طرق كثيره...

أنفاس نقية :

الاطفال طبيعتهم يحبو الصراخ والجري والفوضى تفتكري ايام المدارس كيف كان الجو فوضى وازعاج اول شي الحلويات والعصائر الجاهز خليها مرة باليوم خبي حلويات مميزة اعطيها للطفل اللي يسمع كلامك اعطي كل طفل شغلة تناسبه اعطيهم مثلا ساعه باليوم يصارخو ويجرو زي مايبغو وبعدها ينضبطو اشتري لهم العاب تركيب وصلصال يعني العاب تشغل ذهنهم وجسمهم لاتقولين للطفل لا لانه مايفهم كلمه لا مثلا لاتقولين لاتزعجو ابوكم لاتسسو فوضى لاتحوسو البيت شيلي كلمة لا من قاموسك قولي ياحبايبي بابا بيرجع تعبان من العمل ايش رأيكم نخلي البيت هادي عشان يعرف ينام تمام ، حبايبي ايش رايكم نسوي عشا لبابا عشان هو من الصبح برا البيت تعبان اشركيهم في الاهتمام بابوهم الهدوء من صالحك انتي عشان صحتك ماتتعب من كثر العصبية والصراخ انتي معاهم طول اليوم كمان من حقك يكون البيت هادي الله يخليهم لك وتفرحي فيهم

الاطفال طبيعتهم يحبو الصراخ والجري والفوضى تفتكري ايام المدارس كيف كان الجو فوضى وازعاج اول...

ندى أحمد2 :

طيب سؤال انتي متأكدة انو شقاوتهم ديه وصراخهم ومضارباتهم طبيعية ولا تحسيها شقاة غير عن باقي الاطفال عندي ولدين كانو كدا الكل يشتكي منهم حتى لو انضربو. مايجلسو طلع عندهم مرض فرط الحركة وتشتت الانتباه

طيب سؤال انتي متأكدة انو شقاوتهم ديه وصراخهم ومضارباتهم طبيعية ولا تحسيها شقاة غير عن باقي...

سكر على عسل :

أسى الوقت معاك ترجعي تضبطيهم وتأدبيهم طبعا الاطفال طاقة وانتي لازم تنظمي وقتهم عشان يهدأ البيت اول شي تعلميهم ممنوع يدخلوا غرفة نومكم او يدقوا الباب الا اذا احد تعبان فقط خليك صارمه عشان لا تعودوا انه غرفتك خط احمر لمن تتعبي منهم تهربي لها ويتعودوا انه يكونوا هادين حتى وانتي مو على راسهم بعدين نوم الظهر ما في يتغدوا ويشوفوا تلفزيون ولا يلعبوا وإذا عندك سطح او حوش حاولي العصريه تخرجيهم يلعبوا ويجروا ويفرغوا طاقه وقد ما تقدري تنوميهم قبل يجي ابوهم اصلا حيكونوا مرهقين وحيناموا سريع خلي جو البيت هادي و رايق لك ولزوجك وبطلب تتشكي من ازعاجهم اشتكي لربك وأسئليه العون واستعيني به على تربيتهم وادعيييييلهم بالصلاح زوجك من حقه يرتاح في بيته مو كفايه دوامه الطويل بس بالويك اند خرجوهم حديقة او مخطط وكل واحد معاه دراجته وكوره ينبسطوااا بالنسبة لمضارباتهم وازعاجهم حاولي تزرعي فيهم أنتوا اخوان عيب الاخوان يعملوا كذا الأخ يساعد اخوه الأخ ما يقول لاخوه لا وزي ذي العبارات كرريها عليهم لمن يتضاربوا وعاتبهم بلطف وبصوت هادي عشان يتعلموا الهدوء منك ولجاك واحد يشتكي لا تروحي للثاني على طول خصام وزعيق ناديه انه ما يصير كذا وكلام عتاب لطيف وإذا اذوك مره فرقيهم عشان تروقي شويه خلي واحد في غرفته ماسك لعبه وواحد في طرف الصاله مثلا ماسك دفتر والثالث في الطرف الثاني بعييييد عنه حتى وقت المذاكرة فرقيهم كل واحد في مكان عشان ما يتكلموا مع بعض ويتضاربوا وانتي خليك طويلة بال عليهم لا تصرخي ولا تضربي وإذا قلتي لا للشي يعني لا لا تتراجعي وتشوفي كيف ينضبطوا

أسى الوقت معاك ترجعي تضبطيهم وتأدبيهم طبعا الاطفال طاقة وانتي لازم تنظمي وقتهم عشان يهدأ...