من ناحية متخلف متخلف
بس مابي ازيد على كلام البنات
اسال الله ان يسخر لك زوجك ويهون عليك

:)

ليش ماتتنازلين؟؟؟

تدرين هذا أحد أسباب المشاكل الزوجية والطلاق في هذا العصر,, معاندة أحد الزوجين للآخر....

ماتدرين قد إيش صدمتيني بردك,,, لمن قلتي ( انا ماراح اتنازل لانه بهالحاله راح يحس اني انا الغلطانه زوجي واعرفه حامض على بوزه )

يعني أبغى أسألك: إنتي حطيتي قدامك احتمالات للمشاكل إللي راح تصير نتيجة العناد!!؟

مثل: إنه ممكن يمنعك من أهلك!!
أو إنه يحمل في قلبه عليك وهذا الشيء راح ينعكس على معاملته لك,, فلو كانت معاملة سيئة راح تزيد سوء وإن كانت متوسطة فراح تسوء!!

وممكن يصل للطلاق والعياذ بالله!!!

فكرتي بهذي الاحتمالات وإلا لا!!

ولاتقولين أنا متأكدة إنه ماراح يطلقني - والعياذ بالله- لأن هذي المواقف هي إللي يشتغل عليها إبليس..

وإنت عارفة إن إبليس يوميا يجتمع بالشياطين ويسألهم على إللي عملوه ,, فواحد يقول أنا خليت فلان يزني والآخر يقول أنا خليت فلان يضرب فلان وسببت المشاكل ... إلخ,, لكنه مايعطيهم وجه أما الشيطان إللي يقول أنا خليت فلان يطلق زوجته,, فهذا إللي يكون مقرب من إبليس... ( يمكن هذا الكلام مذكور في حديث عن النبي عليه الصلاة والسلام ويمكن يكون أقوال علماء والله ماأدري وإللي تدري ياليت تفيدنا)

هذا إضافة إلى إنه لمتى راح تنقطعين عنهم مثلا,, أسبوع أو شهر أو سنة,, وبعدين !!

إللي أقصده إنك مضطرة تروحين لهم وتزورينهم إذا مو هذا الاسبوع إللي بعده,, فــ إنتي كذا أو كذا راح تزورينهم وتقعدين مقابلهم عاجلا أم آجلا,, فــ الافضل تروحين هذا الأسبوع وأكرر عشان ترضين زوجك إللي رضاه من رضى ربك,, وتنهين مشكلة وترتاحين,, والمسألة كلها ساعااات معدودة...

وإذا تبغين تخففين عن نفسك زيارتهم اشترطي على زوجك إنك أول ماتخرجين من عندهم تروحين عند أهلك ساعة أو مثلها,, أو إنك تعتذرين منه وتطلبين منه إنك ماتروحين لهم أسبوعيا ممكن في الشهر مرة....

وبالنسبة لأختي:
فهي مضطرة إنها تزورهم بعد كل مدة لعدة أسباب من ضمنها :

إن عمل زوجها في مدينتنا ,, فعشان كذا كل أيام العمل تكون في مدينتنا,, وأيام الاجازات فقط تزورهم...

والأهم من كذا هو زوجها وأبوي وأمي!!

فزوجها داااااااااااااااااائما يقول لها إنتي تبغين تبعديني عن أهلي وإنتي ماتحبين أهلي,, وإنتي وإنتي ....إلخ

عشان كذا تروح معه لأنه هو وأهله يدورون عليها الأغلاط,, وهذا إللي قاهرهم إنهم ماهم ماسكين عليها شيء....

أما أبوي وأمي في الاجازات يشجعونها إنها تزورهم,, وإذا ماراحت لهم يزعلون منها ويشوفونها عاصية لزوجها ( بالرغم من إن هذي القيم ماتمشي إلا زمان مع الناس إللي تقدرها وتتعامل بها),, وهي أهم شيء عندها رضى أمي وأبوي...

وإنتي لمن تقولين ماراح أسكت لهم وراح اواجههم!!

فقولي لي إيش راح تقولين لهم؟؟

ليش تركتوني وطنشتوني تعالوا اجلسوا معي!! ( هذا تقوله في حالة كانت جلستهم ماهي مملة)..

وإلا تدخل عليهم وتجلس معهم مثلا!! ( في هذي الحالة أنا اشوف إنها راح تفقد كرامتها لأنها راح تكون ثقيلة عليهم)...

وإلا إيش تسوي معهم مثلا!!!

ولاتقولين لي خليها تكلم زوجها,, لأنه للأسف يشاركهم في بعض هذي التصرفات...

والمسألة والله العظيم ماهي مسألة ضعف شخصية أو غباء أو ماعندها كرامة,, لا والله لكن المسألة قوة شخصية وذكاء والأهم من كذا كبر العقل...

يمكن تستغربين من كلامي هذا لكن أنا أقول لك ليش...

لأنها ماشاء الله عليها الله عطاها جمال وذوق وحسن أخلاق والكل يعرف عنها,, والأهم من كذا والله العظيم إنه نسبنا الكل يتمناه ووضعنا الاقتصادي والاجتماعي أفضل من عائلته مليووووووووووون مرة ( وهذا الكلام مو لأني أختها لا والله العظيم لكن هذا الكلام كلام الناس عنها وعن عائلتنا)...

أما عن الشغل في بيتهم فهذا شيء يدل على قوة شخصيتها إنها ماتشتغل في بيتهم ولاحتى ترفع منديل عن الارض في بيتهم لأنهم ناس ماتستاهل الخدمة,, وعن الشقة فهي كلمته أكثر من مرة لكن دااااائما يقول لها الناس إيش تقول عننا!! والناس والناس..!!

فالناس أهم عنده من حتى أمه مو زوجته...

أتمنى تتقبلين مني كل كلمة كتبتها وماتزعلين مني لأني والله العظيم أبغى مصلحتك وراحتك بالرغم إني ماأعرفك...

والله يفرجها عليك ويسخر لك زوجك...

حبيبتي والله العظيم أنك نفس معاناتي إذا رحت لهم اتنكد وابكي وتستمر حالتي النفسيه لمدة يومين أو ثلاثة تعبانة,بس أ زوجي مايصر إني أروح لهم,لكن أنا ماابي يكرهونني زياده أنا اطلب أروح لهم يوم في الأسبوع رغم والله يابنات أني إذا جيت أبغى أروح كأني ابروح لمقبرة والعياذ بالله ,وإذا شكيت له مستحيل ياقف معي ويهدين بالعكس ياقف مع أهله ومع ذلك صابرة,انا يامحاكيتك وربي إني أعاني منهم معاناة وصابرة وساكتة,تحملي ياحبيبتي ,الدنيا كلها تعب وشقاء,لا تقولين ماابغى اروح لأهلك تحمليهم أصبري مو عشانهم عشان حياتك وبيتك وزوجك أدري بحجم معاناتك لاني ماره فيها بس صدقيني لازم تصبرين وتحملينهم .
والله يوفقك يارب.

تركت الحزن
مد وجزر
جـرح يقتـل
نجمه سماء
rahm
@..ريما البكاية..@
غيمة فرح
:33:
الله يجزاكم خير كلكم :love: خففتوا علي وواسيتوني اشكركم على تفاعلكم معي وقلت ارد عليكم كلكم مره وحده لان لو بعلق على كلام كل وحده كان قعدت يوم اكتب ردود ههههههههههه :llove: تحياتي للجميع :luvkiss: