اكتب لكم وانه الذكريات بين عيني وميته من القهر

مــــــــــــرحبااااااااااا
يابنات انه وايد كنت افكر ان اكتب هني ولكن كنت اتردد لان اشوف في مشاكل تستحق ان تنحط اكثر من مشكلتي بس ماقدر وصلت حدي
مشكلتي باختصار
انه ماعرف ليش حظي جذي مع البنات والله تعبت
كل ما اصادق وحده واعطيها كل الوفاء والاحلاص ترد علي بنكران المعروف وانه الي ادخلهم بيتي وافتح لهم قلبي هذا جزاي
وراح امشي معاكم خطوه خطوه
اولا كان عندي صديقه اختها صديقه اختي وكنا نموت في بعض مره وحده قلبت علي قلت ما عليه الي مايعرفك ما يثمنك وهي رفيجتي بس سنتين حاولت فيها وهيمادري شنو فيها مغتره علي
ثانيا ندي صديقه 12 سنه والله انها كانت اكثر من اختي احبها واموت فيها نشري ثيابنا مع بعض نطلع مع بعض كل اغراضنا وحاجاتنا مثل بعض حتى الناس على بلهم احنا بنات خالات مو رفيقات كان ولد عمي يحبني ويبي يتقدم لي بس انه ما كنت احبه قامت هي وكلمته وصارت بينها وبينه علاقه وحبو بعض وقلبت ولد عمي علي وخواته والحمدلله انها سوت جذي لاني حتى لو تقدم لي ولد عمي مابيه بس انه الي ما هاين علي ليشهي تغيرت مره وحده علي يعني خايفه لا اقول لا انه اولي بولد عمي واخذه منها ؟؟؟؟؟؟؟؟ بالعكس انه ما قلت شي لما اكتشفت انها تكلمه بس ما توصل فيها المواصيل انها تغيره علي وتتغير هي علي وماتكلمني
انه فوضت امري الي الله ونسيتها لانها تغيرت علي
ثالثا عندي صديقه من بلد خليجي قريب كانت معاي ايام الثنوي اهلها عايشين بديرتي وهي تزوجت واحد من ديرتها وسافرت وانه طول الوقت الي كانت هناك كنت اتصل بها واواصلها واواصل اهلها حتى لما تزوجت عزمتهم على عرسي وهي حامل وما تقولي وانه اتصل بها وتيي ديرتي عشان تولد وماتتصل بي ولا تقولي وتتجمع مع كل البنات الا انه ليش جذي؟؟؟؟؟؟؟؟؟؟؟؟؟ انه شنو سويت لها غير الخير والوصال
رابعا واخيرا
وهذا الي راح يخليني افقد الامل في كل البنات ان صديقتي الي بقت لي من طفولتي من صف الاول تغيرت علي 180 درجه لما تزوجت انه اعرف ان عندها عقده من سالفه الزواج وتحقد على اي وحده تتزوج بس مو علي لاني صديقتها حتى لما عزمتها عرسي ما يات وقالت لي حتى بطاقه لاتييبين لي لاني ما رح ايي يعني قطتها في ويهي وحتى ما باركت لي وقطعتني مره وحده وبدون سوابق وصارت ما تتصل فيني ولما تشوفني بالجامعه تسوي روحها ما تشوف احد . هذا وانه وهي كنا ما نتفارق
ليش ياعالم الناس تسوي فيني جذي ليش؟؟؟؟؟؟؟؟؟؟؟؟؟
والله انه مو منافقه وعندي ويهين نفس بنات هالزمن
انه طيبه وعلى نياتي وفي حالي والي تصير صديقتي افديها بعيني واساعدها حتى لو على حساب نفسي ليش الطيب فيهالدنيا جذي ليش
يابنات شسوي مع اخر وحده الي كتبت لكم عنها ؟؟؟؟؟؟؟
قولو لي لأن صعبه علي تنقطع علاقتي فيها ...... مو سبب اني تزوجت تقوم هي وتقلب علي طيب اذا فيها عقده من الزواج لا تطلعها علي وازيدكم من الشعر بيت ان اول ما تزوجت كانت تخرعني وتقولي انتي اصلا نهايتج يمكن تكون طلاق لان الرياييل ما منهم امان ومن هالحجي وكانت تقولي قصص خيانات الازواج انه تركت هالكلام على صوب والي يهمني اني ارجع علاقتي فيها بسسسسسسسس
ابي ترجع مثل قبل بس بدون ما اذل روحي لها لان كرامتي فوق كلشي
يابنات حتى الي ماعندها رد تدخل تكتب لي اي شي ارجوووكم ابي احس باهتمام من احد


.........................................


ادعولي ربي يسخر لي زوجي واهله