السلام عليكم ورحمةالله وبركاته
كيفكم يابنات والله مدري كيف ابداء بس بقول قصتي وانتوا اقروها
وادعولي على الاقل بس
انا قبل كم شهر كتبت موضوع انو فيني جرثومة التكسوبلازما بس جتني قبل مااحمل
واكتشفتها بعد ماحملت في الشهر الاول واخذت لها مضاد بس ماراحت اخذته لحد الشهر السادس وسبحان الله ماالله اراد انها تروح المهم كنت اراجع عند دكتوره في مستوصف شهر بشهر وكانت تقول الجنين سليم
ويوم وصلت الشهر السابع رحت للجامعي ابدا اتابع عندهم عشاني بولد عندهم وكنت ماخذه تقرير من دكتورتي اللي كنت اراجع عندها وكتبت ان فيني التكسوبلازما المهم يوم سولي اشعة صوتيه دخلو 4 دكاتره وقاعدين يحوسون فيني لين اغمى علي من الخوف حسيت في وجيههم ان الجنين فيه شي وسالتهم قالوا وضع الجنين ماسمح لنا ناخذ القياسات كويس وعطوني موعد ثاني للاشعه ويوم جيت سولي نفس الشي تجمعوا علي نفس الشي ويبربرون مدري ايش يقولو انا خلاص طار عقلي قلت خلاص البيبي فيه شي قعدت ابكي لين قلت بس وانا مو عارفه وش فيه ماقالوا لي وعطوني موعد تنويم الاسبوع اللي راح وانا بس ابكي وضايق صدري ولاادري وش السالفه المهم يوم رقدوني جت الدكتوره وقالت لي طفلك راسه صغير يعني فيه تشوه في تكوين الدماغ وقلبه متشوه انا انصدمت وانهارت اعصابي ماعاد ادري وش اسوي وقالت لي بنسوي تخطيط لقلب الجنين نتاكد المهم ضيقوا صدري مررررررررره
عاد تعرفون اول بيبي لي ومره طايره فيه واحس اني متعلقه فيه 7شهور في بطني بس استنى متى يطلع جهزت كل اغراضه وكل يوم افتح الاكياس اشوف الملابس اتخيل اني اشيله وابوسه وارضعه ااااااااه بس احساس الام شي توني احس بهذا الاحساس واموت من الفرحه اذا قعد يرفس ويتحرك يجنن والله اموت في الاطفال ربي لايحرمني منهم
تكفون قولولي من جته التكسوبلازما ومااثرت على الجنين مدري يمكن كلامهم خطا لان دكتورتي اللي اراجع عندها سويت عندها اشاعه بعد ماطلعت من المستشفى وقالت لي راس الجنين نفس حجم جسمه صغير وبيكبر في الثامن والتاسع لسه باقي طمنتنمي بس في نفس الوقت خايفه ليل نهار ادعي ان ربي يحسن خلقه واخلاقه وينجيه من كل تشويه ومرض يارب:04:
تكفون طمنوني اللي عندها خبره عن هذا الشي وادعولي الله يخلي لكم عيالكم يارب
يلزم عليك تسجيل الدخول أولًا لكتابة تعليق.
alwfyah
•
ربي يفرحكي بيه وتشوفينه معافا يارب
الله يتمم عليك وعلينا وتفرحين به سليم معافا يارب ويقر عينك به من غير زياده او نقصان وانا وكل مسلم
%$
•
عليك بالستغفار حبيبتي
والله كريم مايقصر
وممكن الدكاتره بالغوا
ولايرد القضاء الا الدعـــــــــــــــــــــــاء
والله كريم مايقصر
وممكن الدكاتره بالغوا
ولايرد القضاء الا الدعـــــــــــــــــــــــاء
الله يتمم عليك وعلينا وتفرحين به سليم معافا يارب ويقر عينك به من غير زياده او نقصان وانا وكل مسلم
الصفحة الأخيرة