ايه صحيح
ممتازه مره بس من اللي ببنحمل ريحتها
الصفحة الأخيرة
وش رايكم في الحلبه
رايي بالحلبه انوه هي والمره كنز المراه
هل تطول الشعر اذا استخدمناها شربا بعد الغلي؟؟؟؟؟؟؟
والله ولا قد سمعت هالشي
بس الي اعرفه وجربته انوه نحها بخلطات الزيت للشعر
هاتوا تجاربكم حولها
اول كنت اتوعوع منها ولا ادناهااا
وقول لمامي كخ والله لو اموت ومحطها ومدري كيف
بس قبل ثمان سنوات بعد الله سبحانه
ولدت ولد بشهري الثامن وسبب الولاده انوه كان معي انا التهاب حاد بالكبد
فالبيبي طلع وزنه كيلو و100 غرام
بقوه بقوه كان شكله يخوف والله انوه كنت اتوقع بموت ولا راح يعيش
وقال الطبيب تطلعين انتي وهو يبقى بالمشفى وافقت بس لما طلعت حسيت طلعت بدون روح
ورجعت للمشفى وجلست ع الباب وتقول لي مامي ورجلي امشي يلا
قلت موب ماشيه الا وهو معي ان شاء الله يموت بالسياره
موب متحركه بدونه
مامي تعاطفت معي يا حياتي وكانت بتبكي
وزوجي جلس يفهمني انوه خطر وانوه حرامات الولد حاطين له اكسجين وغذاه من انابيب
وانا معبده الا هو معي ولا موب متحركه
المهم طلع معي ورجعت لمراجعه
وحصلت بالويتنق النسائي حرمه
قالت لي تبين تصير حالت ابنك صحيه اكثر
قلت تكفين ولتس مني جزيل الشكر ويجعلها ربي لتس حسنه يارب
قالت انقعي بزمزمية
كمون ويانسون وحلبه وبابونج
والله والله والله
يا حالته صارت الحمد لله
ماشاء الله لا قوة الا بالله
وختي يا حياتي ساعدتني كثير كانت تسهر عليه طول الليل
وتغذيه
وعطيته بعد عسل من وادي نحل
واحين هو يدرس سنه ثالث ابتدائي
شحلاته وشحلات خشيشته عسى ربي يخليه لي يارب
ويرزق هالبنت الي ما اعرف لا اسمها ولا من وين ولا شي عنها
جنة النعيم وعافيها يارب ويطرح البركه لها في حالها وعيالها
تجربتي الثانيه مع الحلبه
كانت قبل سنه ونص
مات الجنين بطني وعمره ثلاث شهور
وقال الطبيب انوه انتي ولادتك عمليات خليه ينزل من حاله
قالت مامي مالتس الا الحلبه
اشربها مع حليب
اذا الجنين عايش بيبقى
واذا ميت بطيح
وجلست اشرب الحلبه واقراء سورة الزلزله وسورة ياسين
ولله الحمد نزل البيبي كامل ولما زينت الاشعه قالت الطبيبه رحمك نظيف لله الحمد
ونحة بهااا زوجة اخوي لبنتهااا مولوده لها شهرين
قلت انقعي الحلبه مع الكمون وسكر النبات وشربيها
وشحلاتها بنت اخوي تدنن
وصحتهاااا حلوه
ادري حتسيت واجد بس اتمنى تقبلين مشاركتي عنوده
:27: