السلام عليكم ..
مرره ملخبطه ومتضايقه وودي أتكلم مع أحد قلت مالي الاعالم حواء :44:
المشكله مثل ماهي مكتوب في العنواان ,, ومااحد غيري يدري ,, وحنا من عايله محافظه والحمدلله كل اخواني ماشين صح وعارفين وجهتهم وين الاهذا ,, خايفه عليه من الانحراف ومن رفقاء السوء ومن أبوي اذا عرف بأمره ! لأنه ساعتها بيكون ياذابح يامذبوح ,, ومشكلته انه كل مره مع أصحاب ومن أسبوع صار يروح لأستراحه أولاد من اقاربنا وارتاح الوالد لكن للأسف الظاهر انهم من النوعيه اللي من برا الله الله ومن جوا يعلم الله !
لأن الولد من ثاني يوم راح جانا ريحته دخاان , أول يومين قلت له فيك ريحة دخان ! عندكم أحد يدخن ؟ وتحجج أنه زايرهم واحد ودخن عندهم , وحاولت اني أصدقه وأبعد عن الشك عن نفسي ,, لكن أمس تأكدت لأنه أول مادخل فسخ الثوب بالمجلس علشان مااشم شيء , وشفته يتشمم الكاب حقه , وياكل علك !
وشميت ثوبه وللأسف ريحته دخان والريحه من جوا الثوب يعني من جسمه :(
لكن سويت نفسي ماادري ولاواجهته لأن الموضوع حساس وأبغى أستخدم الأسلوب الصحيح
أخوي عمره 17 في ثالث ثانوي من يوم كان صغير مميز بشخصيته الغريبه نوعا ما !
ذكي جداا لكن ماعنده ثقه في نفسه وخجوول من الناس وفيه نوع من الرهاب الاجتماعي يرتبك في المجالس والأماكن العامه , لكن في البيت ناااااار وعصبي وللأسف لسانه مسبب له عداوه من ابوي واخواني !
لكن يندم بسررعه ويبادر بالاعتذار ويتحجج بالعصبيه ,, مؤدب والمعلمين يثنون على اخلاقه , لكن في الدراسه مشي حاالك ومتعبنا خاصه السنه هذي وزاد أهماله , غيااب ومافيه مذاكره , يحب أهل الدين والعلماء ويتأثر بالمواعض الدينيه الله يهديه يارب والمسلمين اجمعين ,,,
وبما أنه أصغر واحد للأسف أبوي وأخواني مايحترمونه وهذا اللي مخليني دايما بصفه واتعاطف معاه لكن هو الله يهديه مايحترمهم وبسرعه يتنرفز ويسب اذا كلموه ولقوا هالشيء عذر
ارشدوني الله يرشدكم للحق لعلي أحصل عندكم الحل دام المشكله في أولها , أو دلوني على شخص أو موقع متخصص لمشاكل المراهقين ..
حلوة الأوصاف @hlo_alaosaf_1
عضوة جديدة
يلزم عليك تسجيل الدخول أولًا لكتابة تعليق.
وردة خجوووله
•
الله يهديه رفع لعيوووونك
وهج2010
•
أولا أبدي بنصح له وعن مخاطر الدخان وأضراره وحاولي أتقرب له أكثر بالحب والحنان والاهتمام به أكثر ولابد من إشعار أحد والديك ليقف معه لان بدايه الانحراف في هذا السن الدخان لابد من الاهتمام بهذه القضيه وأخير وأهم شئ الدعااااااء له وأسأل الله أن يبعد عنه الدخان ومنكرات الاخلاق وأسال له الهداية والتوبة ،، اللهم حبب اليك الايمان وزينه فى قلبك وكره اليك الكفر والفسوق والعصيان واجعلك من الراشدين ،،،ولدي وشباب المسلمين يا رب العالمين آمين
الصفحة الأخيرة