الغالية الدوا اللي ذكرتيه دوا نفسي لعلاج الاكتئاب في المراحل الخفيفة وانا اخذه حاليا..واكيد زوجج ما حب يقولج لانه صعب عليه حد يحس بتعبه والمه ...يمكن عنده اكتئاب من ظروف شغله او اهله ويريد يتخلص منه من غير ما يحسسكم انه يمر بظروف استثنائية...انا كان ودي اخذ العلاج من غير اهلي ما يعرفوا مش عشان انا مستحية منهم لا لكن عشان ماباهم يقلقوا علي ويتموا يحاتيني

تبي نصيحة انسان يمر بنفس الظروف لا تقوليله انج عرفتي لانه يمكن من غير قصد تسوي له انتكاسة وان شاءالله مافيه الا العافية وهالدوا وايد عادي وماله اثار جانبية خطيرة...يمكن بس يلجأ للنوم بكثرة فاذا حسيتي بهالشي خليه على راحته ويمكن ما يصيرله هالشي

انتي بس تجاهلي الموضوع وخلج واقفة وياه ...حسسيه بالتفاؤل دايما وبحلاوة الحياة والله يوفقكم يارب :)

انصحج اختي انج ما تخبرينه انج لقيتي العلاج واحتلرمي خصوووصيااته وداااريه اكثر من قبل والله يشفيه

اذا انتي تحبينه من جد .. تناسي ما اكتشفتيه وادعي له بالشفاء ,, الى ان يصارحك هو بنفسه

هذا رايي ايضا

زوجك حبيبك

والمرض اللي فيه عادي حتى لو كان مرض نفسي ما في مشكله

لا تقولي له ولا تقولي لأي أحد

ادعي له ربي يشافيه ويساعده

الغاليه سارة


انا قريت بعض الردود ولاحضت اكثرهم يقولون بيني انك لا تعرفين شي


سؤال .. هل انتم مررتم بتجربة ان ازواجكم مرو بهالازمة النفسيه ..؟؟


من مجربه لازم تبين له باسلوب لين انك عرفتي تدرين ليش لسبب واحد فقط

ان المريض النفسي لازم اللي معه عايش يدري عن حالته ولا كيف بتتحسن حالته الا اذا وقفتي معه


حالته هذي نفسيه وين الجرح اذا عرفتي وش فيها هذا زوجك ....؟
ممكن لو انك شايفه مثلا ياخذ مقويات مثل فياقرا او من هالقبيل ماتبين له لانه جرح في رجولته


اختي اسمعيها نصيحه مني اذا تحبين زوجك وتتمنين له حياة سعيده كلميه بس بوقت يكون مروق وهادئ وخلي الموضوع عااااااادي جدا مثلا قولي له

هالحبوب شفتها كذا مرة مثلا مع صديقتي او زوج وحده من البنات يستخدمها

هو مسكين خايف تعرفين حاس ان الموضوع كبير مرة لا مسكين هو من كثر مو خايف عليك ماقالك

وبعدين هذي الحبوب للقلق والكتئاب يعني مو قويه


نصيحتي لا تسكتين لان هذي نوع من الانانيه صارحيه وقفي مع زوجك وهذا وقتك تثبتين فيه حبك له وخوفك عليه



وبالتوفيق