اكتشفت اشياء صدمتني

السلام عليكم بنات .. ابغا مشورة الحكيمات الي تحافظ ع بيتها والي قريبه من ربها ومحافظة وقلبها قوي لله وحده تعالى عز وجل.

مابغا اتكلم كثير بس الموضوع اني وقت ما اعصب دايما ابكي واجلس اتكلللللم وبعدين اهدا وارجع اتكلم عادي يعني ما اخذ موقف حاسم دايمن كلام زوجي لي بعد اي مشكله اذا جا بناحيه عاطفيه ارضى ع طول بالعربي انا اشوف نفسي مش قويه ولي خاطر ويعملي الف حساب.

الحين هالسيد بعد كل فتره كالعاده يهدد بالثانيه ماعرف كم مره قالها بس اتعب لو بعد كم مره .
السبب انه يقول ابغا احترام طيب حلو نجي لهانقطه الاحترام عنده يعني لمن اعصب عليك وسبيتك بشرفك ماتفتحي فمك ولو انك غلطانه تعتذري رغم اي فعل صدر مني خلاني اعصب عليك .

طبعا انا نهائيا ماعتذر لانه دايمن بعد االمشكله يسب ويغلط على اهلي ويضرب وطبعا اقوله لاتمد يقول هذا غير مبرح ماطلع دم ولا نزفتي😪

انا ي بنات جدا مضغوطه عايشه خارج ااسعوديه وبكمل دراستي ودراسه صعبه جدا عندي طفله ٩شهور .
طفلتي تنام المغرب ماشاءالله وطول النهار تحتاجني يجي الليل انا كمان مرهقه نفسيا وجسديا دوام وتعب وضغط دراسه فظيع وبالليل تخيلو بدل ما اجلس على واجباتي انام من غير ما اشعر بنفسي واقوم اصحى نص الليل ابكييييي انا بدرس ماجستير جدا هلاك يعني لنفسي نهائيا ما افضى نهاااائيا..

وهو السيد بكل برود يشوف البنت تبكي جيعانه وانا ماسكه الجهاز اكتب وهو يجي يقول اووف قومي شوفي بنتك ولا اتزوج احسن

تعرفو انا كم مره ضربت نفسي من الانهيار كم مره قدامه اضرب راسي بالفرن ماعدت اتحمل الاستفزاز ولمن اقوله يابن الحلال مافيها شي لو حطيتها بحجرك انا لو رسبت حرجع السعوديه وهادي اخر فرصه يقول محد قلك ادرسي هيا بالله ماتبغي تزوجيني 😭😭 اه ي ربي قسمن اسلوب استفزاااااازي هو دايمن يضغط على نفسيتي ويلعب فيا لعب

اليوم الي حصل الصبح الساعه ٧ طلع برا الغرفه وسكر باب الغرفه عليا وع بنتي عشان كنا نايمين انا سمعت صوت الباب صحيت قلبي دقني خييير يقفل الباب واول ماخرجت نزل السماعه وجيت عنده قام دخل الغرفه دخلت وراه لبس ثوب وطلع عند باب الشقه ووجهه مقلوووب كانه وراه مصيبه


المهم تركته وقلت ابدخل الحمام وهو جلس بالصاله ولمت قفلت باب الحمام اسمعه ماشي للغرفه بتاكد اذا انا موجوده بعين سمعت يقول انا ماقدر اتكلم الحين افتحي واتس 😔


وقتها انصدمت وسكت ولا سويت شي ماعرف اتصرف المهم طلعت من الحمام الله يعزكم وعااادي جدا اتكلم ويوم جا يطلع من البيت جلست ابكي ومثل ما قلت لكم ع طول قلت ليش تخونني وابكي واهرج وفيك وفيك وكفايه صايره على وعلى وعلى وهو ايش رده فعله انكر اول شي بعدين قلت ترا مابكذب اذني وسكت هو عادي ورحع يلعب بنتي وانا ابكي المهم طلع من البيت


وراجع ماعرف متى الحين يا حريم ابغا كل تصرفاتي توضح اني جديه وانه انسان سخيف ونزل من عيني جالس تتهرب زي المراهقين بس ماعندي هالتصرف غير اني اجلس ساكته وطبعا هو راح يجي يقوبل تبي تطلعي مع صحباتك تبي فلوس ابغا هنا ارد او تعلموني طريقه او اسلوب غيير يرفع من شأني ويقلل منه وبحس على دمه ابغا اوضح انه دمرني

انا شخصيتي طيبه ابغا اغير نفسي من الحين واعمل لنفسي حساب افيدوني 😔