اكتشفت اشياء كثير صدمتني ببنتي 😢💔

السلآم عليكم ورحمه الله وبركاته 
كيفكم ياحلوات 
بما اني ماعرف للمقدمات ف بدخل بزبده الموضوع 
انا عندي بنت عمرها 15 سنه وهي بنتي الوحيده وعندها كل وسائل التواصل من جوال ولاب توب والتيلفون الثابت ف غرفتها ولها مفتاحها والسواق تحت امرها اذا بغت تطلع وتروح تتمشى مع صديقاتها مانردها المهم قبل فتره شفتها تفتح جوالها ف شفت كلمه السر وجاني فضول اشوف ايش جوا الجوال وبس نامت رحت فكيت جوالها والله ان نيتي اتطمن عليها وعلى وسطها اللي هي فيه بس للاسف بعد مافكيته حسيت اني ام فاشله فعلا مع اني كنت محتويتها لابعد درجه وبينا ميانه لدرجه محد يتخيلها لان بيني وبينها 15 سنه بس ! المهم ماطول عليكم فكيت الجوال لقيت محادثتها مع شاب وعلى اللي قريته انها تحبه والله لا يوريكم باللي قريته انواع كلام الحب والعشق وهي ماتقصر بعد خلصت من صدمه وفكيت الصور لقيت صوره لها مع هالشاب اللي تكلمه وهم بسياره وماسكه يده وهي تصور بجوالها بغا يوقف قلبي والله 😭😭😭😭😭💔 وانا من طبعي ماحب الشده جا اليوم الثاني ضميتها وقعدت اسولف معها وسئلتها ان كان ف حياتها شاب انكرت بالبدايه بعدين قالت عادي اتكلم براحتي قلت تكلمي ماراح اقولك شي وبدت تتكلم بحماس وكاني صديقتها مو امها وخرت لي كل شي بس حسيت اني صنمت مدري وش اسوي وش اقولها كيف اتعامل معها تكفون ابي مشورتكم 😭😭😭😭💔 
هالمواضيع ماتنقال لأي احد الا انتوا عطوني رايكم وكيف اتصرف معاها خايفه على بنتي وحيدتي 😭💔 
ضميري يأنبني والله 
واسفه على الاطاله ..