تدررين..
واحد من عيالي يوم دخلته المدرسة توقعت أنه راح يكون كاااااارثة
والله أني بكيت من حالته..
أعطيه أي أمر..وشوفي ألوان العجب..ما فيه أي أمل يتنفذ لك صح..
مثلا قلت له عطني الصحن اللي هناك..وفرضا في الصحن كاسات..يسحب لك الصحن وتطيح الكاسات..ما عنده أي مشكلة..
إذا طلبت منه شي قدام عيونه والله تقوم القيامة وهو مكانك سر..يرجع لي بدون أي فائدة..
الدراسة كل يوم ينضرب ويتهزأ..
توقعت أنه غبي أو عنده صعوبات في التعلم..
حتى لبس ما يقدر يلبس..
ما يعرف كيف يفتح الباب بالمفتاح..
بعد ما درست وضعه اتضح لي أننا ما أعطيناه فرصة يتعلم الأساسيات في طفولته..
وكان معتمد علينا في كل شي..
بالنسبة للحروف والقراءة..وفرت له الكتب ودفاتر تعليم الحروف..وشغلت له أناشيد الحروف وراح تلقينها في النت بكثرة..
هذا غير أن المدرسة اللي درس فيها ممتازة..وربي حظظه في مدرس ممتاز..
ما خلص أولى ابتدائي إلا وهو يقدر يقرأ القصص القصيرة
ما شاء الله تبارك الله ولا قوة إلا بالله..الحين هو طالع خامس..ويقرأ الروايات الطويلة..
ومبدع ورسام..
بسسس..باقي ما يعرف يفتح باب بالمفتاح..وباقي بعض الأوامر ما يقدر ينفذها..ولكن كل شي بالتدريب..
يا رب تكون قصتي طمنتك..ويا رب تكون فاتحة خير على ولدك..سوي له برنامج منزلي وشوفي النتائج..وحتى لو قال لك الدكتور عنده صعوبات تعلم..فلا تخلين كلامه يكون عقبة في طريق ولدك..بالعكس خليه حافز لك أنك تبذلين كل اللي تقدرين عليه عشان يتحسن مستواه..
وعلى فكرة..ثبت علميا أن الطفل اللي علاقته كويسة بالكتاب في البيت..يكون متفوق دراسيا أكثر من الطفل اللي ما تتوفر له الكتب في البيت..
أنا ما أقول لك هذا الكلام عشان أسوق لمكتبتي..بالعكس..أنا فتحت مكتبة الأطفال لأني اكتشفت قد إيش خدمت القراءة الكثير من الأطفال وأنقذتهم من مصير الفشل واليأس والهزيمة..وحولتهم إلى أشخاص رائعين..وناجحين..وهذا هو اللي أتمناه لكل طفل..والله يوفق ولدك ويطمن قلبك عليه..

والله ماادري ويش اقول لك بس ماحبيت ادخل بدون ماابدي رايي بس انا ربطت لماقلتي انه يدخل النت ويشوف الفيديوهات يعني يحب الحركة ويستمتع بالشي اللي فيه العاب انا بعطيك طرق وان شاءالله تفيد لما دخلت بنتي الروضة لقيت اساليب التعلم غير اللي احنا نمارسها مثلا تعطينه صلصال وتقولين له يالله نسوي حرف الالف وشكلي انتي معاه وتاخذين فلين وتقصين منه حرف الالف ويكون كبير وتحطينه عليك وانتي واقفه وتدخلين عليه وتقولين السلام عليكم ياحلو انا صديقك حرف الالف بس ينادوني اا وانت ايش اسمك طيب تعرف انا وين اكون تشوفني وين مع اصدقائي وهم الارنب -الابريق -الابرة-الاذن- وتعرضين بطاقات عليها الكلمات مكتوبه وتعطينه خطاط وتقولين له دورني وين انا وحط علي دائرة والعبي معاه ووانتي عليك الحرف وانتي تنشدين
اا ارنب يجري يلعب ياكل جزرا كي لايتعب
وبعدين جيبي ورق ملون وارسمي عليه حرف ا وخليه يقصه ويلزقه بالورق واذا رفض احرميه من الكمبيوتر لما يرضخ لك وبعدين عطيه الكراسه ونقطي بنقط خفيفه على السطور شكل حرف الالف وخليه يرسم فوقها وقولي له اذاسويته راح اكافئك بهدية وخليه يشوفها وهي مغلفه طبعا تكون هدايا من ابو ريالين بس مشوقة واشياء يحبها وصححي له الكراسه وحطي نجوم ووريها العائله كلها وقولي ماتدرون اليوم جا صديق ولدي حرف ا وجلس وياه وخلي وحده من اخواتك تندمج بالسالفه معك وتسالك هو وين ساكن تقولين لها في الابريق والابرة واكتبي بالبطاقات وخليه يحط دائرة عليهم ولما يجي ينام قولي حبيبي حرف ا يقول يبي يجلس بغرفتك ايش رايك نعلقه مع بعض على الحائط واليوم الثاني صوريه مع الحرف وحطي له بالنت برنامج تلوين الحروف وخليه يلون الحرف وافتحي له برامج واناشيد ولو تقعدين على الحرف اسبوع وبعدين خلي حرف ا يدخل ويقول انا جايب اخوي اليوم معاي عادي يدخل وهوحرف ب وبعدين عطيه قصة وقولي له كل حرف زي هذا الحرف حط عليه دائرة
اختي التغذية لها دور الكورن فليكس والاندومي والكاكاو كلها اشياء تعمل على شحن الطاقة فقط وانما كثرتها تؤدي الى صعوبة الادراك حاولي تعوضينه بالفواكه والخضار مثلا اسلقي بطاط وحطي شوي زبدة وملح وعطيه صحن وانتي صحن وقولي ايش رايك نسوي منه حرف ا ولصقي جزر مبشور على انه شعر وحلقات زيتون عيون وشريحة طماطم على انها فم وبكذا تكوني خليتي التعليم بالمتعه وليس بالاجبار واتمنى اني اكون افدتك بس لو عجبك ردي ادعي لي الله يرد لي قلب زوجي ويخلي لي عيالي

اختي قللي الوجبات السريعه والمعلبات لان اسبابها كبيرة وهذي طريقة عصير اخذته من النت بس للامانه ماجربته يقوي الذاكرة وهو
حبة رمانه- عصير ربع اناناسه- عصير حبتين خوخ- عصير نص ليمونه-حبة موزة- ملعقه كبيرة عسل طبيعي- 7حبات لوز-7حبات جوز-7حبات بندق- تخلط جميعها بالخلاط وتشرب بعد نص ساعة

والله يااختي هو معاه نص ملعقه صغيرة خميرة بس انا استبعدتها لاني ماادري عن الخمير وايش مضارها وبالنسبه لطفل انصحك ماتحطينه

وايضا في اطعمه للذكاء الخارق السمك- البروتينات-البيض- حليب كامل الدسم-وامنعيه من البيبسي والشيبس والسكريات الملونه ووالوجبات السريعه والمقالي بكثرة وان شاء الله الطرق هذي تنفعك

الأميرة هاتسوكو
الله يسعدك دنيا واخرة ويسخر لك زوجك مشكورة ريحتيني واذا تعرفي طبيب في جده ياريت تدليني


أندريفنا
ربي يسعدك ويسخر لك زوجك وأبنائك يارب ولدي يتعلم ويصير متفوق
ومشكورة ياقلبي على النصائح


اسفة ماتشفي خطاااااك ربي يسعدك دنيا واخرة ويرد لك زوجك ردا جميلا ويشوفك احلى عروس بالدنيا وكل من عقبت علي يارب
افكاار روعه وسأبدأ التنفيذ اليوووم ان شاء الله تعالى ..
بالنسبة للاندومي مااشتريها ابدا والكاكاو نادر جدا اشتري لهم لكن الكورن فليكس يموت فيه ومشكورة على الوصفة
شكري وودي لكم ياغاليااااااااااااااااااااااااااااااااات

ان شاءالله ولدك مافيه الا العافيه

بس افضل روحي وديه عند اخصائي في صعوبات التعلم وهو بيسوي له جلسات اغلب المستشفيات بجده فيها هالقسم

الله يطمن قلبك