السلام عليكم ورحمه الله وبركاته
كيفكم بنات ؟؟؟
انا اول مره انزل موضوع و ع طووول نزلت موضوع مررررره جارحني وماني عارفه اقوله لمين وقلت ماراح الاقي الابنات عالم حواء .....
بدخل بالموضوع ع طووووول
انا عمري 20 وادرس بالجامعه واختي اللي اصغر مني عمرها 19
اكتشفت انها تغار مني مو اكتشفت انا كنت ملاحظه من اول بس كنت اطنش كانت لما ننزل السوق اسالها هاذا الشي حلو تقولي مالي دخل فيك لكن لما تسالني اجاوبها وهي ذوقها احلى مني مو علشان كذا اسالها بس انا احب استشير وهي نفس الشي وكنت اجاوبها طبيعي بس لما اسالها تقولي مالي دخل فيك انقلعي وتتأفف مني وتلعني
اناانقهر في وقتها وخلاص بس كنت اقول انها تتطفش من السوق يمكن علشان كذا تسوي هاذي الاشياء معاي
المهم وانا اخواتي 2 اكبر مني متزوجات دايما يحاولون يهتمون في شكلي اكثر منها وفي كشختي علشان يبوني انخطب شي طبيعي بما اني الكبيره وهاذا الشي مره قاهرها كيف عرفت لانها منزله موضوع في تفسير الاحلام في احد المنتديات حلمت هي تخيلو انا كنا كلنا بغرفه النوم انا وهي وامي واخواتي متجمعين بغرفه النوم تبعنا وقاعدين نفكر وش نلبس علشان عندنا عزيمه فريبه المهم هي طلعت لبس ذوق وقالت بلبس هاذا وتقول انه انا طلعت لبسه انا مشتريتها لها هي قبل 6 شهور وقلت بلبس هاذي ( واحنا عندنا قانون انه نلبس عادي من بعض بس اذا كان الشي جديد ماقد انلبس مانلبسها لين هي تلبسها ) وهي ماقد لبسته فقالت لي والله ماتلبسينه قالت اختي اللي اكبر مني والله ان تلبسه وهي انقهرت من هاذي الحركه وبس وانتهى الحلم وكتبت بعد الحلم للمفسره ان بعض الاشياء اللي صارت في الحلم تصير حقيقه يعني كاأهتمام اخواتي اللي اكبر مني فيني وقالت انهم يبونها تتزوج قبلي ومايبوني اتزوج قبلها >>>>>>>> وهاذا الشي قهرني مررره عادي انا ماعندي مشكله تتزوج قبلي اذا هاذا يرضيها بس ليش تسوي معاي كذا طيب شي طبيعي انهم يبوني اتزوج قبلها لاني اكبر منها بس انا اخر همي الزواج ولا افكر فيه الا علشان الظغوط النفسيه اللي تجيني من اخواني شايفيني انه انا اشين وحده بالبيت علشان كذا ماقد جاني نصيبي واخواتي كلهم احلى مني لدرجه ان اخواني يعيروني ويقولولي انتي اصلا ما ادري مين اللي بياخذك طبعا ماراح اظلم اخواني كلهم هو واحد اللي دايم يقولي هاذا الكلام وواحد كمان يقولي انتي عقبه ع اخواتك >>>>>>> يعني انا موقفه نصيب اخواتي وراح اطول عند اهلي ع بال ما اتزوج هوه يقولها مزح بس المزح في عمري هاذا راح تكون دقه مو مزحه وع فكره انا حلوه بس سمرا وهم عندهم ان السمرا مو حلوه وهذا الشي مرررررررره مضايقني ..
المهم من متى اختي احسها تغيرت علي في هاذي السالفه
اختي هي نفسها اللي اصغر مني كان يحبها ولد عمي من يوم هي صغيره وكان يقول لاهلي ماراح اخذ الا البيضاء اللي هي اختي اللي اصغر مني وانا عادي والله العظيم عمري ماحسيت بالقهر ولا شي ...... تخيلو من يوم هي صغيره الين صارعمرها 16 وهو يحبها وقال لابوي ذيك السنه انه ما يبي غير اختي .. بس لما صار عمرها 17 كان وقتها انا عمري 18 تخيلو خطبني انا ... والله ماكنا نتوقع ابدا اهلي كلهم يدرون انه يحبها بس ليش اختارني انا ما ادري والله العظيم اني قعدت ابكي لما سمعت بالخبر واني ما استخرت قلت برفض صدق انه اختي ماتحبه اصلا بس انا مصدومه وشلون يحبها ويخطبني انا
ومن بعد هالسالفه واختي مره متغيره علي مو موضحه بس انا حسيت انها تغيرت علي من بعد ذيك السالفه
وانا ابي حل معاها ما ادري وش اسوي لاني قريت موضوع حلمها اليوم ومرررره انقهرت وما ادري اقول لمين وكيف اتصرف .....
:44::44:
بقايا الم @bkaya_alm_1
عضوة جديدة
يلزم عليك تسجيل الدخول أولًا لكتابة تعليق.
يـآآالغــلآآ ..عـآدي الوضـع كل الاخــوات بينهم غيرهـ ..
انتي تقربي منهـآ لانك قربين من العمـر ..
والله يحنن قلب اختك علييك ..
انتي تقربي منهـآ لانك قربين من العمـر ..
والله يحنن قلب اختك علييك ..
احسها انجرحت عشان خطبك اللي كان يحبها
لان واضح من تصرفها
ربي يحنن قلوبكم لبعض ويسخركم لبعض
لان واضح من تصرفها
ربي يحنن قلوبكم لبعض ويسخركم لبعض
...
ي شيييييخه ربنآ يرزقك انتي وإيآهآ وتتزوجوو بليلة وحدهـ
مآتزعلي نفسك ولا تآخذي بخآطرك على اختك
فترة وبتعدي .. أخوآت مآآلكم غير بعض
ي شيييييخه ربنآ يرزقك انتي وإيآهآ وتتزوجوو بليلة وحدهـ
مآتزعلي نفسك ولا تآخذي بخآطرك على اختك
فترة وبتعدي .. أخوآت مآآلكم غير بعض
الصفحة الأخيرة
حاسه فيك
بس انتي مالك دخل في سالفة الخطبه
وبعدين السمار مو عيب
ما قول الا الله يصلحها ويهديها ويهدي اخوك
ويوفقك ويرزقك الزوج الصالح
{~}