اكتشفت ان العلاقة خربت بسبب طاري الرجال !

السلام عليكم ورحمة الله


كيفكم يا بنات شخباركم 💗


ودي اليوم اسولف معاكم بشي لاحظته بحياتي وباللي حولي ، انا انسانه احب الصداقات واقدرها ، لكن للحين نادرة جداً العلاقات والصداقات اللي استمريت فيها فتره طويلة جدا ! والسبب والله مو بس مني السبب اني لاحظت اي علاقة بين ثنتين ماتبدأ تخرب جد الا اذا دخل فيها طاري رجال " الزوج " !! اعطيكم مثال ، عندي جارة لطيفة تعرفت عليها وتداخلنا بقوة علاقتنا كانت عسسسل وعفوية وعلاقة بناتيه جميلة بعد سنه بدأت الامور تتغير بيننا ، يعني صارت تجيب طاري زوجها بكثره عندي وانه حط وسوا وبيسفرها وبيفاجأها وبيسوي لها " وانا والله ما احسد ابداً لان زوجي ماشاء الله مب مقصر يعني قصدي ابد مب حسد " وكثير صارت تجيب الطاري ، انا مو ضد عادي انا اسولف بعد بس بشكل معقول ومو بالخصوصيات بمواقف عاديه عامه ، المهم اني بديت اطفش منها واحاول اخفف سوالفنا ، مادري العيب فيني او انتوا مثلي ؟ يعني بالنهاية ابي نسولف ونضحك وننبسط بدون طاري الرجال تتوقعون الرجال لاقعدوا بيجلسون يسولفون عنا وعن وش نسوي لهم ؟ لا طبعا وعشان كذا علاقاتهم افضل مننا كنساء ولا ؟ شرايكم بكلامي وجهوني ؟