اكتشفت ان امي تعاني من الإكتئاب

السلام عليكم بنات
انا اليوم حزينة مرة متضايقة عشان أمي
اتمنى اني اقدر اوصل معاناتها
امي يابنات من يوم ماكنت انا صغيرة وهي كانتبمشاكل مع ابوي وضرب واهانات
اليوم عنري 20 واتذكر هالأشياء مثل الخيال القديم اتذكر الضرب والهواش
ماعشت طفولة مستقرة أبدا
كان ابوي يضحك عليها ويقولها ببدا معك مشروع ويكلمها بصدق وهي تصدقه
ويروح ياخذ فلوسها ومايرجعها لها
اخذ منها ملايين والله .. صدقته للأسف وطلع كذاب
هذا الكلام كله بالماضي
كبرنا مع الوقت وصار ابوي طول وقته بالملحق ينام فيه وعايش فيه لحاله
واحنا عايشين بحالنا مع امي
مايجلس معنا مايتغدا معنا مايتعشا معانا
هو وامي مثل الأغراب
عادي يسولفون ويتكلمون سوالف سطحية كأنه شخص عادي مو زوجها
مانشوفه ابدا
اول كنا نشوفه اذا طلعنا السيارة الحين عندنا سواق صرنا مانشوفه بالمرة
انا واخواتي كبرنا ومااحس موضوع ابوي مأثر علينا
الحمدلله نعامله كويس وتعودنا ع كذا تعودنا على عدم وجوده
بالعكس لما يكون موجود نحس انه ضيف وان فيه شي غريب
لكن الموضوع احسه مأثر ع امي مرة
امي يابنات كئيبة كئيبة بشكل محد يتصوره
امي ماعندها حياة إنسانة عايشة بدون حياة
ماعندها مواهب ماعندها اهتمامات ماعندها صحبات
تبخل ع نفسها بالإستمتاع وبالفرحة
تشيل هم الأشياء
تحس مو من حقها تفرح
تحب سوالف الموت والأشياء اللي تحزن
دايما اذا سولفت معانا تقول فلانة ماتت فلانة مرضت فلانة تطلقت
وتذكرنا بالإخرة والموت والحساب
احسها زاهدة مرة وبايعة الدنيا
متعلقة بربي كثير بس ناسية نفسها
امي كاسرة خاطري والله اتمنى اسعدها
هذا غير انها عصبية جدا جدا جدا جدا
كل يومها هواش هواش مو طبيعي
وتصارخ علينا حتى لو ع اشياء تافهة
من الصباح تصحى معصبة وزعلانة
تسوي فطور وتنادي كل وحدة بإمسها اذا وحدة تأخرت عن الفطور تصارخ
وممكن تدعي عليها عشان تجي
قسم بالله اكره الصباح من نفسية أمي واسلوبها ماتتصورون كيف
تدعي ع اختي عشان صحت متأخر
تدعي على نفسها
تتحكم فينا بدرجة فضيعة
جدا جدا متحكمة
يعني تجربنا ع اكلات معينة وقت نوم معين اهتمامات معينة تفرض رأيها علينا بالقوة
واذا ماسمعنا كلامها تعتبرنا عاقين
احاول ارضيها بس هي تبيني مثالية وتبيني اسمع كلامها بكل شي
أمي هي فاقدة طعم الحياة وتبينا نفقدا مثلها
تعصب لو شافتنا مشغلين السماعات بالصالة
اذا قعدنا انا واخواتي نسولف ونضحك تبدا تهاوش
لدرجة ان كل وحدة صارت بغرفتها ماتطلع
اذا شربنا قهوة تهاوش القهوة مو مفيدة مو زينة
اذا سوينا اتفه الأشياء تعصب منها
احسها احيانا بتدور اي شي تهاوش عليه
وكل ماتشوف اي وحدة مننا تبدا تنتقد شكلها وجسمها ولونها
وتبدا تذمنا
يابنات أمي تطالبنا بأشياء فوق طاقتنا والله
واذا ماسويناها يعني احنا عاقين
راسمتلنا حياة معينة وتبينا نمشي عليها
تحس ان احنا اللي باقين لها بحياتها فقط يعني لازم تفرّغ طاقتها فينا وتتحكم حتى بإختياراتنا
بإهتماماتنا بأذواقنا
كلنا اليوم كبرنا وصارت كل وحدة مسؤولة عن نفسها
لكن لازالت تعاملنا معاملة الأطفال
حتى بالسوق مرةاعجبني جاكيت فرو حلو وكان نفسي فيه
قالتلي اذا اخذتيه مو راضية عنك
قلتلها ليش قالت بس رجعيه وصارخت علي بالمحل قدام الرجال
لأنه وببساطة مو عاجبها
امي ماتسولف ولا تتكلم حتى اذا رحنا اي مكان او اي جمعة
تجلس بآخر المجلس وساكتة
تحب تحطمنا وتنتقدنا
لدرجة اني بديت افقد ثقتي بنفسي منها
زواج اختي بعد عشرين يوم
واحس مافيه بقلبها فرحة يعني كل شوي تقول ماله داعي التكاليف
مانبي نعزم احد
كل شي بسيط
مانبي احد يجي
ماعندها حياة اجتماعية بس تروح المدرسة لأنها وكيلة وترجع
رابطة نفسها فينا ماعندها طلعات زيارات. صديقات جارات
روتينها ممل جدا
ماعندها شي تسويه ابدا وهذا الشي اللي مضخم عيوبنا بعينها
هذا غير انها اذا سولفت احسها تتلعثم بالكلام كثير
احس فيه شي كبير فاقدته ومحطمها
ودايم تقارن نفسها بالناس تقول فلانة كذا وانا كذا
ماابي عمرها يضيع
ليومكم هذا مهما احاول اسعدها مايعجبها شي
والله العظيم دايما اقولها خلينا نطلع البحر انا وانتي بس ماترضى
امس كان ودنا نجلس بالسطح عشان الجو حلو برضو هاوشت قالت ماابي اطلع
ايش الحل والله تعبت مع امي احس عمرها يضيع وهي مااستمتعت فيه