اكتشفت ان زوجها يكلم وحده وش الحل؟؟؟؟؟

السلام عليكم ورحمة الله وبركاته

اخواتي هذه مشكله صارت لزميله لي وطلبت مني اني استشيركم فيها لانها مسافره وماتقدر تدخل النت

زميلتي هذه حاليا مسافره مع زوجها لجده علشان عمل زوجها

السالفه ومافيها
قبل يومين ولما كان زوجها نايم اخذت جواله تبي تكلم اختها خارج المملكه ولما بغت تدق خافت من زوجها وهونت (مع العلم ان زوجها مايتركها تلمس جواله ابد بس ذاك اليوم كان مره تعبان ونايم ) المهم غيرت رايها وكلمت سلفتها وماردت او انها ارسلت لها رساله المهم رجعت تبي تنام لكن الجوال معها خافت من ان سلفتها ترجع وتدق على جوال زوجها وعينها على الجوال وفجاه الفجر اتصل رقم مكتوب مجهول هي ظنت انها اختها من بره وعلى طول ردت الا هي حرمه وشكلها قليلة ادب بمعنى الكلمه وتقول جلست ادعي عليها وقالت لي الحرمه مين انتي ؟؟؟انتي زوجته ؟؟؟؟ وش دراها انه متزوج
تقول قفلت منها وارسلت لها رساله كلها ادعيه عليها

ورجعت بحثت عن اسم مجهول ولقته رقم هالحرمه بس الاسم مجهول
طبعا كاتبه مجهول لانه دايم يقولها كلمة مجهول يعني مكالمه من برا ولو ارد ممكن احد يسحرني من برا او يسرقون الرصيد المهم لا ارد لا انا ولا انتي على مجهول


المهم زميلتي ايش سوت مسحت الرقم وحطت رقم جوالها الثاني من موبايلي نادرا ما تستخدمه علشان كذا زوجها مايعرفه

وتقول قام زوجي مرتبك واول ماسأل عنه الجوال وجلس يطالع فيه تقول اساله بتروح العمل متى يبدا عملك اليوم كل يوم له ساعه
قال مدرري يمكن 9 او 10 مدري وتقول كانه ينتظر احد يتصل عليه

المهم تقول طلع وتقول ارجع ادق عليه من رقم موبايلي طبعا عنده الاسم مجهول تقول رنه وحده بس اشوف بيرجع يتصل

تقول وعلى طول رجع اتصل فيني واول مارديت قال هلا يعني يمووووون

تقول انا ماتكلمت وقفلت الخط

تقول ماعاد رجع اتصل

تقول بعدها بفتره ارسلت رساله غراميه تقول مارد (طبعا شكله بدا يخاف يمكن شك ان احد من اهلها كبس عليها) والله نسيت اش قالت لي بالضبط الظاهر انه اتصل عليها
المهم انها ارسلت رساله كاتبه فيها ندمت

تقول رجع زوجي وتقول مايبي غدا وبس جالس يفكر وعينه على الجوال
تقول انتظرته الين نام واخذ جواله يمكن الحيوانه متصله عليه وقالت له كل شيء

تقول لقيته ماسح جميع اتصالاتي ورسايلي ومغير رقمها (طبعا هو مايدري انه رقم زوجته الى الان ) لاسم شخص ثاني

معنها انها ماكلمته لانه ما اكتشف الحركه


عاد قعدت تكلمني عن زوجها وكيف انه كان يتكهرب لما تمسك جواله لدرجة انها تقول كان يدعي علي بالسرطان اذا مسكت جواله(والله حزني حالها لما قالت لي كذا:( ماعاد في اي احترام )

لكن ماكنت اشك ابد انه يكلم لانه محافظ على الصلاه وفيه دين

عاد هي تقول انا مقهوره ماعاد ادري كيف اتصرف وتقول ودي ابلغ الهيئه لكن انا ما اعرف هل في جده والا في منطقتنا اللي قبل مدري وينها فيه وعلاقتهم من متى ؟؟؟؟؟؟


والله اني احترت مدري وش اقوله الله لايحطنا في هالموقف يارب لا انا ولا اي وحده منكم ويحفظ ازواجنا ويستر عليهم يارب ويبعد عنهم بنات الحرام يارب ياكريم

عاد هي طلبت من استشيركم ؟؟؟؟ وتساعدونها باللي تقدرون عليه



الله يجزاكم خير:)