اولا بسم الله الرحمن الرحيم اخواتي العزيزات طبعا هذه اول مشاركه لي وانشاءالله لن تكون الاخيره لي فتره طويله واني متا بعه معكم في هذا المنتدى وفي كل الاقسام ولم تلتي الفرصه المناسبه كي اشاركم واعتبركم ووالله العالم صديقاتي المهم اجبرني على الكتابه موضوع اختنا خوخه لاني اني ايضا مريت بنفس الموقف وكان تصرفي معه اني طبعا لم اواجهه بل عرفته اني عارفه من غير مايعرف ومنها حس بالغلطه وحرم لكن مدري هل صحيح وهل تنفع مع كل الرجال لان طبعة الرجل تختلف من واحد لا اخر وزي ما قالوا الاخوات اكثري من الدعاءوالله يكون في عونك وعوني

صراحه ما ادري ايش اقول بس والله لما اقرا اي رد لا ي وحده فيكم احس انو فيه احد معاي ويشاركني همومي من جد اشكر كل وحده ردت علي ونصحتني وابدا بالاخت ريلام والاخت شمس الحب وعطر الحكي واقولك ماكان قدامي الا المواجهه بعد مالقيت الدليل00 بنت قطر اخاف اذا طنشته وخليت الامر عادي ياخذها عاده وما يقدر يصبر عنهم 0متفائله للخير صدقتي ياقلبي مافيه شي اهم من صحتي لانه عايش حياته ولا هو داري عني بس الموضوع ماني قادره انساه ولا لحظه كل ماشوفه ابكي0زوجة رجل مهم والله ياقلبي نفذت كل كلمه قلتيها بس ماني قادره احس اني انهرت تماما واتمنى اكلمك واستفيد اكثر واكثر0عيون خطيبها مشكوره ياقلبي هوصحيح يكلم مجموعه بس وحده منهم هي اللي لها اغلب المكالمات 0هلا اختي الافق ياليت ياقلبي تقولين لي وش سويتي بالضبط لانه دايم يقولي نظراتك لي تخوف ودايما اوجه له كلمات بطريق غير مباشر على نفس الموضوع بس ماواجهته بشي من اول ماكتبت الموضوع اتمنى ترسلين لي رساله انا في انتظارك والف شكر للجميع

الله يكون في عونك يا خوخة
و الله قلبي يتقطع و انا اقرا كلامك لان ما في شئ مؤلم مثل الخيانة
بس نصيحتي حبيبتي لك انك ما تواجهيه .. بقولك ليش ..
اولا انتي صارلك في هالدوامة اكثر من شهر يعني اتعديت مرحلة الصدمة و صرت تقدرين تفكرين بتعقل اكثر

ثانيا زوجك لاحظت من ردوده انه من النوع العنيد
يعني المواجهة معاه بتكون فاشلة 100 %
عشان كذا انتي لازم توقفي مع نفسك وقفة جادة
و اسئلي نفسك انتي شو تريدين بالضبط
هل تريدينه يرجعلك و ينسى هالاشياء عشان تبدون من جديد ؟
و لا انتي خلاص ما تريدينه و تبين تتطلقين ؟

اذا كنت تريدينه و عندك استعداد تسامحينه و تبدين من جديد
قدامك حلين ما في غيرهم :
يا انك تدوسين على اعصابك و تحاولين ترجعينه لبيته عن طريق اولا
الدعاء
ثم الزينة و الدلع و اغراقه في الحب
و اهم شئ حسسيه بالثقة خلي يحس انه شئ وايد كبير في نظرك
بكذا ان شاء الله بيرجعلك
بس هذا يريدله شخصية قوية و واحدة تقدر تضغط على اعصابها
و صدقيني بتموتين في اليوم الف مرة و بتتعذبين بس في الاخر بتحصلين اللي تريدينه


و اذا ما عدت تقدرين تضغطين على نفسك
اكثر قومي باتباع حل الاخت كول هناء اللي موجود تحت
لانك بهالطريقة ما بتفتحيله مجال انه ينكر لان الدليل خلاص موجود
و بيحس ان الموضوع صار جد و لازم يتخذ القرار اما الفراق او العودة للبيت
و في نفس الوقت بتكونين تجنبت طريقة المواجهة و الاتهام و امكانية انه ياخذه العناد و الكبرياء


انا بصراحة اتمنى لو تقدرين تضغطين على نفسك و تتبعين الحل الاول و تخلين الحل الثاني لاخر شئ ممكن تلجايله

الله يكون بعونك بس وصيتى لك طنشيه كثر ما تقدرين واطلعى واكشخى وخليه صفر على الشمال وشوفى رده فعله راح يموت من القهرحسسيه انه ولا شئ بحياتك واتمنى لك التوفيق وانك تجتازين هذا الامتحان بنجاح

هلا اختي قرقوعه تسلمين ياقلبي على الرد وانا احاول اطبق الرد الاول وزجي ماصار يسوي كذا الا بعد ماتركته ع لشان الوظيفه وانا خايفه ان الموضوع يتطور اذا ماجاني نقل لانه يموت اذا قلت له باخذ اجازه والف شكر ياقلبي 0