ترى للأسف في هالزمن الغريب إنه يكون جوال الرجال ما فيه هالمقاطع
الله يصلح أحوال الشباب
ألحين إيش استفدتي من المواجهة؟؟
ولا شي!
إذا هو ما يخاف من ربه بيخاف منك مثلاً؟
هو الدرس اللي استفاده إنه ما يخلي الجوال بيدك ويخبي المقاطع إللي عنده
مواجهتك ما راح تخليه يتركها!
ولا زعلك!
ولا هجرك!
اغضبي لفعله لانتهاكه لمحارم الله - وليس من باب غيرة المرأة - وفي نفس الوقت اسعي في تقوية إيمانياته
أما أن تجعلين معصيته هذه سبب لهدم بيتك .... ؟؟؟

مقهورة،، من حقك ،، ما ألومك ،، لكن فكري في الموضوع بعقلانية
أغلب الشباب عندهم هالأمور

المشكلة الكبيرة في الموضوع ليست هذه المقاطع ،، المشكلة أنه لا زال يتهمك ويشك فيك!
هذه المشكلة إللي فعلا تحتاج حل!
أما المقاطع فذنبه على جنبه

انا اشوف تصرفك صحيح .. بس غلطتي في انك فتشتي جواله ..

مو من حقك ولا من حقه هو بعد يفش في جهازك ويشك فيك ..

الله يفرج همك .

شوفي هو من قهره و فشيلته لإنه أنكشف قام يخبط بالكلام
ويبي يقلب الموضوع عليك بأي طريقه و هذي عادتهم على حسب ما نسمع من هالحريم
يا يتهمك بالتقصير و يعتبره سبب لتصرفه و عذر !
يا يترك مشكلته و يقلب عليك ليش تفتشين من سمح لك !
يا يجلس يطلع كلام طالع نازل حتى تلهين عن المشكله الأساسيه !
هذا تصرف أغلب الرجال مع الأسف في هالحاله
و بقولك شي نادر إلي مايسوي هالحركات نادر بعضهم فضول و بعضهم أدمنوها
وبعضهم تقليد يسمع ربعه و يسوي زيهم يعني مو في كل الأحوال يكون تقصير من المرأه !
و حتى لو تقصير ماهو سبب وعذر !
شوفي حبيبتي في هالحاله و بآنه جلس يتهمك بكلام كبير
روحي له و قولي شف البلاوي إلي تشوفها ذي راجعه لك أنت ألي بيحاسبك الله عليها
و أنا جنيت لإن الخير يخص و الشر يعم و ما أبي ربي يبلانا بسبب فعايلك !
أما أنك تتهمني بأتهامات باطله هذا ألي ما أسمح فيه فياليت تثمن كلامك أحسن
و أتمنى هالشي ما يتكرر لأنه أن تكرر بكبر الموضوع ألا سمعتي ما أساوم فيها أما فعايلك فبدعي أن الله لا يؤخذنا بأفعالك وأن الله كلن
يخصه بذنبه
و أطلعي و أتركيه

انتي حامل وتعبانه مشغله بالك باشيا فوق تعبك ليش
زوجك اذا مايبغى الاطفال صدقيني اذا ولدتي وشافهم بيتغير كل شي
وحرام شرعا تفتحين جوابه وهو حاط رمز كمان
والمقاطع هذي بلاء عظيم صارت متوفرة بضغطه زر وعلى قولة وحده اسهل من لما تجيبي كاسه مويه انصحيه وادعيله

غير كذا ألي تقول غلطك فتشتي جواله و هذا تجسس
الحرمه تقولكم زوجها متغير عليها و تقولكم يبي الفكه منها و يطلب منها تاخذ بنتها
وتروح لأهلها هذا كله وما تبونها تشك و تفكر بالتفتيش !
مو معقول بجلس على عماي و بخليه بكيفه يتصرف طيب هالمره جت مقاطع
المرات الجايه مايمكن توصل للتعارف مع بنات !
تجلس تغمض و تتظاهر مافيه شي بعد ليته ما يقصر معها و يحن عليها كان هه ممكن
نمشيها بس شين و قوي عين و تعاتبونها ع التفتيش ؟!

أنا ضد الحرمه ألي زوجها تمام بس هي لاعبها الشيطان و تقوم تفتش و تتعب روحها بالشك
ألي ماله لزمه لكن وحده زوجها يصرفها و لا يبيها تجلس عنده هذي لازم تبحث عن السبب !