اكتشفت حقوق الخدامه محفوظة اكثر من الزوجه

السلام عليكم ورحمة الله

عيدكم مبارك ان شاء الله يمر العيد على الجميع وانتوا بكامل صحتكم وعافيتكم

الي راح اكتبه مجرد فضفضه وافكار ويا ريت لو في حلول واقتراحات مع انها كتير صعبه

بدي اناقشكم بظلم المجتمع للمراة ماراح احكي عن ظلم الزوج لزوجته وتحميلها المسؤولية لما ما تنجب

وماراح احكي لظلم المجتمع للمراة بس زوجها يتزوج عليها بحجه انه اكيد فيها عيب

وماراح احكي عن ظلم المجتمع للمراة اذامرضت ولا كانت بحاجه واعطوا الحق الكامل لزوجها بالزواج عليها لاي سبب تافه او من غير سبب بغض النظر عن العشرة الي بينهم وعن تضحية الزوجة بحجه الشرع حلل 4 (( الشغله الوحيده الي بفهموها بالشرع ))

بدي احكي عن ظلم المجتمع والرجل للمراة في القضاء والطلاق

يمكن الي مرت بمسالة الطلاق وخصوصا بالمحكمة اكتر وحدة راح تفهم علي والي ما بتعرف اجراءات راح اشرحلكم اجارات الي مريت فيها وانتوا بنفسكم احكموا هل فيها ظلم ولا لا

القضاء عنا بما بحكم بالطلاق وكانت الزوجة هي الي طالبة الطلاق لازم تمر بعده مراحل
1- مرحلة الصلح وممكن تمدد ل 3 شهور
2- مرحلة المحكمة بتوقف ادام قاضي وكاتب عدل ولازم تشرح كل مشكلتها بادق التفاصيل وممكن تمدد ل 3 شهور
3- مرحلة الحكمين من 3 - 6 شهور
للعلم بكل المراحل بعيدي وبتزيدي بسبب طلبك للطلاق ميت مره وبدافعي عن حقك بس اذا الزوج المصون رفض الطلاق بحولوكي للمرحلة الي بعدها

4- اذا حكمت المحكمة لصالحك اله حق يستانف خلال مدة شهر يعني بدك اضلك معلقه شهر كامل وحاطه ايديك على قلبك ممكن يستانف ممكن لا واذا استانف كمان بدها شهرين بالمحكمة

5- اذا ربحتي بالاستئناف عنده فرصة ثالثه الي هي الطعن في الحكم وهاي كمان شهر

6- اذا ربحتي الطعن في الحكم عنده المحكمة الاتحادية العليا كمان شهر او اكثر

يعني يدك اضلك سنه لسنتين وانتي تتجرجري بالمحاكم من قاضي لقاضي ومن محكمة لمحكمة تعيد وتزيدي بدك الطلاق كرهتيه ما بدك اياه عشان يوافقوا يطلقوكي

وللعلم الي بدها الخلع لازم تمر بالمراحل 3 الاولى مع التنازل عن كل حقوقها ومؤخرها ولا وترجع المهر اذا السي سيد واقف اصلا (( الخلع لازم بموافقة الزوج))

واذا عجزتي انك تخلعي او تثبتي الضرر الي انتي متضرره منه برجعوكي لعنده زي الغنمه الي مربوطة من رقبتها بالغصب متخيلين!!!

لحالات الضرر 3 : 1- اذا كان يزني لازم تجيبي 4 شهور او تلبس
2- بحالة الضرب لازم تجيبي تقرير من الشرطة انه كسرك ودخلك المستشفى وممكن يموتك
3- بحالة عدم المعاشرة الزوجية لعمر معين ولازم يسير كشف طبي
4- بحالة العقم بعد تقارير طبيه ووعمر زواج لا يقل عن 5 سنين
5- بحالة الامراض المعدية

كل هدا عشان الوحدة تقدر تتخلص من زواج فاشل وزوج لا يمت للرجولة بصله هدفه بس يذل زوجته ويقرف حياتها ويجرجرها سنين بالمحاكم وهو بكون تزوج وبنى اسرة جديدة وصار عنده اطفال

حق الزوج في الطلاق (( مجرد كلمة )) انتي طالق خدي اواعيكي واطلعي للشارع واو شو الامور بسيطة وتافهه

ولا احكيلكم عن حق الشغاله .. الشغالة استقدامها 17 الف ولازم راتب شهري 750 اقل اقل مبلغ وبعد 3 شهور اذا ما عجبها الوضع غصبن عن الكل بتحكي ما بدي يا بترجع لمكتب الاستقدام او بترجع بلدها وحق التذكره بالغصب عليكم

حق الزوجة شغل مثل الخدامه ليل نهار وحسب تقدير الزوج لتعبها ..ممكن يعطيها مصروف وممكن لا حسب تقدير الزوج وكرمه ..لازم مجاملات للي بسوى والي ما بسوى من اهله بس اخلاقه مع اهلها حسب كرمه وما حد اله يحاسبه .. لازم تنجب من اول سنة زواج واذا ما انجبت هي عقيم هي مريضة العيب منها لازم يركض يتزوج عليها .. اذا ضربها لازم تتحمل .. اذا خاتها لازم تتحمل .. اذا اهانها لازم تتحمل .. اذا تزوج عليها لازم تتحمل .. اذا بدها تكمل تعليمها او تشتغل لازم بموافقته .. واذا قررت تنهي حياتها الزوجية لازم تمر بالمحكمة بكل المراحل الي حكيت عنها


يا ترى من وين الغلط؟ مين المجتمع ولا من المراة ولا من الرجل

حسبي الله ونعم الوكيل بس