اكتشفت حقيقة زوجها .. فماذا تفعل ؟؟

بسم الله الرحمن الرحيم
ابي رايكم اخواتي في هالمشكله ......هي تزوجت من سنه بس زواج مبني على غش وحيل
القصه من بدايتها انها كانت ارمله وهي في عز الشباب ولانها كانت بوضع ما يعلمه الا الله اتفق بعض من اهلها وصديقتها المقربه جدا عليهاان يقنعوها برجل عاقل وله تجربة زواج سابق وليس له اولاد ولكنه رجل اعمال ودائما مشغول وله سفريات تخص العمل كانت متردده في بداية الامر بس بسرعه وافقت لانها تبي الفكه من اخيها وضغطه الدائم عليها المهم تزوجت وبعد فتره اكتشفت رجل الاعمال انه لارجل اعمال ولايحزنون السفريات اللي كان يسافرها بين فتره وفتره كانت زوجته واولاده يعني كان متزوج وعنده ولد وبنتين وهو موظف عادي المهم الصدمه كانت قويه عليها ودها تطلب الطلاق لأنها ماتقدر تظلم اولاده ولا زوجته خصوصا انها كلمت زوجته ووضحت لها انها مظلومه في هالزواج وبصراحه الزوجه كانت موراضيه عليها نهائي.هي حاسه بظلم من اهلها ومن صديقتها لان الزوج خال الصديقه وودها تطلب الطلاق بس فيه شي متعبها وهو ان زوجها طيب حيل وياها يعني معاملته حيل حيل زينه ارجوووووووكم شنو النصيحه اللي تقدرون تقدمونها؟..................ادري طولت عليكم
بس اعذروني