السلام عليكم ورحمة الله وبركاته
اخواتي بنات حواء
هذي اول مشاركه لي اعرفكم بنفسي
انا متزوجه من 5 سنوات وعندي بنتين
زوجي يحبني حيل
ومبين غلاي عند اهله والناس كلهم
من 10 شهور بدات المشاكل بيننا نطلع من مشكله بمشكله اخرى
قبل 6 ايام حصلت مشكله بسيطه بيني وبين زوجي
ونزلني عند اهلي وراح للاستراحه ولادق علي ولا دقيت عليه ولا جاء ياخذني
نمت عند اهلي وهو نام بالاستراحه
المهم
جاء من بكرا الظهر دق علي قال اطلعي لحالك خلي البنات
انا عند الباب
تناقشنا بالمشكله وتفاهمنا ورجعني لاهلي وقال انا بروح للاستراحه
اجيكم المغرب
كان يبي يشوف البنات قبل يسافر عنده عمل لمدة شهر
جاء المغرب طلعت انا والبنات معاه بالسياره نتمشى ونقضي بعض اغراض البنات قبل يسافر
وحنا راجعين البيت كان جوالي مافيه شحن اعطاني جواله ادق على الشغاله تطلع تاخذ الاغراض
سبحان الله شوفو كيف ربي فضحه وكشف سره
اخذت جواله الا فيه رساله انا متعوده دايم افتح رسايله وهو عادي عنده
فتحت الرساله الا رقم غريب وصورة بنت
طلعت على طول رحت السجل الا فيه مكالمات من نفس الرقم وجالس معاها بالساعات نفس اليوم اللي نام فيه بالاستراحه
واخر مكالمه كانت قبل يجي ياخذنا سكر منها ودق علي قالي اطلعي
بعد ماشفت الصوره والمكالمات
نزلت الجوال بزعل
قال وش فيك
قلت مافيني شي
وعصب علي قال وش فيك
وطلعت له الصوره اللي بجواله
قال ايش هذي من وين هالرقم مااعرفه>>شوفو الكذب
طلعت للسجل طلعت له مكالماته وقلت وهذي ماتدري بعد
عصب علي وانكر قال مو انا هذا صديقي له يومين يكلم بجوالي>>سبحان الله
قلت تدري انها بنت
قال ايه ادري
انا متاكده انه هو اللي كلمها مو صديقه
صح صديقه راعي بنات ومو متزوج
بس مو مصدقته وشلون صديقه يكلم بجواله
واخر مكالمه كانت قبل يجي ياخذني
يعني كان معاه بالسياره طيب وين اختفى يوم طلعت
المهم السالفه يابنات واضحه وضوح الشمس هو اللي كلمها
بس انكر وحط الغلط علي
يقول انتي مو واثقه فيني وانا اخاف من الله مو منك
نزلنا وسافر ويوم جاء اليوم الثاني دق علي 9 مرات مارديت
وارسل رساله يقول ردي انا مو داق اراضيك بس بقولك كلمتين
دق ورديت قال روحي خوذي اغراضك من الشقه ولا عاد تدقين علي وابي امسح اسمك ورقمك من جوالي
قلت احسن وسكرتها بوجهه
هو يحاول يسوي نفسه برئ وماله دخل بالي صار
واليوم لنا 3 ايام مادق ولا دقيت ولا رسايل ولا شي
والله يابنات من يومها ودموعي ع خدي احس بموت ماتوقعت هالشي منه
وش اسوي انا حاسه بالاهانه يحط راسي براس بنت الشوارع
والله كرهته افكر ننفصل عن بعض مو قادره اشوفه بعد اللي صار
مسح بكرامتي الارض علشانها
حسبي الله عليها الله يبلاها بنفسها
شوفو وشلون خربت بيت دام حبه اكثر من 5 سنوات
انا ودي اعرف هو تركها ولا للحين مستمر معاها
امس اخوي يسالني عنه يقول كل اليوم ادق عليه مقفل قلت ماادري
مع العلم اخوي مايدري بشي ولا احد من اهلي ماقلتلهم شي خايفه السالفه تكبر
انا ماادري كيف اتصرف
اذ دق ارد عليه طيب اطول بالزعل
انا ابي اخذ حقي والله مقهوره
المشكله اذا مادق وهذا اللي انا خايفه منه
مااقول الا حسبي الله عليها
اعذروني الكلام مو مرتب
ابي نصايحكم بنات ساعدوني الله يساعدكم
اكمل:
زوجي دق علي قبل شوي
يعني بعد 4 ايام من المشكله
مـــــارديــت
وبعدها ارسل
لاتستانسين مادقيت علشانك حبيت اعرف اخذتي اغراضك او لا
وش رايكم بنات
قسم بالله حاسه بالاهانه
حسبي الله عليها الله لايوفقها
صفاء انثى @sfaaa_anth
عضوة جديدة
يلزم عليك تسجيل الدخول أولًا لكتابة تعليق.
والله ما اعرف ايش اقلك افكاري شوي متلخبطة فالتزم الصمت احسن ما انصحك بشي غلط
الله يسخرلك زوجك و يريح قلبك
وان شاء الله برجع اساعدك
موفقة
الله يسخرلك زوجك و يريح قلبك
وان شاء الله برجع اساعدك
موفقة
ام شرف
•
ربي يكون بعونك مالك الى ترضي سوي فيها زعلانه كم يوم بس ارجعي ارضي وصدقيه او مثلي انك صدقتيه بعد مايحلفلك ويشهد الله علا كلامه
وياااااااااااااابنت الناس ترا كل الرجال خونه ومن الان بقولك بتشوفي من هالحركات كثييييييييييييييير
تصدقي لما قريت موضصوعك ضحكت قلت مسكينه الله يكون بونها بس هي كذا اول صدمه بعدها شي عادي
لاتبيني انك راضيه بس لاتخربي بيتك استقرار اولادك اهم منه
وياااااااااااااابنت الناس ترا كل الرجال خونه ومن الان بقولك بتشوفي من هالحركات كثييييييييييييييير
تصدقي لما قريت موضصوعك ضحكت قلت مسكينه الله يكون بونها بس هي كذا اول صدمه بعدها شي عادي
لاتبيني انك راضيه بس لاتخربي بيتك استقرار اولادك اهم منه
حافظي على بيتك واذا اعتذر ارجعي يمكن نزوه لانك منتي عنده حب يوسع صدره معها طبعا هذا من الشيطان حاولي ترجعين ولا تكبرين الموضوع الله يسخره لك واكثري الاستغفار الله يفرج همك
الصفحة الأخيرة
الله يهديه
الله يهديه
ويرده لك رد جميل يارب