اكتشفت زوجي يكلم وشوفوا وش سوى فيني

السلام عليكم ورحمة الله
والله اكتب لكم بصدر محرووق من الألم ، والحزن ،
انا لي سنه متزوجة ، ثالث شهر بالزواج اكتشفت زوجي يكلم بنت ، ولمن واجهته ارتبك وقال هذه اعرفها من زمان وماعاد تعني لي شيء. وسوى لها حظر ، وسامحته ووثقت فيه من جديد ، والله حبيته بكل مشاعري وتنازلت عن اشياء كثير عشانه ، بعت كل ذهبي لانه كان محتاج ، تنازلت عن حق من حقوقي عشان وضعه صعب. وقبل فترة اكتشف انه يكلم والاتصالات طول الليل ، انا متأكدة انها نفس البنت اللي قال يعرفها ، واجهته وأنكر هذا الشيء ، وتخيلوا رحت انا بيت أهلي وطنشني ، يعني فوق انه غلطان وخاين مطنشني ومايكلمني ! انا ماني عارفة سبب تطنيشه؟ يمكن يكون ماله وجه مني ؟ أو زعلان مني ؟ أو خلاص كرهني ؟ والله يابنات ماقصرت معاه في الحب ، اعطيته كل شيء ، لكن مشكلتي الحين كيف اتصرف معاه ؟ مايرد على رسايلي ولا كأني موجودة.
فكرت اتطلق منه ، بس ايش اقول لأهلي سبب الطلاق ؟ وانا حامل منه الحين ! وماني عارفة هل الطلاق أرحم من الخيانه ؟
وترى انا حريم اخواني وبنات جماعتنا يكرهوني ولو اتطلقت راح يتكلموا فيني ؟؟
ايش اسوي😭 حسبي الله ونعم الوكيل في كل وحدة تدخل بين زوج وزوجته حسبي الله ونعم الوكيل