اكتشفت في زوجي شيء :"(

السلام عليكم و رحمة الله و بركاته ..
أنا متزوجه من سنتين تقريباً .. عمري 22
و زوجي أكبر مني بعشرة سنين .. و اخته زوجة اخوي
بداية زواجنا كان مره مبين حبه لي .. و بعدها بدأت احس انه خلاص
و كنت اقرا إنه كل المتزوجين كذا .. يعني الحب و الرونسيه في السنه الأولى بس
أنا مره فتحت جوال قديم ليه و لقيت فيه صور وحده :frown: بس ما قلتله .. و بعدها شفت في جوال ثاني رسايل منها انه زوجها اكتشف انها تكلمه و بيوديها عند اهلها :frown::frown: !
و كانت تطلب منه فلوس بس ما واضح اي الهرجه بينهم طنشت و لا سألته و لا جبت له سيره
و هو عمله في مدينة غير اللي عايشين فيها و انا اروح لأهلي كل ما سافر
زوجي من النوع اللي ما يحب احد يقول عنه مقصر يعني الاشياء الضروريه اللي بين كل زوج و زوجته
( الجماع ) ( النفقه ) ...الخ عشان اهلي لا يقولون له شيء و لا اهله
عشان لا يعيبوه شيء بس ! متأكده انه ما يحبني :"(
حملت بعد زواجي بسنه صح فرح بس ما كان يهتم فيا ابدا !
يعني ما حسيت اني انا اعني له شيء نفسيتي من الحمل تعرفون كيف
و مع روحته و جيته تعبت حتى مستشفى كان اي شيء مو مهتم مع انه حالتنا الماديه الحمدلله
برضوا مو مهم لدرجه انه كان فيه محاليل المفروض اخذها قالي لا
و كل يوم مشاكل مع نفسيتي و دايم اقوله الوحم و الحمل متعبني اعذرني و لا يهتم
المهم ليلة ولادتي صارت مشكلة و الفجر ولدت و ارسلتله و لا رد عليا لما عرف ان الهرجه جد
جاء عشان يشوف بنته بس !
انا قبل حملت و سقطت و نفسيتي صارت حالتها حاله و هو يزيدني عشان كذا كل يوم مشكلة
يعني انا عن نفسي اشوف انه من حقي لما يجي هنا يكون معايا و يحسسني اني متزوجه و زيي زي غيري
بس هو يقولي اهلي برضوا لهم حق .. تخيلو من الصباح لحد آخر الليل معاهم
و انا يجيني ف الليل بس لو حابب ( يجامعني ) !
غير كذا يرجع و ينام و يعدي يوم كامل من غير حضن أو بوسه أو كلمه حلوه
و ما يحب يقولي اي شي عنه و هذا كله يدل على عدم حبه لي ...
الشيء اللي اكتشفته فيه و انصدمت و أحس اني مو طايقته من جد
انه مرسل لصاحبه رجال يعني ( مشتاق لك و ابغى انزل ياليت صوتك يريحني ) !!!
هنا أنا خلاص يومها جلست ابكي و فكرت مليون مررره وقتها و فكرت ببنتي كثير
و المشكلة الرسالة وقت نفاسي ! و انا كنت اناديه ينام عند أهلي و كل ما جاء نزلت له اعذروني على الكلام بس عشان تعرفون قد ايش انا ما قصرت معاه
ليش يدور عند غير المشكلة اني اقوله محتاجه كلامك يقولي انا متضايق من الدوام
و في النهاية الاقيه مرسل لرجال كلام حب و انا طنشني !!
واجتهه بالرسالة و أنكر و قال انه زي أخوه و عادي مرسسله كلام غزل !
قلي صح اني مزودها بس هو يغار من اصحابي و ما يحب الا نخرج لحالنا
انا قلتله انه ما توقعت منك و من جد تأكدت انك ما تحبني و بس حاسس اني شيء واجب عليك انه تهتم فيه بس حب مافي حتى احياناً اطلب اشياء ف الفراش يقولي لا !!
و لما واجهته وجهه تغير و صار بس يسأل ايشبك و فين بتروحي و يعيد و يزيد انه مجرد صديق
مع انه مشاكلنا اللي قبل كنت ازعل يوم يومين و لا يهتم انا اللي اجيه !
انا صراحة عشان بنتي و حاسه انه ندم قلتله بنسى و احاول اني انسى و ما عاد ابغى اسمع اسم صاحبك ذا !!
بس من جوه كل يوم اتألم ايش اسوي !! ساعدوني