السلام عليكم
طرى على بالي الاموات من قرايبي المقربين جدا ونزلت دموعي على ايامهم حنييييت واشتقت لهم كنت ادرس بالابتدائي ويجي ابوي ياخذني من المدرسه ونمر نسلم على جدتي الله يرحمها باايام الشتاء واذا دخلت من باب بيتها اشم ريحة دفاية القاز وريحة غداها على النار وتحط لي صحن اتغدا تدري اني طالعه من المدرسه جوعانه 💔😭 واروح لبيت اهلي القى امي مسويتلي الاكل اللي احبه وتسالني وش سويت بالمدرسه وانا اسولف عليها عن صديقاتي واضحك ومبسوطه وانام مرتاحه لاهم ولاغم ولاتفكير ..وحنيت لايام رمضان كنت ادخل بيتنا وبسرعه افتح التلفزيون على بابا فرحان واطالعه بمريولي وريحة الشوربه واللقيمات والبيتزا والفطاير بالبيت كله 😔 الله يازينها ايام ..كنت اروح مع امي لتراويح نصلي ونرجع على رجولنا ببالي اشيا كثيره جميله راحت للاسف وصرنا الان مسؤلين عن بيت وزوج وعيال وش اكثر شي يابنات تتذكرونه وودكم يرجع تذكرون المروحه اللي فيها لمبات والمكيف الشباك اللي له صوت ونومة السطوح 💔 جمعات الاهل والاخوان بمكان واحد سواليفنا واكلنا على سفره وحده مااحد ينقص كلنا نجتمع مافيه احد بيده جوال يشغله كنا ننادي بعض تعال جا المسلسل الفلاني تعال جا سباق المشاهدين 😭 ايااااام
•°جورجيو ارماني°• @gorgyo_armany_2
محررة فضية
يلزم عليك تسجيل الدخول أولًا لكتابة تعليق.
عآشقة..
•
نفسك .. اشتقت ب رمضان عند اهلي .. و للدراسة ايام رمضان لما كنت اجي و على طول افتح بابا فرحان ثم يجي بعده المسلسل هذاك اللي فيه مناحي و مرمر زماني بالباص حقهم .. اشتقت اشتقت ل مهلبية امي لما كانت تصبها ب الاكواب و اللي يبقى بالقدر تعطينياه .. اششششتتتتتقققققت للمدرسة و الدراسة .. اشتقت لمعلماتي و للخالات .. خالات المدرسة من نفس جماعتي عشان كذا اشتقت لهم💔 .. اشتقت لصحباتي ايام الدراسة.. اشتقت لروتين نومي زمان .. اشتقت ب امي و عمي زوج امي 🥺😭
ماتبكين على غالي يارب..وجعل ذكرياتك كلها سعاده. كلنا نحن ونشتاااق وفيه أشياء معينه تلقينها متصدره ذكرياتنا💔 انا ما أنسى زواج اخوي الكبير بكلللللل تفاصيله رغم اني كنت بالأبتدائي . كنا وقتها ساكنين الطايف وسافرناللرياض عشان الزواج هناك. وسافروا معنا عماني. والله اني اتذكر حتى وقفات الطريق وحتى وش أكلنا.. بالرغم من اني ناسيه احداث كثيره بعدها. بس الحدث هذا من سافرنا لين رجعنا لازال يتمثل أمامي داااايم. أثرتي الحنين يا جوجو💔ماتبكين على غالي يارب..وجعل ذكرياتك كلها سعاده. كلنا نحن ونشتاااق وفيه أشياء معينه تلقينها...
وانا اقرا كلامك شميت ريحة رز عروس اول الله عليه كانت السفره تنحط بالارض ببسي وسفن وميرندا وصحون فواكه كبار ورز اصفر مكشخينه مع لحم وناكل ونشبع 😍😍😍 الحين بوفيهات ونعم كثيره والناس ماتاكل عشان لايقولون مشفوحه وبطاولات متفرقه تغيرت الدنيا الحين حتى مانجتمع ونخاف من الناس بسبب كرونا صدق الدنيا ماتدوم على حال
عآشقة.. :
نفسك .. اشتقت ب رمضان عند اهلي .. و للدراسة ايام رمضان لما كنت اجي و على طول افتح بابا فرحان ثم يجي بعده المسلسل هذاك اللي فيه مناحي و مرمر زماني بالباص حقهم .. اشتقت اشتقت ل مهلبية امي لما كانت تصبها ب الاكواب و اللي يبقى بالقدر تعطينياه .. اششششتتتتتقققققت للمدرسة و الدراسة .. اشتقت لمعلماتي و للخالات .. خالات المدرسة من نفس جماعتي عشان كذا اشتقت لهم💔 .. اشتقت لصحباتي ايام الدراسة.. اشتقت لروتين نومي زمان .. اشتقت ب امي و عمي زوج امي 🥺😭نفسك .. اشتقت ب رمضان عند اهلي .. و للدراسة ايام رمضان لما كنت اجي و على طول افتح بابا فرحان ثم...
بابا فرحان وهذيك الفوازير اللي فيها البنت الكشخه ابهار الالمعي كنت اشوفها افخم الفخمات واقلدها الله يازينها ايام
الصفحة الأخيرة
كلنا نحن ونشتاااق وفيه أشياء معينه تلقينها متصدره ذكرياتنا💔
انا ما أنسى زواج اخوي الكبير بكلللللل تفاصيله رغم اني كنت بالأبتدائي .
كنا وقتها ساكنين الطايف وسافرناللرياض عشان الزواج هناك. وسافروا معنا عماني.
والله اني اتذكر حتى وقفات الطريق وحتى وش أكلنا.. بالرغم من اني ناسيه احداث كثيره بعدها. بس الحدث هذا من سافرنا لين رجعنا لازال يتمثل أمامي داااايم.
أثرتي الحنين يا جوجو💔