(المعرف مشترك بين اخواتي )


حزنتني كثير من الردود والله انها تحكي حالي احيانا .. واللي تقول لا كسبت من الطلاق لا ذي ولا ذي .. اقولها احمدي ربك قدامك مستقبل كل شي من ربي هديه وهبه لله الحمد بس المطلقة اللي معها طفل تفرق عن اللي بدون !! بالنسبه لي تقدم لي اشخاص بعد معرفتهم بوجود طفلي معي تراجعوا !!!
كم كنت اتمنى اخذ حبوب ... بس كان يمنعني وانا اسمع الكلام زي البقرة اقول ما بعصي زوجي لان يمكن لو اخذت حبوب تلعني الملائكه ما اقول الا الله يلعنه في الدنيا والاخره مثل ما ظلمني شبع مني وطيح اللي براسه ومو قادر يتحمل المسئؤليه من اول خناقه طلق
!! ولمن اعتذرت له مايبي صلح ولا صفح ليه لانه ؟ ماهو بكفو ...
والله وبلله وتالله انه ما يسأل حتى عن ولده انا اللي اصرف عليه والبسه واشربه واككله وهو لاهي بالدنيا وباللعب والبلوت ... وحسبي الله ونعم الوكيل فيه وفي اهله اللي زوجووه لجل يعقل وانا اللي اكلتها وغيري كثير من بنات الناس يحسبونهم لعبه .... ايييه ... تذكرت لمن كنت اقول لأبوي ايام الملكه يبه ما ابيه ماني مرتاحة له وابكي وارسله مسجات ماكان يجبرني عليه بس كان يقنعني انه صح وما الومه ماكان يدري عن المستخبي يقول انتي مدلعه .. وامي تقول انتي مدلعه وش تبين يعني حب وغرام وهدايآآ ... وشوفي اللحين كيف نادمين اهلي ابوي بكبره بكى قال ليتني سمعت كلامك ... يا بنتي .. وعموما نصيب ,,, وعلى قول البنات نصيبك محد بياخذه غيرك بس تمر عليك لحظات تنقهرين ودك الزمن يعود وتغيريين بعض التفاصيل اللي حدثت لك ...
انا احب ولدي واموت فيه ... بس ودي اني اخذت حبوب ليش .؟؟ نفسي ما ارتبط في ابوه بأي شكل ولا يكون بيينا اي صله ... ولا ابيه يكون ابو لولدي ... الله حسيبه وكل ظالم

الله قادر يعوض كل وحده ..الحمدلله ع كل حال

بنات تفائلوا بالخير تجدووه
انا مطلقه بدون اولاد وماندمت عليه ولا لحظه
ولو انعاد الزمن كان تطلقت مره ثانيه
ومتفائله جدا جدا بالمستقبل واني بتزوج واحد ع مواصفاتي

والاهم ماتخلي ولا شخص يجرحك والا يهر ثقتك حتى لو اقرب قريب

نرجع لموضوعنا

انا اللي فقدته شي واحد فقط مررره فقدته


الاحم احم << اتمنى فهمتوه

مشكلتنا أحنا البشر نستعجل رزقنا
الله أنعم علينا بنعم كثيرة لو لا سمح الله فقدناها بننشغل ونعرف قيمتها مثاال الصحة نعمة الوالدين عايشين نعمة غيركم يبكي دم على أبو أو أم غاليين عليه
الرجال جزء من كل جزء من حياتك مش كل حياتك طبعا المستقبل يعلمه الله فقط احنا علينا نعيش الحاضر ونستمتع فيه بس ولنفسك عليك حق وتذكروا أن الله سبحانه وتعالى قدر لك رزق ما بتخرجي من الدنيا الا مستوفيته ان كان بزواج أو وظيفة

السعادة بالقناعة والرضا بحكمة الله

ها الي اكتشفته فلا تتعبوا أنفسكم بالتفكيرر بالمستقبل عيشوا الحاضر الله يتكفل بالمستقبل

لآآ ,,, لآآ
مو معقول ه الردود ..
ومو معقول اكثر من تكلمت بصيغة الجمع .. وعممت م تحسه على غيرها هداني واياها المولى ؛

بعدين مثل ه المواضيع م اراها الا تزيد من احباط من تعاني من عدم ثقه بنفسها ؛
وتزيد كمية الاحباط عندهم ؛

وتصور المنفصلات بانهم ضحايا الحياة ومنهزمات مفلسات .. عديمات الفائده ؛

اول شئ الموضوع اقل مما اراه ف هذا المنتدى ؛
الطلاق قدر مثله مثل اي قدر كتب ع الانسان ؛

مثله مثل المرض .. خسارة تجاره .. اخفاق ف امر معين .. مشكله تنتهي بحل باذن الله ؛
ليش تصورنه بصورة ملك الموت . او مثل النفخ ف الصور !

لماتمرضوا تتوقف الحياه وم تتوقعون الشفاء ؟!
لما تعاني من خساره ف تجاره .. تعتزلين الكون وم تتوقعي الحل والعوض مستقبلا !
لما تفارقي اعز صديقه بعد جرح والم .. تضربي عن الاكل والشرب وتكره تلبسي وتتحممي !


الانفصال قدر ظاهره الالم .. باطنه الرحمه والفرج والعوض ؛
تعلمنا وانفطرنا على ان كل اقدار الله خير ..

عمركم شفتوا مواضيع تحمل مسمى ماذا فقدتي بعد مرضك .. او خسارتك .. ّ!!

سموا الامور بمسمياتها رجآإء

الشئ الثاني واللي صدمني كمية السلبيه من بعض الاخوات وللاسف تكلمت بصيغة الجمع ووالله انها اخطات غفر الله لها ؛
فليست كل منفصله مكسوره مهزومه .. ترى الحياه انتهت !

بعد الانفصال الكثير والكثير وبكلامهم .. شافت الحياه الكريمه .. الراحه النفسيه .. راحة البال عزة النفس وكبريائها اللي فقدتها مع ذكر عديم الرجوله ؛
انفصال البعض عطاها فرصه لتكرر التجربه مع من يستحق .. وعطاها مساحه تعالج فيها اخفاقاتها ب التجربه الاولى وتتعلم منها ؛
عطاها فرصه م تستعجل ب الارتباط الا بشخص يكون مناسب لها وتفخر فيه يكون اب لاطفالها

كثير زادت ثقتهم .. جمالهم .. اناقتهم .. روحهم الحلوة .. بعد الخلاص من الالم والتهيؤ لحياة جميله مع شخص رائع ؛
واكرر شخص رائع يستحق ؛

الاغلب سارت اكثر حكمة وتروي .. واكثر خبره ف التعامل مع الجنس الاخر . وفهم الحياه اكثر ؛
اكثرهم .. عطاها الخالق فرصه وحسن ظن به وتقاؤل .. للدخول ف حياة جميله سعيده تعيش فيها معنى الزواج والحب الحلال مع ششخص يستحق ؛

بليز لاتعطوا صورة للمجتمع غير صحيحه وكونوا محسنين الظن ب الله .. شاكرين فضله .. منطلقين بحب وتفاؤل لمن يستحق ~

كونوا ب خير ؛