اكثر من طلب ياخبيرات التجميل عن كريم الاساس والشمس

شو اخباركم بنات
بصراحة ترددت كثير احط استفساراتي لاني تعقدت ....
بقولكم وش عندي

طبعا كانت بشرتي لاهي دهنية ولاهي جافة وسط تنفع عليها كل شي ولاكنت استخدم فيها اي شي كيماوي الا في يوم قررت اني اهتم فيها لاني ربيعاتي يهتمون ببشرتهم زين ففشلة انا ما اهتم ولاشي مع انها ماكانت تحتاج ذاك الزود ورحت لكوفيرة مدحوها لي
عطتني ماسكات بعدها تحولت بشرتي الى جافة جافة جافة
بصراحة وانا ماتعودت احط كريمات عليها وحاولت اهتم واحط كريمات بس هل تنفع ؟؟؟
بس مو هنا مشكلتي ادري طولت عليكم بس المشكلة بكريم الاساس اللي لما احطة يبدا وجهي يتقشر ويكون شكلة كانة قطو من التقشير
قالولي حطي قبل الكريم الاساس كريم مرطب اشتريت اغلي الانواع من الكريمات تعرفون كلن يمدح سوقة وماتدرون وش الصادق وانا مشكلة بشرتي حساااااااااااااااااسة وايد ولا ادري وش اسوي
وتعرفون الاجازه اللحين والزواجات والروحة والجية فشلة وش اسوي انتم خبيرات قولولي وش هي الانواع الكويسة لمثل حالتي
غير ان الشمس طاقة وجهي طق من بعد الجامعة الله لايوريكم صرت كني ...المهم ماعلينا
الحين ثقلت عليكم بس ابي منكم كريم اساس يناسبني تنصحوني فية و ش اسوي بالسمار اللي بعد الشمس طق وجهي وجزء من يديني صارت مرقعة
وسلامتكم