اكثر من مره احاول الانتحار !!

السلام عليكم يابنات


والله الكلام اللي بالعنوان جد للاسف .. انا عارفه ان اللي ينتحر بالنار لكن الشيطان احيانا يلعب علينا بالوساوس


والله اني قمت من فراشي على هنا على طول .. لازم افضفض اتكلم عجزت اكتم واكتم


انا بقولكم القصه باختصار


انا عمري باواخر العشرينات وماتزوجت ولاحتى انخطبت والحمد لله لا اعتراض لكن !! من يفهم امي .. امي مدلعتني اخر دلال

لكن ماتعرف تتعامل معاي ابدااااااا

تعالجت فتره طويله من الاكتئاب ومرت علي اوقات بين الحياه والموت والسبب سوء التعامل

بيت كبير عريض مافي الا انا وامي وابوي .. امي وابوي يبغوني زيهم اصحى بدري انام بدري مايبغوني امارس اي هوايه من هواياتي

اسلوب التعامل عدددددم اسلوب امر ونهي وبس ..امي ماتحفظ لي سر للاسف

يمكن مو فاهمين شئ من كلامي ولاعارفين وش المشكله بالضبط لكن من كثر ماجالي مشاكل مدري وش اكتب وش اخلي


اولا: يبغوني زيهم بكل شئ اهتمامات ولبس واكل وكل شئ بالحياه كل شئ يخطر على بالكم


مستحيل امي تفهم علي مستحيل تريحني حتى لو اتعب او امرض ما يعرفون اهلي يعبرون عن مشاعرهم ولايعرفون يتعاملون


دمروني ودمروا نفسيتي


الدكتور قال لاخوي اختك تعبانه لان الاجواء اللي حوالينها هي اللي تسبب مرضها


تخيلوا حتى الملابس الداخليه تبغاني البس زيها


صرت اشتري كل شئ من وراها مستحيل اشاورها بلبس لاني اعرف رده فعلها


لما تروح معي لسوق تشوف لهفتي وفرحتي باللي اشتري لازم تحطمني وتكسر بخاطري


لاتقولون تفاهمي معاها لان تفكيرها غيرررررررر تفكيركم


خليت اختي تتفاهم معاها وتقولها كل اللي بخاطري ومافي اي فايده


..


طبعا المشكله اللي صارت لي اليومين هذي انها تبغاني اغير نظام النوم تبعي لانه مو عاجبها انام لين الظهر تبغاني من 9 اصحى

قلت ابشري بحاول


وصار لي 3 ايام وانا في هم وضيقه مايعلم بها الا الله .. انا من وانا صغيره احب اسهر وطبعي حتى في المدرسه كذا كيف لما اكون متخرجه وبدون وظيفه


اللي ماتعرفون اني كثير كثير حاولت اعدل نظام نومي وما اقدر


اللي حصل اليوم انها تحرصني من الصبح على اساس اقوم بدري بكرى وانا ان شاء الله يمه


طلعت السوق واول ما ادخله تجي لي دوخه وامسك ابوي واطلع


نفسيتي تعبانه جدااا


حتى وانا مواصله ماقدر انام

قلبي يضرب بقووة وافكر افكار سوداويه

من الساعه 10 وانا على الفراش بنام واحس اخر شئ بنجن


ماقدر انام بها الطريقه والاجواء

اذا الواحد ماحس براحه مع اهله وفي بيته مع مين يحس ؟؟


لاصديقات لا اخوات لا زواج لا وظيفه ,, والاهم لا اهل متفهمين


اقراء قران كل ما اصيب بحاله قلق وادعي اتزوج مع اني ورب البيت اكره اجواء الزواج لكن ابي اطلع من هالاجواء


نسيت اقولكم ان امي وابوي كثير يتمشكلون قدامي ويتهاوشون ومايراعون مشاعري ابدا


احيانا احس انهم انانيين واحيانا اقول الله يختار لي الخيره المباركه ويرفع روحي للسماء اذا كانت الحياه هناك اجمل



دعواتكم بظهر الغيب