اكثر موقف محرج مر عليكي بالمستشفى يلا ادخلوا واكتبوا مواقفكم المحرجة

يلا كلكم اكتبوا مواقفكم المحرجة بالمستشفى وخلونا نضحك شويه وابغى تفاعل منكم




انا ببدأ بسم الله

مره من المرارير جاتني ..........الله يكرمكم وتعرفون كيف المها ................. وانا ذاك اليوم كان الالم قوي مرررررررره وما كنت امي موجوده قلت بجاهد واستحمل والله وشوي زاد الالم وماكان موجود بالبيت غير انا واخواني وابوي انا كنت بغرفتي منسدحه واخواني وابوي بالصاله وانا ماهي بعادتي اجلس طول اليوم بغرفتي وابوي قام يطل علي يحسب فيني شي وجاء عند راسي وحط يده على جبهتي بيشوف انا مصخنه ولا فيني شي وانا اون من كثر الالم يقولي وشفيك توينين وانا ساكته وماارد كان يقول مافيك حراره وانا ماسكه بطني قالي بطنك تعووورك وانا ما ارد قلي انطقي يابنت الحلال ومافي فايده وراح يصلي ورجع وانا كل مال الالم يزيد وانتبهلي كل شوي روحه وجيه عالحمام وقام جاء سألني فيك مغص وانا ماسكه الصمت طيب فييك اسهال وانا ساكته قام خرج وخلي باب الغرفة مفتوح كل شوي يقوم يطل علي من طرف الباب والالم يزيد ويجي ويعصب علي وهاتك ياتهزئ انطقي وش فييك وانا ساكته قام صرررخ علي قومي اوديك المستشفى وخرج يشغل السياره وانا ماتحركت شافني مانزلت طلع وقلي لو ماقمتي والله لا اخلي اخوانك يشيولك بالغصب وقمت ولبست عباتي وخرجت ورحنا الطوارئ وكان المناوب دكتور يجي ويسأل متى اخر مره جاتك الدوره واخواني وابوي واقفين وانا ماارد ويرجع يكرر السؤال والدكتور خبل يقول لابوي اسألها متى جاتها الدورة يمكن تستحي وطلع الدكتور ويجي اخوي من جنب وابوي من جنب ويسألني متى جاتك وانا هاتك يابكى ويقولي ماقلنا شيء بس سألناك ومافي فايده واخر شيء الدكتور خلاهم يطلعوا كلهم برا وطلع معاهم وجاتني ممرضه سعويه وتتحايل فيني قولي قولي والله انها طيبه واخر شيء فضفضت لها وانا ابكي وحنت علي وراحت قالت للدكتور عن كل شيء وبعدين دخل ابوي واخواني يبتسمون والدكتور اداني ابره ومغذي ورجعنا البيت وطول الوقت ابوي واخواني يطقطوا عليا ويتريقوا يقولوا لها ساعة ماهي راضيه تهرج اثر الدوره تسوي في الواحد كذا وبسسسس هذا موقفي يلا استنى مواقفكم : هاهاها:: هاهاها:: هاهاها: