اكرهه زوجي ليه حظي كذا

السلا عليكم
بنات قسم بالله كرهت زوجي
وكرهت نفسي
وكرهت حياتي
وكرهت كل شي اتمنى اموت وارتاح
بنات
تعرفون كيف عايشه انا
تعرفين اللي وجودك وعدمه واحد؟
تعرفين اللي ابد ماعجبتيه لابشكل ولا باسلوب؟
انا يابنات جدا جدا عاديه واذا مره تزينت
وحطيت مكياج صرت هاه مملوحه
لاكن جمال مافيني وهذا اللي كاسرني كسر
قسم اني اذا شفت بنات جميلات اتنح
ويجي ببالي زوجي واقول ياحظهم لو عندي
مثل جمالهم ماتجرا يخونني
ماتجرا يقول انا شايف بنات اشكال والوان وحلوات
ماتجرا يجرحني بشكلي
والله احيانا اقول يارب ليه مارزقتني الشكل
الجميل بعدين استغفر
عاديه انا يابنات وحتى اشين خواتي
ربي مارزقني شي لاجمال ولا دراسه ولا رجل مثل الناس
حتى اعرف بنات شينات ورجالهم مايشوفون غيرهم
انا مو شايفني اصلا
مو معتبرني بنت
ولله سنه كامله وانا اشتغل واحاول بنفسي
بس خلاص شكلي كذا اركب راس جديد يعني؟؟
لدرجه فيه برجلي جرح يوم كنت صغيره
والجرح كبير تقريبا طوله ٥ سم وعرضه٤ سم
وبارز شوي امي الله يهديها لما اجرحتني
قزازه بذاك الوقت صارت هي تعالجني ولما
شافت الًوضع صار زفت ودتني للمستشفى
وخانقها الدكتور قال كنت بتسمم ورفض يخيطه
لانه احتمال فيه جراثيم وصرت كل يوم اعقمه عندهم
وترك ندبه كبيره والى يومكم زوجي يتمسكر على رجلي
لدرجه يقول اقرفتيني لاتلبسين قصير!!
غطي جرحك!!
لو تشوفين رجول البنات !!
لو تشوفين اللي شفت قبل اتزوجك!!
وانا اموت باليوم الف مره
مادري ليه ربي مو موفقني يابنات ولا شي
يعني اللي مو حلوه تكون شاطره بدراستها وعندها
وظيفه او ماعندها وظيفه بس عندها رجل طاير فيها
واللي حلوه يكفي نظرات الناس لها
والله يابنات مره فتحت سنابه
حصلت بنات يرسلون صورهم له
ايش جمال ايش مزازه
ماعرف هو بسبب الفلاتر االي يحطون
او كيلو المكياج اللي حاطين بوجيههم
بس اشكالهم انا وانا بنت صرت اعيد المقطع
عشرين مره واتامل الاشكال
انا عندي ايمان قوي ان الحب مو على الشكل
لاكن زوجي يهمه الجمال لدرجه يقول
كنت اسافر برا قبل اتزوج واشوف الروسيات
ودي احطها بس قدامي واتاملها مالمسها
اكتشفت زوجي نقطة ضعفه الجمال
فيه حب للحريم بشكل فضيع
لدرجه يسال اخته قدامي يقول
بنت جيراننا فلانه شكلها يهوس بالعبايه
عاد زمان لما كانت تلعب معنا شينه؟؟
اتمنى اشوف شكلها كيف صار الحين
والله اني اعرف بنات ماطقهم الحلا
بس ماشاء الله ماشاء الله ربي مسخر لهم رجالهم
لدرجه مايشوفون الحريم شي وهم بكفه
والناس بكفه ومره سالتها باستهبال كيف معلقه
زوجك كذا فيك؟؟والله قالت لي بالحرف الواحد
انا وخواتي كلنا ترا نفس الشي رجالنا تسخير من الله
يمكن بتقولون ارجعي لاهلك
ماعندي اهل الا ابو ومرت ابو ماصدقو يزوجوني
وابوي قالي بالحرف الواحد امسكي بيتك
ماني مسول عنك
خواتي كل وحده بمذينه ولاهيه مع روجها
هو مايضربني ولا بخيل معي وياليت يضربني
و بخيل بس مايخوووون مايخوووون يابنات
اكثر شي صعب ع الحرمه الخيانه ولا كل شي يهون
انا اللي قاهرني ليه كل همه الشكل الشكل
فيه شي اسمه مشاعر اهتمام حب وفاء
لا اعتقد شايلهم من قاموسه