اكرهه من أول زواجي .. وأبي أتطلق ..

السلام عليكم ورحمة الله
كيفكم ؟
خواتي أنا فمشكلة تعبتني كثير وخلاص ما اقدر اتحمل اكثر من كذا ..
بأعرض المشكلة لكم وأنا كلي امل انكم تساعدوني .. وتشورون علي .. او تطمنوني اذا كان فيه حل لها

المشكلة
اني من تزوجت من ثالث يوم تحديداً حسيت بضيقة وبكاء .. لكن عادي ما اهتميت .. وهالضيقة كانت تزيد يوم عن يوم ، ابكي وضايق صدري و كل يوم يزيد كرهي لزوجي اكثر .. وكنت اقول لنفسي عادي يمكن لاني اول مرة ابعد عن اهلي .. يمكن كل البنات كذا .. وما اهتميت كثير .. لكن الوضع كل ماله ويزداد سوء . وكنت ابي ارجع لاهلي لكن كنت اقول لنفسي يمكن فترة وتعدي لين اتعود عليه ، وكنت بعد ما ابي امي تتضايق .
المهم صبرت وبعد شهر العسل رجعت لبيت اهلي منهارة ما اقدر ارجع له ومتضايقة جداً .. جلست عند اهلي فترة اقرأ وارقي نفسي .. وبعد كم اسبوع رجعت لبيتي ورجعت لي الحالة .. وصرت ما اقدر اقعد عنده اكثر من يومين او ثلاث ايام وطوال هالفترة كنت اروح لمشايخ او يجون البيت ، اللي يقول عين واللي يقول حسد واللي قالي سحر .
طبعاً صار لي اللحين سنة وانا على هالحالة .. والان أعالج عند اخصائية نفسية .. لكن الى الان ما فيه شي جديد !! وأنا مليت .. مليت .. اهملت نفسي .. ودراستي .. ونحفت كثيييير .. ووقتي كله بكآء وحزن وضيقة .
وهو كل مالي واكرهه .. اكره شكله .. كلامه .. اسلوبه .. ريحته .. اقسم بالله اني حتى اهله اللي مالهم ذنب كرهتهم .

ملاحظة ..
قبل زواجي بشهرين كان يطلع فيني دمامل بشكل مو طبيعي في المناطق الحساسة ، والفخذين ، لدرجة اني ما اعرف اقعد ولا امشي اذا التهبت وكنت ما اداوم ، والله انها تطلع فيني حوالي عشرة في الشهر الواحد .
واول اسبوع من الزواج كل جسمي شب حساسية وحبوب فجأة .
ثم صارت تطلع لي زي " لدمات مدري كدمات " سوداء في الفخذين والساقين والى الان تطلع لي .

انا الآن خلاص كاااارهه زوجي ، معاد اطيقه ، اشوف ابليس ولا اشوفه .. وافكر اتطلق اريحه واريح نفسي ، علماً بانه انسان كويس وما عمره اذاني بكلمة او فعل .
عشان كذا ابيه يرتاح وابي ارتاح .
صار لي سنة ما بقى شيء ما جربته ، ما بقى شيخ ما رحت له ..
ولا تدلوني علئ مشايخ لاني ملييييت .. ويكفيني اني ارقى نفسي بنفسي .

وش رايكم + دعواتكم