بسم الله الرحمن الرحيم
شلونكم يابعد قلبي انتم وبس الله لايحرمني منكم لولا الله ثم انتم وش كان بيصير فيني؟؟؟؟
هبل فيني هالرجال وعدني يوديني ازين ضرسي ولا وفا بوعده وعدني يوديني لابوي برياض اغير جو واسير عليه وبعدين قالي مب الحين نروح خليها بالعطله
وعدني يطلعني اليوم للسوق والا للمزروع ماطلعني ياناس ودي اشوف الناس تجي وتروح قدامي ودي اشم هوا ربي ماغير بهالحجره الصغيره انا وعيالي والصاله للمرور صغيره ماحطينا فيها مكيف ولا اثاث الا مكيت ودولاب العيال من الضيق حطيناه بصاله وهو اصلا مايبيني اجلس بصاله عشان صوتي مايطلع عند اهله وعشان اخوه جنبنا مايبي صوتي ينسمع وماغير جالسه بغرفة التلفزيون انا وعيالي وان غيرت رحت للمجلس مافيه تلفزيون ولا احب اجلس فيه واذا جا ماغير ينام والا يدور اكل ياكله صار همه الاكل والنوم والشغل اعوذ بالله
مايبي اخته الي تحت تجي عندي ومايبي عيالي ينزلون يلعبون مع عيالهم يبيهم بهالشقه محجورين وان قلت طلعنا ماطلعنا وش اسوي ياعالم مليييييييت قبل شوي ماغير اطل من دريشة المجلس ودي اشوف الشارع والناس ودي اشوف برا يارب ترحم حالي
ونا اكرهه مره مره بس عايشه خوفا من كلمة مطلقه وعشان عيالي مايتشتتون والاهم من هذا ان مالي بيت اروح له اهلي كلن مستقل ببيته وماخذ حريته :icon33:
وش اسوي ياناس حتى السطح لازم استاذن منه قبل لاروح له تدروني يابنات خل اروح بس الحين وادق استاذن منه اني اروح للسطح وتقهوا انا وعيالي الثنين فوق بس غبار ياربيه واخاف احد يجيني فوق مثلا اخوه او اي احد
ودي احد يضمني ودي احد يحتويني ودي احد يسولف معي ودي احس بوجودي احس اني اسيره تحت جناح هالرجال لا اقدر ادخل ولا اطلع تخيلو مره رحت انا واخته للبقاله على رجلينا ولاعلمته خفت منه لا يرفض واستصغرت فعلي بس علمه شخص شافنا بس مدري هم اهله والا مين ودق علي يتوعد ويهاوش وشوله تطلعين بغيت اموت من الخوف لما سويت نفسي قويه وهددته بخوي وانا ادري اخوي بيوقف معه بس كذا اسوي نفسي قويه عشان مايضربني احس اني تزوجت للاسر
بنات يرحم ام ام ام ام امكم شوفو لي حل وش اسوي ودي اتهنا بعمري ماحد ماخذ منها شي عيالي من الطفش حاطه حرتي فيهم وبنفس الوقت راحمتهم انهم ماطلعو لبرا يارب رحمتك بعبدتك يارب
شورور علي ياخواتي وش اسوي تكفون دبروني ودي اتطلق بس اخاف يجيني اشد منه واخاف من الطلاق وعدم الاستقرار والسكن
افرجها يارب علي وعلى كل مسلم انت وحدك اعلم بحالي:icon33:
ودي اصيح بس لا لا بمسك نفسي واصير اقوى مابي استضعف ابد ابد:44:
كم مره اقوله جب العاب لعيالك خلهم يستانسون وماجاب الله يعوضني واياهم يارب يارب يارب يارب
فلانه الفلاني 2 @flanh_alflany_2
عضوة نشيطة
يلزم عليك تسجيل الدخول أولًا لكتابة تعليق.
أم ضــــي
•
الله يعينك والله مدري شقولك؟؟
والله ما أدري اش أقولك أختي بس ما حبيت أخرج من الموضوع من دون على الاقل ماأدعيلك
يارب فرج همك عاجلا غير آجل ويسخر زوجك لك ياااااااااارب
يارب فرج همك عاجلا غير آجل ويسخر زوجك لك ياااااااااارب
الصفحة الأخيرة