ربي يصبرك حبيبت قلبي

السلام عليكم اختي
شوفي بقولك شغلة،مافي احد في الدنيا يحب الانسان كثر والديه واخوانه مهما عملو معه،وطبعا انا حاسه فيك ومقدرة ظرفك بس اوقات نكون بين امرين كل واحد اصعب من الثاني،،يانخسر بر الوالد وطاعته وهو احد ابواب الجنة،يانخسر الاشياء اللي نحبها ومانقدر نحصل عليها بسببه،واذا تبغين نصيحتي ربح الاخرة برضى الوالد اهم بكثير من رضى انفسنا،طبعا الموضوع ماهو سهل ولاابغي اقفلها بوجهك لا.
بس ربنا يبتلي الانسان علشان يرفع مكانته او يكفر ذنوبه والابتلاء بالوالدين صعب ومايحتمله الا الانسان البار،اكيد صعبه عليك وعلى اي بنت الامور اللي ذكرتيها بس ماباليد حيلة،كل اللي تقدرين عليه انك تحاولي معه باللطف واللين،واذا مارضى خلاص ورجاء حبيبتي لاتكرهينه ولاتدعين عليه،دايما ادعي له بالهداية وان ربنا يطول في عمره ويخليه لكم،ترى الوالد سقف البيت والاخوان جدرانه والام كل الدفا والحب والحنان.
غاليتي تنبيه اخير لاتتكلمي بالسوء على والدك عند احد لان بكره بيتكلمون عليه قدامك ولابتقدرين تسوين شي لانك بنفسك تتكلمين عليه.
ربنا يفرجها عليكم ويحنن قلب الوالد ويبعد عنكم الشر.

اطلعي بدري مره ثانيه بما انك تعرفين انه يعصب
هذا ابوك صبرك عليه لك فيه اجر عظيم
الطلعات و الصحبات لاحقة عليها توك صغيرة والعمر قدامك ،، بكرا تسافرين معهم بعد
مره لا تتضايقين و تخرب بشرتك ويطيح شعرك:)
كله يهون انبسطي معهم بجوالك ارسلي لهم انتي بعد صور سوي حلا واجلسي مع اهلك واضحكي وانبسطي


غيرك حتى جوال وتلفزيون وانترنت م عندهم
هذا ابوك والاب غالي مهما كان
لو زوجك او اخوك ممكن يكون كلام ثاني 💙

نصيحة ي اختي لوجه الله
الناس اللي تقولك وقفي بوجهه وارفعي صوتك
ارجوك ارجوك ارجوك لا تردين عليها لو يحرقك بالنار
مستحيل يتغير بهالعمر ،، بس انتي صغنونه وتقدرين تزيدين صبرك و حلمك ،، الحلم بالتحلم والعلم بالتعلم ومثلهم والصبر بالتصبر


ترى صبرك الان مع المحافظة على شخصيتك الجميله معه بيصقلك وبتكونين زوجة رائعه و أم عظيمة

والله مشكله الله يعينكم ويحنن قلبه عليكم