اكره الحريم الي زي كذا كره. العمى/ استوفى الرد

بسم الله الرحمن الرحيم
انا حابه اقلكم علي سالفه صارات من كم اسبوع،،، وباخذ آرائكم ومشاركات كم فيها
السالفة سلمكم الله،،، ورزقكم الجنه
هي كل الآتي ،،
من كم اسبوع رحت زياره عند أهل زوجي،،، كان عندها جمعت حريم ورحت
المهم جابو سالفه خطبت وحده من جمعتنا طبعا أهي بنت بس كبيره بالعمر ماقد تزوجت عمره 39سنه تو ربي كتبلها النصيب
المهم قالو فلأنه اخيراً بتزوج بعد العمر هذا كله،،،وطبعا كلا قام يعلق علي الموضوع والي مزعلهم انه تزوجت واحد مو من قبيلتنا من قبيله ثانيه
عاد شوف تعليقاتهم وش كانت
اول تعليق ،،قالو من وين عارفه هل الرجال. وش جابه له(مادرو ان الزواج قسمه ونصيب)
ثاني تعليق:آيه خليها تتزوج أحسن لها صارت عانس(مايدرون ان هل العانس إنسانه حاله حال البنات)
ثالث تعليق:اذا تزوجت بتجيب عيال ولا (هنا حسسوني انه عجوز وتمشي علي عكاز)
رابع تعليق:لايكون بتسوي عرس وزفه وتلبس فستان وتدخل المعرس يجلس معها علي الكوشه(هنا المعرس مو عاجبهم لانه مو من قبيلتهم،،،ولنه كبير بالعمر كان متزوج بس حرمته توفت وعند عيال مشاء الله كبار ومتزوجين)
خامس تعليق:اهم شيء اذا حطت مكياج مايكبره زياده...تخليهم يحطولها مكياج يطلعها صغيره(عاد هنا قمه الاستهزاء بالمسكينه)حسسنوني انه بشعه لهل الدرجة وان الكبر باين عليها
سادس تعليق:يقلون لو انا منه لا خلف كل سنه وجيب وراء بعض ماجلس اتدلع(هنا مثل ما يقلون لاتحسب نفسه صغيره وتجلس تدلع مابي عيال الحين من هل الكلام)
سابع تعليق:لايكون بتروح شهر عسل مع ذا الشايب الي هي متزوجت(يا ربي سترك حتى في ذي مايبونها تستأنس وتشوف الدنيا)
المهم يابنات انا من القهر الي فيني تخيلو انفجرت علي هل الحريم قالت بدل كل وحده مو عاجبه ليش تزوجت واحد غريب ليش مازوجتوها لاواحد من عيالكم ولا بس شاطرين تحطون عذريب بهل المسكينه يومه قدامك ماحد راح دق باب بيتهم وطلبها علي سنه الله ورسوله ولما جاء نصيبها لواحد مو من مواخيذكم زعلتتوا وقمتو تعلقون عليها وربي حسستوني انها مو بني ادمه مثله مثل غيره واذا تزوجت بهل العمر مو معناته ولاشيء ربي ماكتب لها النصيب الا الحين يمكن هل الغريب الي مو عاجبكم يكون فيه بركه وخير لها،،،،وأنتم ناس ما يعجبكم العجب
من بعدها قفلو علي الموضوع وسكتوا....وربي اني حزنت وتضايقت عليها شايفينها ولا شيء عشانه كبيره بالعمر وهي قبل كان يجيها خطاطيب بس كانت ترفض عشان امه كانت تعابانه وهي الي قائمه بأمها ،،،وكل من جاء يخطبها كانت تشرط ان أمها لازم تكون معها بس محد يرضى وجالست تعتني بمها طول هل السنين الين توفت ولدتها والحين جاء نصيبها وتزوجت
وربي ان شاء الله يسخر لها زوجها،،،،ويرزقها بالذريه الصالحه عاجل غير اجل قادر يا كريم
مع الأسف مازلان ناس متخلفه،،،،وما راح نتطور دام فيه ناس لسى كذا تفكيره
بدل مايفروحن لها،،،قاموا يعلقون عليها،،،،سخافات حريم يارب لاتبلانا
بس الواحد مايقول الا الله يهديهم ويصلحهم لنفوسهم)معليش كلامي كثير ،،،،قرقر واجد
بس ابي طلب واحد كل وحده تدخل وتقرى الموضوع ياليت تدعلي لها ان الله يوفقها بحياتها
وربي انها بنت حلال وتستاهل كل خير،،،،الي ماتحب تعلق علي الموضوع تدعي لها بالتوفيق