اكره الحياة مع زوجي..بس احبه😥 ادخلو لو تدعون لي بس

بدخل بالموضوع على طول
مشكلتي زوجي وحيد اهله
وساكنين معهم وحاطين لنا جناح معهم بس فيه باب داخلي بيننا
وانا صراحه ماحسيت انه بيت خاص لي ابد

تعبت نفسيتي مره
لنا4سنوات متزوجين
وعندي ولد

اول الزواج عانيت اني مااخذ راحتي ببيتي ابد
وكل شوي واحد فاتح الباب وداخل
من غير اذن
بنات اخته وابوه وامه😭
والله يوصلون الى غرفة النوم وعادي
حتى لبس ماالبس زي الناس

كنت اتضايق مره
وزوجي دايم عندهم ماكنا نجي لجناحنا الا وقت النوم
واذا شافني صلحت شي
اخذه وراح ويقول تعالي

مرت الايام وتغير زوجي وصار يجلس بالبيت
كبر ولدي وصار مايجلس عندي ابد😥
حتى ماعاد عرفت اربيه
وماياكل مثل الناس

ولازم انا اروح اجيبه
حتى ماعاد صرت اقدر اللبس شي ببيتي
كل شوي اروح عشانه
والا هم يطقون يجيبونه😭
وياويلي لو اقول شي

اذا سافرت مع اهلي او رحت عندهم فتره ارتاااااااح
واذا جيت للبيت احس بأكئاب
وضايق صدري حيل
وبس اصيح😪

تعقدت من البيت
احب زوجي بس اذا جيت للبيت اكرهه ولا ودي اشوفه

اذا سافرنا لحالنا يسافر وهو متضايق وبس يفكر باهله😥
كرهت السفر معه ولا عاد طلبت منه نسافر

اذا كنت مسافره وجيت
احصل نص اغراض البيت مفقوده
لانه كل شي ياخذه ويوديه عندهم

حتى لو ماسافرت
والله اذا كنا جالسين عندهم لو احتاج اي شي حتى لو ملعقه
يروح يجيبها من مطبخي😪
ماقصدي على اغراضي
بس حسيت بيتنا مو خاص كانه بيت واحد
وهذا هو الحاصل
ابي احس باستقلاليه
ولو اقول لزوجي
تهزأ فيني وماراح يفهمني ابد

كانت احلام قبل الزواج
وتزوجت وانصدمت بقوووووه

وادعي ربي يريحني مع زوجي والا يفرق بيننا من غير شر😭

طولت عليكم😪

بس والله تعبانه