بالنسبة لحوسه الصحون وغسيلهم خذي لك غسالة صحون والله انها خيال انا من يوم شريتها مااغسل صحون الحمد لله مرتاحه. وبالنسبة للطبخ انا مثلك اكررره دخلت للمطبخ اصلا في بيت اهلي ماعمري طبخت بس لان احب زوجي واحب اتفنن في الاشياء الي يحبها صرت اطبخ واجيب وصفات من النت وحتى عزايم اطبخ كالذ وطاب.

بنات حستوني اني من كوكب ثاني 
من طلعت ع الدنياء حنا نطبخ ثلاث وجبات
منغير العصريه فطاير ولا حلا
وهذا حنا الحمدالله مبسوطين ولا نقص منا شي 

حطي بالمطبخ مكيف

شوفي الطبخ يبغاله رواقه وتحببين نفسك بهالشيً انا مشالله ظبخي ماياخذ ساعه وايذاكشري او هالاشياء الثقيله ساعتين ومشالله اهل زوجي يمدحون ظبخي ويقولون سريعه وش تسوين ..يعني اكون قبلها باليل عارفه وش بطبخ بكره واصحا الصباح اطلع الايدام وارجع انام لين ١٢ اصحا اسويه علا طول ماتجي ١ ونص الا جاهز وعشان ماتصير حووسه اغسل كل شي اول باول صج اني اكره ساعات اقوم من النوم بس مجبوورين والعشا خفااايف ..مو شرط رز وخرابيط ..وصراحه انا اشوف الاستقرام واتحمس اتعلم شغلات جديده وانتي حببي نفسك بهالشي لانه بيجونك عيالك لازم تسوين وتتفننين لهم ..بالتوفيق ياحلوه

مدري صراحه بس زوجك يتلكك ويبي الهوشه
فطور وغدا وعشا وش يبي بعد
ليه الناس وش تسوي
كلنا نفطر خفيف ونسوي غدا ونتعشى خفيف زبادي وفواكه
يعني الطبخ مره باليوم
وش يبي اكثر من كذا
ياشين الرجال اللي وده يتهاوش مع مرته ولا يدري شلون يبدا الهوشه