اكره اهلي واخواني وحريمهم وخواتي😭ساعدوني

انا انظلمت من اهلي كثييييير بعد وفاة ابوي الله يغفر له انظلمت من امي واخواني وحريمهم وخواتي بعد وفاة ابوي اخواني كرشو علئ كل شي وحريمهم بس يرمون عيالهم علينا صرت شغاله عند حربمهم وعادي تدخل تهزئنا انا وامي وتطلع وبعدها يجي زوجها يدافع عنها!!! بعدها وحده من حريم اخواني صارت بيني وبينها مشاكل قام زوجها قال لازم تزوجها وقام يحرض اخواني زوجوني غصب لرجال زباله تكرمون حتى هدايا ما عطوني صار كل مره يضربني ويطردني من البيت اخواني يوقفون معاه وامي تقولي ترجعين له ولا بدعي عليك جبت منه طفلين وتطلقت وبعد الطلاق وزعت اول راتب لي من وظيفتي على عيالهم ابي افتح صفحه جديده معهم لأكن مافي فايده صحيح خف أذاهم لأكن ما عقلو ولا يعترفون باخطاهم ولا حتى يرضون أتكلم وافضفض لهم بعد لاكن الحين عزلت نفسي وطلعت بيت لحالي وتركتهم لاكن مو قادره انسى ظلمهم لي مو قادره الحين ما هميتهم ومستحيل يعترفون بخطاهم ابددددد
انا مو قادره انسى وكل مره اقول انا ليش سكت لهم ذيك الفتره ليش تزوجت واحد من طرفهم ليش ليش ما اشتكيت عليهم احد اقاربي او المحكمه او الشرطه ليش وليش وليش
الي بتقولي احمدي ربك افتكينا من زوجك اقول انا افتكيت لاكن فرصتي بالزواج قلت انا قربت للاربعين عمري38 ولا يخطبني الا الردي والبيت والعيال كلها فوق راسي محد يساعدني ولا راضين يكلمون زوجي هم مدلعين حريمهم واذا جلست مع بنات عمي الي كنت العب معهم وانا صغيره كلهم ماشالله تزوجو رجال سنعين موفرين لهم كل شي ورجال محترمينهم اهلهم اختارو لهم الرجال السنعين
غير كذا شخصيتي تغيرت ثقتي بنفسي صفر صديقاتي بنو أنفسهم الي دكتوره والي منصب لانهم عاشو في بيئه سليمه لأكن انا الي عيشوني في حرب كيف بنجح مثلهم بالله!!!؟؟اكيد بكون انسانه فاشله كله بسببهم حسبي الله عليهم
مقهوره منهم واكرههم كره العمى وودي انتقم منهم😭😭😭😭😭😭
انا ما اقصد الانتقام ااذيهم انا ابي حركات المكايد انا ما اعرف اكيد وأمثل واضحه وطيبه وغبيه غبيه ما اعرف اتصرف وهذا الي خلاهم بسهوله يدمروني تكفون علموني الكيد ولكم الأجر واللله مظلومه مظلومه والي بتقولي سامحي ولا تدخل لاتدخل موضوعي لو هي مكاني ما سامحت