اكره اهل زوجي ومااحب اشوفهم/ قديم

بنات واسوني وادعولي انا اكره اكره اهل زوجي بالمرررررررره ومااحب اشوفهم ولا احب اسمع اصواتهم اذوني كثير من اول يوم زواجي غلطوا علي وانا سكتلهم ومااخدت حقي منهم كانوا يغلطو وينتظرو مني زله صغيره لدرجه لمن اخاصم عيالهم من كتر مايطفشوني يسووها مشكله كبيره ويفضحو اني خاصمت عيالهم مايقدرو فيهم يالطيف حسد وحقد واخر مره اخت زوجي غلطت علي وبهدلتني عشان هاوشت عيالها من كتر الاذيه مابان في عينها اذية صغارها دايم يشوفو الغلط مني المهم انا اعتذرتلها اعتذار كبير على شي مايسوى وعرفت وقتها انها حاقده علي وبعد اعتذاري قلت بنسحب بذات عن اهل زوجي كلهم السلايف واخواته لاني عرفت انهم منتظرين مني زله وبصراحه مااقدر اعطيها وجه بعد اللي غلطت علي وسبتني واهانتي وانا مارديت عليها لانها كانت بس بتسبني مثل كلبه وحيوانه ومتخلفه وماعندها شي تاني تقوله غير كانت بتحسدني على معاملة زوجي لي تقول انا زوجي مابيسوي مثل مااخويه بيسويلك وهو معيشك في الهنا ووو ... وانا اعتذرت عن غلطي عشان فضحتني في العماره وثاني شي صارت هي ترسلي رسايل برودكاست في الواتس كانه ماصار شي ولا كانها غلطت حسبي الله عليها اكرهها ومستحيل ارجع اكلمها مثل اول ولا اعطيها وجه مثل قبل وقلت لزوجي انا مارح اكلمها غير اني اسلم عليها عشان خاطرك قلي السلام لله قلت لو عشان الله ماابغا اخد اجر فيها يعني استغفر الله اسلم عليها بس اسكتها واسكت اهلها وانا قلبي نار منها قليلة ادب ويوم ماكانت بتغلط علي اتحسبت في وجهها كتير وبعدها امها مرضت من شهر تقريبا الى الان بسبب ام زوجي اول ظلمتني من سنين ووقت ماخاصمت عيالها قبل فتره جات وفتحت السيره حق الماضي وصارت تدافع عن ظلم امها لي وان شاءالله تحس بظلمها لي بصراحه اخته حقيرررررره غلطت علي ولاكانها سوت شي اكرها واكره عيالها المشكله ماعندهم احساس قاعددين على قلبي مايسيبوني في حالي 24 س في وجهي الواحد يفهم من تلميحات انه بيتضايق وهم لا يضايقو وغصبن عنك تفكي الباب واذا شافوا غلط مني يكبروها ويفضحوني للناس انا خلاص ماعاد اعطي اي واحد في وجه وقلت خليهم يجو بيتي ويقعدو زي الجدار واضيفهم باصلي اما كلااااااااام مستحيل اتكلم مع ناس حقود حتا نيتي الصافيه يقلبوها حسبي الله ونعم الوكيل على اخت زوجي وعلى كل كلمه قالتها وجرحتني وبسالك يااختي الحين قريب بسوي عزيمه برايك كيف اتعامل معاها لانه من بعد ماسوتلي المشكله وبعد اعتذاري لها ماكلمتها لي فتره وشايله هم كيف اطالع في وجهها في عزيمتي لانه انا من داخلي مستحيل ارجع علاقتي معاها مثل قبل ..كنت اعزها واحترمها بس انصدمت فيها طلعت اللي في قلبها كله وسبتني وعرفت انها حاقده وحاسدتني..لدرجه بعد المشكله كمان ترسل عيالها وقالت غصبن عنك تدخلهم مو بيتك ... افففففف اكرهها .. اللهم اشغلها هي وعيالها في نفسهم يارب حبيت افضفض وانتبهو من اهل ازواجكم ماتعرفو من عدوكم ادعولي ربي يفرج علي ويشغلهم في نفسهم