اكره زوجي واحس بنفور منه

مساء الخير

أخواتي أرجوكم حسو بمعاناتي ولاتجي وحده تتهجمني لأني تعبانه نفسيا

أنا متزوجه من 11 سنه وعندي 3 أطفال كنت أحب زوجي والان لي 4 سنوات قل حبه لين صرت مااحبه وافكر انفصل بس اكيد اهلي بيرجعوني وماراح يتحملون اولادي
زوجي يحبني بس ماعاد يهمني وهو حاس بنفوري ويحاول يتودد بس مني قادره اتقبله
لعدة أسباب
حاط مسؤلية الأولاد كلها فوق رأسي ومااشوفه الا وقت النوم من يوم اخذته كذا اجتماعي جدا ومايجلس وجمعه وسبت يطلع كشتات وينام برأى
اذا جيت ابغى اروح مشوار ادق عليه يقول مايمديني غير مع اخواني احس بكراهيه له
حياتي مافيها شي حلو بس كرف وتنظيف وتدريس وتربية واذا قلتله مشيني او بسافر يرفض ويكره السفر كره الموت بحياته ماسفرني
عنده ضعف ويجلس شهر وشهرين عني
وفيه شي مكرهني فيه اسفه اني بقوله بس ابغى حل
اكره الحمام اللي يروحله هو يروح حمام غرفة النوم وانا لايمكن استخدمه اروح لحمام عيالي
والسبب انه لما ادخل الحمام ماالاقيه نظف زين تعبت المح مافيه فايده رغم انه بملابسه وشكله وجسمه جدا نظيف بس بالحمام استغفر الله وكم مره اقوله نظف الحمام قبل تطلع
كل هاذي الاسباب كرهتني فيه وصرت مني طايقته وودي اتطلق منه بس وين المكان اللي بيضفني انا وعيالي غير بيت اهلي ماابغى بيت اهلي
هو طيب ومحترم وكريم بس عافته نفسي من الاسباب اللي ذكرت فوق
11 سنه وأنا اناقشه ودور حلول ولا وصلت لحل معاه خلاص يئست

أخواتي قوليلي وين اروح ؟ايش اسوي؟
لو بقيت كذا بختنق وأموت

اليوم سافر للعمل وجاء قالي مارديت عليه ماعاد يفرق حضوره وغيابه تعود على بعده