اكره زوجي وحاقده عليه

حبدا بالموضوع على طول مشكلتي زوجي يحب يشوفني منكده وزعلانه او بالاصح تعيسه مالي متزوجتو غير 3 شهور وكانها 3 سنين مليت من وجهو ومنو وكل شي يخصو لانو مو محسسني بالسعاده معاه وكل دا اكبر مني ب11 سنه :icon33: مافي بيننا انسجام ولا تعاطف مايحن عليا ولا يحبني يقولها كلام من غير مشاعر من يوم تزوجنا ماسمعت منو كلمت ..يلا.. المشكله قلبت انا الرجال وهوا الحرمه مايوم قلي يلا السوق اخدلك شي ناقصك او جابلي حاجه من غير اطلب كلو انا ابادر فيه ابادر بكل حاجه مايطلعني مطعم او بحر الا لما اطلبو ويطلعني ووجهو مقلوب وساكت لما ينكد عليا ويخنقني وبعدين ادا اتاكد ان انسدت نفسي عن كل شي يفكها وينبسط ونا انسانه مسامحه ومااعرف اعبس وجهي ادا كلمني على طول اسامحو واننسى بس دحين والله ماانسى ولا راح اسامحو لانو مايستاهلني دخلت ع بيتي وتلفزيوني فيه محرمات ولابتوبو كلو محرمات وصحبات ويخونني لدرجة ماعاد اقدر اثق فيه لو ايش ماسوا وترك بدات حياتي معاه بعدم الثقه والامان احس انو انسان مونافعني بشي بس متزوجني علشان يضرني احس ماخدني بس علشان ااكلو واشربو واكويلو والبسو وانظفلو مايعرف رومنسيه ولا حنان ولا كلام معسول يعرف بس يجرحني ويعطي الحكي لغيري والغزل انا قررت انفصل عنو بقناعه تامه لاني بجد قرفت منو وماعاد اطيقو دايمن احاول افهمو اني محتاجه الحب والحنان والامان والثقه احتاج زوج بمعنى الكلمه مو محتاجه واحد زيو بالدات انو بخيل مخليني انا اصرف على نفسي لدرجة اهلي يعطوني ونا متزوجه مصاريف لمطعم لسوق لبحر شي فيه ليا ماعندي ماعندي ولا يوم جلسنا فيه مع بعض من غير جوالو زوجي مو متزوجني انا متزوج اللابتوب والجوال مافيه وقت ليا لكن حسبي الله عليه هدا قليل من فضفضتي ومن يلي فقلبي ......اتمنى تدعولي اني افتك من وجهو وارجع لبيت اهلي اقلها احس اني انسانه لي حسي لو مرضت خافو عليا هدا لومرضت اشد المي وتعبي وبكاي يجرحني ويزعلني لكن قلبي غضبان عليه ليوم البعث ..............ززتكفون ادعولي ربي يفرج همي ويشفيني من مرضي ويخفف عني كل بلاء.:44: